MATEUS 5
5
Euvitho lyokondundu
1Jesus sho a mono oongundu dhaantu, okwa londo kondundu nokwa kuutumba. Aalongwa ye oye ya kuye. 2Oye a tameke oku ya longa ta ti:
Aanelago
(Luk. 6:20-23)
3“Aanelago oomboka yu uvite oyo oohepele koomwenyo,
oshoka Oshilongo shegulu oshawo.
4“Aanelago oomboka ya nika uuthigwa,
oshoka oyo taa ka talalekwa.
5“Aanelago oomboka aayifupipiki,
oshoka oyo taa ka thigulula evi.
6“Aanelago oomboka ya sa ondjala noya sa enota lyuuyuuki,
oshoka oyo taa ka kutithwa.
7“Aanelago aanamutimahenda,
oshoka oyo taa ka silwa ohenda.
8“Aanelago oomboka ya yela moomwenyo dhawo,
oshoka oyo taa ka mona Kalunga.
9“Aanelago aakondjeli yombili,
oshoka oyo taa ki ithanwa aana yaKalunga.
10“Aanelago oomboka taa hepekwa molwaashoka taa longo uuwanawa,
oshoka Oshilongo shegulu oshawo.
11“One aanelago, aantu ngele taye mu sheke, taye mu tidhagana, taye mu popile muuwinayi auhe nokufundja omolwandje. 12Nyanyukweni, ligoleni pombanda, oshoka ondjambi yeni onene yi li megulu. Oshoka osho ngeyi wo ya tidhaganene aahunganeki ye mu tetekela.”
Omongwa nuuyelele
(Mrk. 9:50; Luk. 14:34-35)
13“One omongwa gwevi. Omongwa ngele tagu hahuka, otagu toyalekwa nashike? Kagu na we oshilonga, ogu na okweekelwahi nokulyatwa kaantu.”
14“One uuyelele wuuyuni. Oshilando sha tungilwa kondundu itashi wapa okuholama. 15Osho wo olamba ihayi temwa e tayi tulwa kohi yontungwa, aawe, okoshihukikwa, notayi minikile ayehe ye li megumbo. 16Osho ano uuyelele weni nau yele montaneho yaantu, ya mone iilonga yeni iiwanawa noya hambelele Ho yeni yomegulu.”
Jesus nompango
17“Inamu dhiladhila kutya ongame nde ya okudhima po ompango nomahunganeko. Inandi ya oku yi dhima po, ihe oku yi gwanitha. 18Ongame tandi mu lombwele: Manga egulu nevi inaaga hula po, mompango itamu zi nando okanyolo kamwe nenge okankwanu kamwe sigo ayihe ya gwanithwa. 19Onkee ano ngele ku na ngoka ta dhimi mo nando kamwe okashonashona komiipango mbika nota longo ngaaka aantu, oye ote ki ithanwa omushuushuka mOshilongo shegulu. Ihe ngoka te yi gwanitha note yi longo, oye ota ka kala omunene mOshilongo shegulu. 20Ongame tandi mu lombwele: Ngele okukala kweni akuhe kaku vule hoka kwaalongimpango nokwaafarisayi, itamu ka ya mOshilongo shegulu.”
Kombinga yokugeya
21“One omu uvu oohokulu yonale ya lombwelwa: ‘Ino dhipaga. Ngoka ta dhipaga, oye i ilongela okuya kepangulo.’ 22Ihe ngame otandi mu lombwele: Kehe ngoka ta geyele mukwawo, oye i ilongela epangulo. Ngoka ta ti komuntu omukwawo: ‘Shintu ngoye!’ oye i ilongela okufalwa kompangu. Ngoka ta ti komuntu omukwawo: ‘Mugoya ngoye!’ oye i ilongela omulilo gwoheli. 23Ngele to fala omagano goye koshiyambelo, ihe ohaluka wa dhimbulukwa hoka kutya ou na omuntu e ku ninga nayi, 24nena omagano goye ga thiga ko, u ye manga, mu paathane ombili namukweni, opo u galuke ihe, u gandje omagano goye kuKalunga.”
