1 KOR 14
14
Nawanto ma kanmǝra ma eeme ɓolɓol ya
1Sǝ kweetǝ sǝ kǝr yauta, sǝ ɗǝm tom ma nɗeura nawoo ɓolɓol u Wis Ɗekɗek ya wa, samto nga nawoo u na wanto wa. 2Nǝ nkee maaso me, yaa yǝn kansǝ ma eeme ɓolɓol ya, yǝ kanaa ma ɓeta ra, yǝn kan ma Kaa. Ɓongtǝra, yaake sem kǝn yǝ maa mbu yǝn nkeesǝ ɓa ra, me yǝn kan mbu a nhuukǝra ɓa, ma lau kwangto Wiso wa. 3Pa yaa yǝn tomsǝ nawanto wa ya, yǝn kan ma ɓeta me ǝɓǝ sookǝ mbarta, ǝɓǝ naankwiiti, ɗǝm ǝɓǝ tom ntaanyǝma. 4Hana nyamni yaa yǝn kansǝ ma eeme ɓolɓol ya, ǝn tisǝ aa mbar nkweeresi wa, pa yaa yǝn tomsǝ nawanto ya, yǝn ti kwauwo ɓan bǝɗ Kaa ɓa ɓǝ mbar wa. 5To, nǝn yau me, saase nsaad sǝ tom kanmǝra ma eeme ɓolɓol, pa nǝ faɗ yauwon me sǝ tom nawanto wa. Yaa yǝn tomsǝ nawanto ya, yǝ faɗ yaa yǝn kansǝ ma eeme ɓolɓol yan, me kǝ taa yaa kiyaa kǝrtǝ ya, me kwauwo ɓan bǝɗ Kaa ɓa wa, ɓǝ sookǝ mbarta.
6Waso, ɓaata ɓǝna, me nǝ wo a sani nǝn kansǝ ma eeme ɓolɓol, ǝn sookǝra mbi kǝnǝsǝn tommou, me nǝ wosǝsǝ ma mara nwanyǝ mbusa wa, hana maa mbuka wa, hana nawanto wa, hana mara fǝɗkǝra wa rau? 7Hana maaso, ma mbu sem ma huurtu ra ɓa, nga ɓeya hana silingga. Me or ɓoso teyaa yaɓ ra, kǝ tomtomni ete kiyaa maa mbu ǝn pinsǝ ɓa, hana mbu ǝn hursǝ ɓau? 8Me ɓaa hur pamra keke u ɓaa ka maa wa ra, yaa kiyǝ sǝk ko a kito wa niu? 9Maaso yǝsǝ a sani wa, me sǝ kan ma ee ke ɓol u ɓaa maa ra wa, kǝ tomtomni ɓaa ka maa mbu sǝn nkeesǝ ɓau? Siso sǝ tom kanmǝra u sal wa. 10Pǝno sem ra, eeme kǝn ɓolɓol a put taandi wa, hana u nawa, ɓan kan aa maa. 11Me nǝn kuraa ee sisi ra, kǝnǝ kaɗ wee a yaa yǝn kansǝ sisi, yaa yǝn kansǝ sisi ɗǝm, yǝ wee a nani. 12Mbusǝsa yǝ maaso ɗǝm a sani. Nga sǝn kura nɗeura me sǝ taa nawoo u Wiso wa, yaa sǝ kweetǝ sǝ na kokrokto waaso, aa tom nawoo sǝsa, u ka ti kwauwo ɓan bǝɗ Kaa ɓa aa mbar wa.
13Pa me maaso, hana nyamni yaa yǝn tomsǝ kanmǝra ma ee ke ɓol ya, aa lee yǝ tom kǝnara me aa na nawoo tom kǝrtǝra wa. 14Me nǝ tom kǝnara ma ee ke ɓol, ndǝ wis waano yǝn tom kǝnara sase, pa senta na tom mbu hima ɓa ra. 15Yaa kǝnǝ tom niu? Kǝnǝ tom kǝnara ma wiso, pa kǝnǝ tom ma senta naa ɗǝm. Kǝnǝ kǝɗ pin nyoo Kaa wa ma wis waano, pa kǝnǝ kǝɗ ma senta na ɗǝm. 16Me sem maaso ra, me ngǝ hima Kaa ma wiso maɗ, kǝ tomtomni yaa yǝn kura ngǝsǝ ya, pa yǝn kuraa ee sisi ra ya, kiyaa nkee me, “Aa kaɗ maaso” a ɗuura himara u ngǝn tomsǝ ɓa, me yǝ maa mbu ngǝn nkeesǝ ɓa rau? 17Hanaka ngǝ hima Kaan dem, ai, eɗ sisi yǝ sookǝ ra.
