OMAPISALOMI 23
23
Omuwa omusita gwandje
Episalomi lyaDavid
1Omuwa oye omusita gwandje;
inandi pumbwa sha.
2Oye ta gondjithile ndje mondombe ontalala
ta fala ndje komeya gevululuko.
3Omwenyo gwandje ote gu talaleke.
Ote enditha ndje nondjila yu uka,
opauvaneko lye.
4Nonando ndi na okweenda mesilu lyomilema thokothoko,
itandi tila sha,
oshoka, Omuwa, ou li pungame.
Ondhimbo yoye nolwoondje lwoye
ohayi gamene ndje.
5Ongoye to yalele ndje oshililo montaneho yaatondi yandje;
oto taamba ndje ngaashi omuyenda a simana,
e to pindi oshitenga shandje shu udhilila.
6Elago nesilohenda lyoye
otali landula ndje mokukalamwenyo kwandje akuhe;
otandi ka kala aluhe mongulu yOmuwa.
Currently Selected:
OMAPISALOMI 23: ONDB
Highlight
Share
Compare
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.