25“Paathaneni ombili nomutamaneki gwoye, manga inaamu thika kompangu, omutamaneki gwoye opo kee ku gandje komupanguli, omupanguli e te ku gandja komumbala, e to edhililwa mondholongo. 26Ongame tandi ku lombwele: Ku na mpoka to zi mo, manga inoo mana okufuta nokapeni kahugunina.”
Kombinga yoluhondelo
27“One omu uvu kwa tiwa: ‘Ino hondela.’ 28Ihe ngame otandi mu lombwele: Okehe tuu ngoka ta tala omukiintu e mu haluka, oye okwe mu hondele momwenyo gwe. 29Eho lyoye lyokolulyo ngele tali ku hongolola, li tsipula mo, ngu u li ekelehi. Oshoka oshe ku opalela okukanitha shimwe shomiilyo yoye, shi vule okukala nolutu olundjolowele, e to umbilwa moheli. 30Oshikaha shoye shokolulyo ngele tashi ku hongolola, shi teta ko, ngu u shi ekelehi. Oshoka oshe ku opalela okukanitha shimwe shomiilyo yoye, shi vule okukala nolutu olundjolowele, e to yi moheli.”
Kombinga yehengathano
(Mat. 19:9; Mrk. 10:11-12; Luk. 16:18)
31“Okwa tiwa wo: ‘Ngoka ta henge po omukiintu gwe, oku na oku mu pa onzapo yehengo.’ 32Ihe ngame otandi mu lombwele: Kehe ngoka ta hengele po omukiintu gwe ohapu yilwe yaa shi oluhondelo, oye ote mu hondelitha. Nosho wo ngoka ta hokana omuhengwa, oye ta hondele.”
Kombinga yokugana
33“Natango one omu uvu oohokulu ya lombwelwa: ‘Ino gana iifundja, ihe egano lyoye li gwanithila Omuwa.’ 34Ihe ngame otandi mu lombwele: Inamu gana nando okuli. Hakegulu, oshoka olyo oshipangelapundi shaKalunga; 35hakevi, oshoka olyo oshilyatelopundi she; hakuJerusalem, oshoka osho oshilando shomukwaniilwa omunene; 36hakomutse gwoye, oshoka ku vulu okushitukitha efufu lyoye limwe, li ninge etokele nenge eluudhe. 37Onkee oohapu dheni nadhi tye: ‘Eeno, eeno,’ nenge ‘aawe, aawe,’ oondhoka tadhi gwedhwa ko, otadhi zi muMwiinayi.”
Kombinga yeshunithilathano lyuuwinayi
(Luk. 6:29-30)
38“One mu uvu kwa tiwa: ‘Ngoka a tsipula mo eho lyamukwawo, naye wo na tsipulwe eho; naangoka a teya mo eyego lyamukwawo, naye wo na teywe eyego.’ 39Ihe ngame otandi mu lombwele: Inamu shunitha uuwinayi kungoka te mu ningile uuwinayi. Ngele ku na ngoka te ku dhenge olupi kolupanda lwokolulyo, mu etha, a dhenge nolukwawo. 40Ngele ku na ngoka a hala okutamananena ohema yoye, e yi ku kuthe, mu pa nombaikitha yoye wo. 41Ngele oku na ngoka te ku thiminike, u mu thindikile oshikako shimwe, mu thindikila iyali. 42Pa ngoka te ku indile sha; ino pilamena ngoka a hala, e ku lile oongunga.”
Hola wo naangoka e ku tonde
(Luk. 6:27,28,32-36)
43“One mu uvu kwa tiwa: ‘Hola mukweni, tonda omutondi gwoye.’ 44Ihe ngame otandi mu lombwele: Holeni aatondi yeni, galikaneneni aahepeki yeni, 45opo mu ninge aana yaHo yeni yomegulu. Oshoka etango lye ohe li pitithile aawinayi naawanawa, nomvula ye ohe yi lokithile aayuuki naalunde. 46Oshoka ngele mu hole owala mboka ye mu hole, otamu ka pewa ondjambi yashike? Naafendelithi wo osho haa ningi. 47Nongele hamu popitha ookuume keni ayeke, mu shi ohamu ningi oshinima oshinene? Naapagani wo osho haa ningi. 48Kaleni ano mwa gwana mwa pwa, ngaashi Ho yeni yomegulu a gwana a pwa.”
