OMAPISALOMI 3
3
Egalikano lyongula
Episalomi lyaDavid konima sho a fadhukile po omwana Absalom
1Omuwa,
aatondi yandje oyendji ngiini,
oyendji ngiini, mbo ya hala okukondjitha ndje!
2Oyo taa popi ndje taa ti:
“Kalunga ite mu kwatha sha!”
3Ihe Omuwa, ongoye to gamene ndje aluhe kiiponga;
oho pe ndje esindano
noho tsu ndje omukumo.
4Ngame ohandi pula Omuwa ekwatho,
ye nohu uvu egalikano lyandje
kondundu ye ondjapuki.
5Ngame onda lala e te kotha,
Omuwa nota gamene ndje uusiku auhe.
6Ngame ite tila aatondi yomayuvi ogendji,
mboka ya kondeka ndje koombinga adhihe.
7Ila, Omuwa!
Hupitha ndje, Kalunga kandje!
Ongoye to sindi aatondi yandje ayehe
e to ya thigi yaa na we oonkondo dhokuhepeka ndje.
8Omuwa, ngoka ha gandja esindano,
na yambeke aantu ye!
Currently Selected:
OMAPISALOMI 3: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.