18Nǝ hima Kaan, nǝn kan ma eeme ɓolɓol aa faɗ saase nsaad. 19Pa nsaad siso, hana a han kwauwo ɓan bǝɗ Kaa ɓa wa, nǝ faɗ yauwon me nǝ nkee matamse wonon ma senta na, me nǝ fǝɗkǝ ɓaata, ma u kǝna nkee matamse pusa pu pu pu ma ee ke ɓol wa.
20Ɓaata ɓǝna, sǝ kong tom senta wa nga emɓa ra, pa ma lau tom kwanatiro wa, sǝ kang nga welta, pa sǝ tom ma senta nga wiina. 21Nga ɓaa nyorsǝ a masaka wa me,
“Kǝnǝ kan mara ma ɓet ɓa
ma lau ɓeta ɓaa ɓǝsǝ ma eeme ɓolɓol ya wa,
ɗǝm ma waa ɗǝlmata wa,
nsaad siso ɓǝ nǝ kura ra,
a kura Ankundi.”
22Hankara, kanmǝra ma eeme ɓolɓol ya, ǝn mbu ngwee ɓa a ɓaa ɓǝ bǝɗɗa Kaa ra ɓa, pa sem a ɓan bǝɗ Kaa ɓa ni ra. Ɗǝm nawanto wa, ǝn u ɓaa ma naɓongtǝra ɓa wa, sem u ɓaa ɓǝ naa ɓongtǝra ɓa ra wa. 23Me maaso, me kwauwo ɓan bǝɗ Kaa ɓa, ɓǝ kwauwan, ɗǝm hana yamni yǝn kan ma ee ke ɓol, pa ɓaata ɓaa ɓǝ kuraa ra ɓa, hana ɓaa ɓǝ bǝɗɗa Kaa ra ɓa ɓǝ kana, hankara ɓǝ nkee me, sǝ paran rau? 24Pa me hana yamni yǝn na wanto, yaake yaa yǝ bǝɗɗa Kaa ra ya, hana atike yaa yǝ maa mbu ɓan tomsǝ ɓa ra ya, yǝ kannan, mara hana yamni ra kiyaa ntee, u ka kan yǝ kǝr kon nfaata wa. 25Ɓaa kǝ nwanyǝ nhuukǝra senta a kuɗa ira ɓa, me maaso, kiyǝ kwirsǝ yǝ nyoo Kaa, yǝn nkee me, “Ɓongtǝra Kaa yaa kuti yaase.”
Aa nyoo Kaa a ɗǝɗa pamsǝ ra
26Ɓaata ɓǝna, pa kǝ ndǝ tomniu? A fer sǝ kwausǝ wa, me yaake yǝ ma pin nyoo Kaa wa, yaake ɗǝm yǝ ma fǝɗkǝra, yaake yǝ ma nwanyǝ mbusa wa, yaake yǝn kan ma eeme ɓolɓol, yaake ɗǝm yǝn an kǝrtǝra eeme ya. Aa lee hana yamni yǝ tom mbuka men sookǝ mbarta kwauwo ɓan bǝɗ Kaa ɓa wa. 27Ɗǝm me ɓaataka ɓǝ kǝ kan ma ee ke ɓol, ɓǝ kong faɗ ɓeta raɓ hana tatǝn ra, ɗǝm ɓǝ tom bǝɗɗe bǝɗɗe, yaake pa yǝ tom kǝrtǝra. 28Me an kǝrtǝra ya sem ra, pa an kan mara ya yǝ ro nseu a ɗaaso kwauwo ɓan bǝɗ Kaa ɓa wa, yǝ kan ma nkweera, ɗǝm ma Kaa.
