AAFILIPPI EFALOMO
EFALOMO
Ontumwafo yaPaulus kAafilippi oya li ya nyolelwa egongalo lyotango ndyoka lya dhikwa kuPaulus mevi lyaEuropa moshitopolwa shAaroma, Makedonia. Omuyapostoli Paulus okwe yi nyola e li mondholongo nopethimbo e etelwa uudhigu kaayakuli ooyakwawo mboka ye mu kondjitha. Okwa li wo a piyaganekwa komalongo giifundja megongalo lyomuFilippi. Ashike, ontumwafo ndjika oyu udha enyanyu neinekelo ndyono tali vulu owala okufatululwa keitaalo lyomuule lyaPaulus muJesus Kristus.
Elalakano lya nyolitha ontumwafo ndjika okupandula aakriste Aafilippi omolwomagano ngoka ye ga tumine Paulus pethimbo e ga pumbwa noonkondo. Okwa longitha ompito ndjika oku ya hekeleka, opo ya mone omukumo neinekelo mokati komaudhigu. Ote ya indile ya kale ye na eifupipiko lyaJesus, yaa kale nokwiihola nokwiinenepeka. Okwe ya dhimbulukitha kutya okukala kwawo muukumwe naKristus okwo omagano gesilohenda lyaKalunga ngoka ye ga pelwa mokwiitaala, hamolwokugwanitha oompango dhOshijuda. Okwa popi wo kombinga yenyanyu nombili ndjoka Kalunga te yi pe mboka ye li muukumwe naKristus.
Ontumwafo ndjika otayi tula omuthindo kenyanyu, einekelo, uukumwe neidhidhimiko mokukalamwenyo kwomukriste. Otayi holola ohole onene Paulus e yi na kegongalo lyokuFilippi.
Elandulathano lyoshikalimo
Efalomo 1:1-11
Onkalo yaPaulus yopaumwene 1:12-26
Okukala muKristus 1:27—2:18
Oompangela molwaTimoteus naEpafroditus 2:19-30
Omalondodho okuyanda aatondi niiponga 3:1—4:9
Paulus nookuume Aafilippi 4:10-20
Ehulitho 4:21-23
Currently Selected:
AAFILIPPI EFALOMO: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.