GENESIS 36
36
Oluvalo lwaEsau
(1 Ondjal. 1:34-37)
1Nduka olwo oluvalo lwaEsau, haku tiwa Edom. 2Esau okwa hokana aakulukadhi Aakaanana: Ada yaElon Omuheti, Oholibama yaAna yaZibon Omuhevi 3naBasemat yaIsmael, omumwayina gwaNebaiot. 4Ada okwa vala Elifas; Basemat okwa vala Reuel; 5naOholibama okwa vala Jeush, Jalam naKora. Aanona mbaka ayehe oya valelwa Esau muKaanan.
6Esau okwa kutha aakadhi, oyana aamati naakadhona naantu ye ayehe pamwe niinima ye ayihe nomaliko ge agehe a likola muKaanan e ta zi po pomumwayina Jakob e ta tembukile kevi lilwe. 7Okwa zi po, oshoka evi moka ya kala yo naJakob, inaa gwana mo we. Oya li ye na iimuna oyindji, noinaa vula we okukala pamwe. 8Esau okwa kala moshilongo shokoondundu dhaEdom.
9Nduka olwo oluvalo lwaEsau, hekulu yAaedom. 10-13Omukulukadhi gwaEsau Ada okwe mu valele omumati edhina lye Elifas. Elifas okwa li e na oyana aamati yatano: Teman, Omar, Zefo, Gatam naKenas. Timna okwa li omudhike gwaElifas yaEsau, oye nokwa valele Elifas Amalek.
Omukulukadhi gwaEsau Basemat okwe mu valele omumati Reuel, naReuel okwa li e na oyanamati yane. Oyo Nahat, Sera, Shamma naMissa.
14Omukulukadhi gwaEsau Oholibama yaAna yaZibon okwe mu valele aamati yatatu: Jeush, Jalam naKora.
15Ngaka ogo omazimo goluvalo lwaEsau. Elifas, osheeli shaEsau, okwa li hekulu yomazimo ngaka taga landula mpa: lyaTeman, lyaOmar, lyaZefo, lyaKenas, 16lyaKora, lyaGatam nolyaAmalek. Nduka olwo oluvalo lwomukulukadhi gwaEsau Ada.
17Reuel yaEsau okwa li hekulu yomazimo ngaka taga landula mpa: lyaNahat, lyaSera, lyaShamma nolyaMissa. Nduka oluvalo lwomukulukadhi gwaEsau Basemat.
18MuOholibama yaAna, omukulukadhi gwaEsau, omwa zi omazimo lyaJeush, lyaJalam nolyaKora. 19Omazimo ngaka agehe ogo oluvalo lwaEsau.
Oluvalo lwaSeir
(1 Ondjal. 1:38-42)
20-21Aakali yomuEdom aakulukulu oya topolwa momazimo ngoka ga za koyanamati mbaka yaSeir Omuhori: Lotan, Shobal, Zibon, Ana, Dishon, Ezer naDishan.
22Lotan ohekulu yomaludhi gaHori naHeman. (Lotan namumwayina Timna.)
23Shobal ohekulu yomaludhi gaAlvan, Manahat, Ebal, Shefo naOnam.
24Zibon okwa li e na oyanamati yaali, Aja naAna. (Ana nguka oye ngoka i itsile oothithiya dhomeya omapyu mombuga, sho a li ta litha uusino wahe.) 25-26Ana ohe yaDishon, ngoka a li hekulu yomaludhi gaHemdan, Eshban, Itran naKeran. Ana okwa li e na omwana omukadhona Oholibama.
27Ezer ohekulu yomaludhi gaBilhan, Saavan naAkan.
28Dishan ohekulu yomaludhi gaUz naAran.
29-30Mbaka oyo aaniikandjo yomazimo gAahori mevi lyaEdom: Lotan, Shobal, Zibon, Ana, Dishon, Ezer naDishan.
Aakwaniilwa yaEdom
(1 Ondjal. 1:43-54)
31-39Aakwaniilwa mboka ya lele Edom ya landulathana muuyuni mbwiyaka, manga muIsrael kaamwa li omukwaniilwa, oyo:
Bela yaBeor gwomuDinhaba
Jobab yaSera gwomuBozra
Husham gwokoshikandjo Teman
Hadad yaBedad gwomuAvit (okwa sindi Aamidiana molugodhi moshilongo Moab).
Samla gwomuMasreka
Shaul gwomuRehobot
shopomulonga (Eufrat)
Baal-Hanan yaAkbor
Hadar gwomuPau (omukadhi oMehetabel yaMatred, omutekulu gwaMe-Sahab).
40-43Esau oye hekulu yaaniikandjo mbaka muEdom: Timna, Alva, Jetet, Oholibama, Ela, Pinon, Kenas, Teman, Mibzar, Magdiel naIram. Oshikandjo shoka sha li sha kalwa koludhi kehe, osha tseyika nedhina lyoludhi ndoka.
Currently Selected:
GENESIS 36: ONDB
Highlight
Share
Compare
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.