29Ɓan nawanto ɓa raɓ hana taatǝn, ɓǝ kan mara, pa ɓaata ɓǝ sengge mbu ɓǝn nkeesǝ ɓa nlaa. 30Ɗǝm me Kaa yǝ kan ma atike yǝsǝ ɗaa kǝnso ya, pa yaa a ntiiri yǝn kansǝ mara siya, yǝ ro nseu. 31Saase nsaad kǝ sǝ nkaa sǝ na wanto bǝɗɗe bǝɗɗe, me hana nyamni yǝ taa fǝɗkǝra, ɗǝm hana nyamni yǝ taa naa nkwiiti wa. 32Ɓaa ɓǝn nkeesǝ mbu Kaa yǝ nwanyǝsǝ ɓa wa, tommon ɗaɗ ɓǝ ma ɗuuti ɓose. 33Tom maaso me, Kaa ɓǝnda sem Kaa yaa yǝn taasǝ ɓoti ya ra, pa ǝn yaa hurhur ya.
Maaso ɗǝm yǝsaa kwauwo ɓan bǝɗ Kaa ɓa wa nsaad. 34Pamman me toona ɓǝ roo nseu a ɗaaso kwauwo ɓan bǝɗ Kaa ɓa wa, me ɓaa na ɓǝ kwangto ɓǝ kan mara ra, pa ɓǝ na ɗuuti ɓose nga fǝɗkǝra Musa ra yǝ nkeesǝ wa. 35Me mbukake kǝn ɓǝn taasǝ me ɓǝ maa wa, to, ɓǝ taa ker ɓosa ɗuuru. Tom maaso me, ǝn mbu ɗuura nwaara ɓa, toone yǝ kan a ɗaaso kwauwo ɓan bǝɗ Kaa ɓa wa.
36A ɗuura saa seɗɗe mara Kaa ra ntiisǝ wau, ko a saani maɗ kansǝ wau? 37Me yaake yǝn sen me yǝn an nawanto ya, hana yaa yǝsǝ ma nawoo ko ɓol u wiso ya wa, to, aa lee yǝ maa me, mbu nǝn nyorsǝsǝ ɓa, Ankundi yǝ nkee sase. 38Me yaake yǝ mbisi nhii nwaa wa a mbu sǝsa, sase kǝn, aa nhii nwaa a sani ra.
39Me maaso ɓaata ɓǝna, sǝ tom nɗeura aa na wanto wa, ɗǝm sǝ saa kano ma eeme ɓolɓol wa ra. 40Pa aa tom hana mbi keke ɗǝm bǝɗɗe bǝɗɗe.
Currently Selected:
1 KOR 14: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
1 KOR 14
14
Nawanto ma kanmǝra ma eeme ɓolɓol ya
1Sǝ kweetǝ sǝ kǝr yauta, sǝ ɗǝm tom ma nɗeura nawoo ɓolɓol u Wis Ɗekɗek ya wa, samto nga nawoo u na wanto wa. 2Nǝ nkee maaso me, yaa yǝn kansǝ ma eeme ɓolɓol ya, yǝ kanaa ma ɓeta ra, yǝn kan ma Kaa. Ɓongtǝra, yaake sem kǝn yǝ maa mbu yǝn nkeesǝ ɓa ra, me yǝn kan mbu a nhuukǝra ɓa, ma lau kwangto Wiso wa. 3Pa yaa yǝn tomsǝ nawanto wa ya, yǝn kan ma ɓeta me ǝɓǝ sookǝ mbarta, ǝɓǝ naankwiiti, ɗǝm ǝɓǝ tom ntaanyǝma. 4Hana nyamni yaa yǝn kansǝ ma eeme ɓolɓol ya, ǝn tisǝ aa mbar nkweeresi wa, pa yaa yǝn tomsǝ nawanto ya, yǝn ti kwauwo ɓan bǝɗ Kaa ɓa ɓǝ mbar wa. 5To, nǝn yau me, saase nsaad sǝ tom kanmǝra ma eeme ɓolɓol, pa nǝ faɗ yauwon me sǝ tom nawanto wa. Yaa yǝn tomsǝ nawanto ya, yǝ faɗ yaa yǝn kansǝ ma eeme ɓolɓol yan, me kǝ taa yaa kiyaa kǝrtǝ ya, me kwauwo ɓan bǝɗ Kaa ɓa wa, ɓǝ sookǝ mbarta.
