NUMERI EFALOMO
EFALOMO
Embo Numeri otali popi ehokololo lyAaisraeli methimbo konyala lyoomvula omilongo ne, sho ya zi pOndundu Sinai sigo opongamba yokuuzilo wevi ndyoka Kalunga e ya uvanekela. Edhina lyembo ndika otali ulike koshinenenima mehokololo, sho Moses a yalula Aaisraeli pOndundu Sinai nomuMoab, kuuzilo waJordan, konima yepipi limwe. Methimbo lyopokati komayalulo ngaka gaali, Aaisraeli oya yi kuKadesh Barnea kongamba yokuumbugantu waKaanan, ihe oya nyengwa okukwata ko evi. Sho ya kala mpoka ethimbo ele, oyu uka kuuzilo womulonga Jordan, hoka ombinga yoshigwana ya tula ya fa ya thika, ihe ombinga onkwawo oyi ilongekidha okutaaguluka Jordan nokuya muKaanan.
Embo ndika olyo, ehokololo tali popi aantu ya kanitha omukumo noya tila okutsakaneka omaudhigu noya tsa ondumbo naKalunga nonomupiya gwe Moses ngoka Kalunga e mu hogolola, e ya wilike. Ndika ehokololo tali holola uudhiginini waKalunga noshimpwiyu she oshinene kaantu ye, nonando yo oye na omaunkundi noihaa vulika kuye. Ihe Moses okwa li omwiinekelwa, nando pomathimbo gamwe okwa nyengwa okwiidhidhimika (Eks. 17:1-7 na Num. 20:1-13.)
Elandulathano lyoshikalimo
Elongekidho okuza puSinai 1:1—9:23
a. Eyalulo lyotango 1:1—4:49
b. Oompango nomautho gi ili nogi ili 5:1—8:26
c. Opaasa ontiyali 9:1-23
Okuza puSinai sigo Moab 10:1—21:35
Iiningwanima muMoab 22:1-32:42
Iitothwamo yolweendo okuza kuEgipiti sigo Moab 33:1-49
Omayelithilo okutaaguluka Jordan 33:50—36:13
Currently Selected:
NUMERI EFALOMO: ONDB
Highlight
Copy
Compare
Share
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.