Currently Selected:
MATEUS 5: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.
MATEUS 5
5
Euvitho lyokondundu
1Jesus sho a mono oongundu dhaantu, okwa londo kondundu nokwa kuutumba. Aalongwa ye oye ya kuye. 2Oye a tameke oku ya longa ta ti:
Aanelago
(Luk. 6:20-23)
3“Aanelago oomboka yu uvite oyo oohepele koomwenyo,
oshoka Oshilongo shegulu oshawo.
4“Aanelago oomboka ya nika uuthigwa,
oshoka oyo taa ka talalekwa.
5“Aanelago oomboka aayifupipiki,
oshoka oyo taa ka thigulula evi.
6“Aanelago oomboka ya sa ondjala noya sa enota lyuuyuuki,
oshoka oyo taa ka kutithwa.
7“Aanelago aanamutimahenda,
oshoka oyo taa ka silwa ohenda.
8“Aanelago oomboka ya yela moomwenyo dhawo,
oshoka oyo taa ka mona Kalunga.
9“Aanelago aakondjeli yombili,
oshoka oyo taa ki ithanwa aana yaKalunga.
10“Aanelago oomboka taa hepekwa molwaashoka taa longo uuwanawa,
oshoka Oshilongo shegulu oshawo.
11“One aanelago, aantu ngele taye mu sheke, taye mu tidhagana, taye mu popile muuwinayi auhe nokufundja omolwandje. 12Nyanyukweni, ligoleni pombanda, oshoka ondjambi yeni onene yi li megulu. Oshoka osho ngeyi wo ya tidhaganene aahunganeki ye mu tetekela.”
Omongwa nuuyelele
(Mrk. 9:50; Luk. 14:34-35)
13“One omongwa gwevi. Omongwa ngele tagu hahuka, otagu toyalekwa nashike? Kagu na we oshilonga, ogu na okweekelwahi nokulyatwa kaantu.”
14“One uuyelele wuuyuni. Oshilando sha tungilwa kondundu itashi wapa okuholama. 15Osho wo olamba ihayi temwa e tayi tulwa kohi yontungwa, aawe, okoshihukikwa, notayi minikile ayehe ye li megumbo. 16Osho ano uuyelele weni nau yele montaneho yaantu, ya mone iilonga yeni iiwanawa noya hambelele Ho yeni yomegulu.”
Jesus nompango
17“Inamu dhiladhila kutya ongame nde ya okudhima po ompango nomahunganeko. Inandi ya oku yi dhima po, ihe oku yi gwanitha. 18Ongame tandi mu lombwele: Manga egulu nevi inaaga hula po, mompango itamu zi nando okanyolo kamwe nenge okankwanu kamwe sigo ayihe ya gwanithwa. 19Onkee ano ngele ku na ngoka ta dhimi mo nando kamwe okashonashona komiipango mbika nota longo ngaaka aantu, oye ote ki ithanwa omushuushuka mOshilongo shegulu. Ihe ngoka te yi gwanitha note yi longo, oye ota ka kala omunene mOshilongo shegulu. 20Ongame tandi mu lombwele: Ngele okukala kweni akuhe kaku vule hoka kwaalongimpango nokwaafarisayi, itamu ka ya mOshilongo shegulu.”
Kombinga yokugeya
21“One omu uvu oohokulu yonale ya lombwelwa: ‘Ino dhipaga. Ngoka ta dhipaga, oye i ilongela okuya kepangulo.’ 22Ihe ngame otandi mu lombwele: Kehe ngoka ta geyele mukwawo, oye i ilongela epangulo. Ngoka ta ti komuntu omukwawo: ‘Shintu ngoye!’ oye i ilongela okufalwa kompangu. Ngoka ta ti komuntu omukwawo: ‘Mugoya ngoye!’ oye i ilongela omulilo gwoheli. 23Ngele to fala omagano goye koshiyambelo, ihe ohaluka wa dhimbulukwa hoka kutya ou na omuntu e ku ninga nayi, 24nena omagano goye ga thiga ko, u ye manga, mu paathane ombili namukweni, opo u galuke ihe, u gandje omagano goye kuKalunga.”