6Waso, ɓaata ɓǝna, me nǝ wo a sani nǝn kansǝ ma eeme ɓolɓol, ǝn sookǝra mbi kǝnǝsǝn tommou, me nǝ wosǝsǝ ma mara nwanyǝ mbusa wa, hana maa mbuka wa, hana nawanto wa, hana mara fǝɗkǝra wa rau? 7Hana maaso, ma mbu sem ma huurtu ra ɓa, nga ɓeya hana silingga. Me or ɓoso teyaa yaɓ ra, kǝ tomtomni ete kiyaa maa mbu ǝn pinsǝ ɓa, hana mbu ǝn hursǝ ɓau? 8Me ɓaa hur pamra keke u ɓaa ka maa wa ra, yaa kiyǝ sǝk ko a kito wa niu? 9Maaso yǝsǝ a sani wa, me sǝ kan ma ee ke ɓol u ɓaa maa ra wa, kǝ tomtomni ɓaa ka maa mbu sǝn nkeesǝ ɓau? Siso sǝ tom kanmǝra u sal wa. 10Pǝno sem ra, eeme kǝn ɓolɓol a put taandi wa, hana u nawa, ɓan kan aa maa. 11Me nǝn kuraa ee sisi ra, kǝnǝ kaɗ wee a yaa yǝn kansǝ sisi, yaa yǝn kansǝ sisi ɗǝm, yǝ wee a nani. 12Mbusǝsa yǝ maaso ɗǝm a sani. Nga sǝn kura nɗeura me sǝ taa nawoo u Wiso wa, yaa sǝ kweetǝ sǝ na kokrokto waaso, aa tom nawoo sǝsa, u ka ti kwauwo ɓan bǝɗ Kaa ɓa aa mbar wa.
13Pa me maaso, hana nyamni yaa yǝn tomsǝ kanmǝra ma ee ke ɓol ya, aa lee yǝ tom kǝnara me aa na nawoo tom kǝrtǝra wa. 14Me nǝ tom kǝnara ma ee ke ɓol, ndǝ wis waano yǝn tom kǝnara sase, pa senta na tom mbu hima ɓa ra. 15Yaa kǝnǝ tom niu? Kǝnǝ tom kǝnara ma wiso, pa kǝnǝ tom ma senta naa ɗǝm. Kǝnǝ kǝɗ pin nyoo Kaa wa ma wis waano, pa kǝnǝ kǝɗ ma senta na ɗǝm. 16Me sem maaso ra, me ngǝ hima Kaa ma wiso maɗ, kǝ tomtomni yaa yǝn kura ngǝsǝ ya, pa yǝn kuraa ee sisi ra ya, kiyaa nkee me, “Aa kaɗ maaso” a ɗuura himara u ngǝn tomsǝ ɓa, me yǝ maa mbu ngǝn nkeesǝ ɓa rau? 17Hanaka ngǝ hima Kaan dem, ai, eɗ sisi yǝ sookǝ ra.
18Nǝ hima Kaan, nǝn kan ma eeme ɓolɓol aa faɗ saase nsaad. 19Pa nsaad siso, hana a han kwauwo ɓan bǝɗ Kaa ɓa wa, nǝ faɗ yauwon me nǝ nkee matamse wonon ma senta na, me nǝ fǝɗkǝ ɓaata, ma u kǝna nkee matamse pusa pu pu pu ma ee ke ɓol wa.
20Ɓaata ɓǝna, sǝ kong tom senta wa nga emɓa ra, pa ma lau tom kwanatiro wa, sǝ kang nga welta, pa sǝ tom ma senta nga wiina. 21Nga ɓaa nyorsǝ a masaka wa me,
“Kǝnǝ kan mara ma ɓet ɓa
ma lau ɓeta ɓaa ɓǝsǝ ma eeme ɓolɓol ya wa,
ɗǝm ma waa ɗǝlmata wa,
nsaad siso ɓǝ nǝ kura ra,
a kura Ankundi.”
22Hankara, kanmǝra ma eeme ɓolɓol ya, ǝn mbu ngwee ɓa a ɓaa ɓǝ bǝɗɗa Kaa ra ɓa, pa sem a ɓan bǝɗ Kaa ɓa ni ra. Ɗǝm nawanto wa, ǝn u ɓaa ma naɓongtǝra ɓa wa, sem u ɓaa ɓǝ naa ɓongtǝra ɓa ra wa. 23Me maaso, me kwauwo ɓan bǝɗ Kaa ɓa, ɓǝ kwauwan, ɗǝm hana yamni yǝn kan ma ee ke ɓol, pa ɓaata ɓaa ɓǝ kuraa ra ɓa, hana ɓaa ɓǝ bǝɗɗa Kaa ra ɓa ɓǝ kana, hankara ɓǝ nkee me, sǝ paran rau? 24Pa me hana yamni yǝn na wanto, yaake yaa yǝ bǝɗɗa Kaa ra ya, hana atike yaa yǝ maa mbu ɓan tomsǝ ɓa ra ya, yǝ kannan, mara hana yamni ra kiyaa ntee, u ka kan yǝ kǝr kon nfaata wa. 25Ɓaa kǝ nwanyǝ nhuukǝra senta a kuɗa ira ɓa, me maaso, kiyǝ kwirsǝ yǝ nyoo Kaa, yǝn nkee me, “Ɓongtǝra Kaa yaa kuti yaase.”
Aa nyoo Kaa a ɗǝɗa pamsǝ ra
26Ɓaata ɓǝna, pa kǝ ndǝ tomniu? A fer sǝ kwausǝ wa, me yaake yǝ ma pin nyoo Kaa wa, yaake ɗǝm yǝ ma fǝɗkǝra, yaake yǝ ma nwanyǝ mbusa wa, yaake yǝn kan ma eeme ɓolɓol, yaake ɗǝm yǝn an kǝrtǝra eeme ya. Aa lee hana yamni yǝ tom mbuka men sookǝ mbarta kwauwo ɓan bǝɗ Kaa ɓa wa. 27Ɗǝm me ɓaataka ɓǝ kǝ kan ma ee ke ɓol, ɓǝ kong faɗ ɓeta raɓ hana tatǝn ra, ɗǝm ɓǝ tom bǝɗɗe bǝɗɗe, yaake pa yǝ tom kǝrtǝra. 28Me an kǝrtǝra ya sem ra, pa an kan mara ya yǝ ro nseu a ɗaaso kwauwo ɓan bǝɗ Kaa ɓa wa, yǝ kan ma nkweera, ɗǝm ma Kaa.
29Ɓan nawanto ɓa raɓ hana taatǝn, ɓǝ kan mara, pa ɓaata ɓǝ sengge mbu ɓǝn nkeesǝ ɓa nlaa. 30Ɗǝm me Kaa yǝ kan ma atike yǝsǝ ɗaa kǝnso ya, pa yaa a ntiiri yǝn kansǝ mara siya, yǝ ro nseu. 31Saase nsaad kǝ sǝ nkaa sǝ na wanto bǝɗɗe bǝɗɗe, me hana nyamni yǝ taa fǝɗkǝra, ɗǝm hana nyamni yǝ taa naa nkwiiti wa. 32Ɓaa ɓǝn nkeesǝ mbu Kaa yǝ nwanyǝsǝ ɓa wa, tommon ɗaɗ ɓǝ ma ɗuuti ɓose. 33Tom maaso me, Kaa ɓǝnda sem Kaa yaa yǝn taasǝ ɓoti ya ra, pa ǝn yaa hurhur ya.
Maaso ɗǝm yǝsaa kwauwo ɓan bǝɗ Kaa ɓa wa nsaad. 34Pamman me toona ɓǝ roo nseu a ɗaaso kwauwo ɓan bǝɗ Kaa ɓa wa, me ɓaa na ɓǝ kwangto ɓǝ kan mara ra, pa ɓǝ na ɗuuti ɓose nga fǝɗkǝra Musa ra yǝ nkeesǝ wa. 35Me mbukake kǝn ɓǝn taasǝ me ɓǝ maa wa, to, ɓǝ taa ker ɓosa ɗuuru. Tom maaso me, ǝn mbu ɗuura nwaara ɓa, toone yǝ kan a ɗaaso kwauwo ɓan bǝɗ Kaa ɓa wa.
36A ɗuura saa seɗɗe mara Kaa ra ntiisǝ wau, ko a saani maɗ kansǝ wau? 37Me yaake yǝn sen me yǝn an nawanto ya, hana yaa yǝsǝ ma nawoo ko ɓol u wiso ya wa, to, aa lee yǝ maa me, mbu nǝn nyorsǝsǝ ɓa, Ankundi yǝ nkee sase. 38Me yaake yǝ mbisi nhii nwaa wa a mbu sǝsa, sase kǝn, aa nhii nwaa a sani ra.
39Me maaso ɓaata ɓǝna, sǝ tom nɗeura aa na wanto wa, ɗǝm sǝ saa kano ma eeme ɓolɓol wa ra. 40Pa aa tom hana mbi keke ɗǝm bǝɗɗe bǝɗɗe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association