25“Paathaneni ombili nomutamaneki gwoye, manga inaamu thika kompangu, omutamaneki gwoye opo kee ku gandje komupanguli, omupanguli e te ku gandja komumbala, e to edhililwa mondholongo. 26Ongame tandi ku lombwele: Ku na mpoka to zi mo, manga inoo mana okufuta nokapeni kahugunina.”
Kombinga yoluhondelo
27“One omu uvu kwa tiwa: ‘Ino hondela.’ 28Ihe ngame otandi mu lombwele: Okehe tuu ngoka ta tala omukiintu e mu haluka, oye okwe mu hondele momwenyo gwe. 29Eho lyoye lyokolulyo ngele tali ku hongolola, li tsipula mo, ngu u li ekelehi. Oshoka oshe ku opalela okukanitha shimwe shomiilyo yoye, shi vule okukala nolutu olundjolowele, e to umbilwa moheli. 30Oshikaha shoye shokolulyo ngele tashi ku hongolola, shi teta ko, ngu u shi ekelehi. Oshoka oshe ku opalela okukanitha shimwe shomiilyo yoye, shi vule okukala nolutu olundjolowele, e to yi moheli.”
Kombinga yehengathano
(Mat. 19:9; Mrk. 10:11-12; Luk. 16:18)
31“Okwa tiwa wo: ‘Ngoka ta henge po omukiintu gwe, oku na oku mu pa onzapo yehengo.’ 32Ihe ngame otandi mu lombwele: Kehe ngoka ta hengele po omukiintu gwe ohapu yilwe yaa shi oluhondelo, oye ote mu hondelitha. Nosho wo ngoka ta hokana omuhengwa, oye ta hondele.”
Kombinga yokugana
33“Natango one omu uvu oohokulu ya lombwelwa: ‘Ino gana iifundja, ihe egano lyoye li gwanithila Omuwa.’ 34Ihe ngame otandi mu lombwele: Inamu gana nando okuli. Hakegulu, oshoka olyo oshipangelapundi shaKalunga; 35hakevi, oshoka olyo oshilyatelopundi she; hakuJerusalem, oshoka osho oshilando shomukwaniilwa omunene; 36hakomutse gwoye, oshoka ku vulu okushitukitha efufu lyoye limwe, li ninge etokele nenge eluudhe. 37Onkee oohapu dheni nadhi tye: ‘Eeno, eeno,’ nenge ‘aawe, aawe,’ oondhoka tadhi gwedhwa ko, otadhi zi muMwiinayi.”
Kombinga yeshunithilathano lyuuwinayi
(Luk. 6:29-30)
38“One mu uvu kwa tiwa: ‘Ngoka a tsipula mo eho lyamukwawo, naye wo na tsipulwe eho; naangoka a teya mo eyego lyamukwawo, naye wo na teywe eyego.’ 39Ihe ngame otandi mu lombwele: Inamu shunitha uuwinayi kungoka te mu ningile uuwinayi. Ngele ku na ngoka te ku dhenge olupi kolupanda lwokolulyo, mu etha, a dhenge nolukwawo. 40Ngele ku na ngoka a hala okutamananena ohema yoye, e yi ku kuthe, mu pa nombaikitha yoye wo. 41Ngele oku na ngoka te ku thiminike, u mu thindikile oshikako shimwe, mu thindikila iyali. 42Pa ngoka te ku indile sha; ino pilamena ngoka a hala, e ku lile oongunga.”
Hola wo naangoka e ku tonde
(Luk. 6:27,28,32-36)
43“One mu uvu kwa tiwa: ‘Hola mukweni, tonda omutondi gwoye.’ 44Ihe ngame otandi mu lombwele: Holeni aatondi yeni, galikaneneni aahepeki yeni, 45opo mu ninge aana yaHo yeni yomegulu. Oshoka etango lye ohe li pitithile aawinayi naawanawa, nomvula ye ohe yi lokithile aayuuki naalunde. 46Oshoka ngele mu hole owala mboka ye mu hole, otamu ka pewa ondjambi yashike? Naafendelithi wo osho haa ningi. 47Nongele hamu popitha ookuume keni ayeke, mu shi ohamu ningi oshinima oshinene? Naapagani wo osho haa ningi. 48Kaleni ano mwa gwana mwa pwa, ngaashi Ho yeni yomegulu a gwana a pwa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.