1 AATESSALONIKA EFALOMO
EFALOMO
Tessalonika osha li oshilandopangelo shAaroma moshitopolwalongo shaMakedonia. Paulus okwa dhike mo egongalo konima sho a zi muFilippi.
Megongalo ndika omwa holoka mbala ekondjithathano lya zi mAajuda mboka ya li ya tsa ondumbo neuvitho lyaPaulus ndyoka lya zile iiyimati, okuuvitha mokati kaapagani mboka ya adhika ya hala okutaamba uujuda. Paulus okwa li a thiminikwa okuza mo muTessalonika, a ye kuBerea. Konima sho e ya muKorinto, okwa pewa ehokololo lya zi kugumwe gwaayakuli ye Timoteus, tali popi onkalo yegongalo lyomuTessalonika.
Ontumwafo yotango kAatessalonika oya nyolelwa okutsa omukumo nokushilipaleka aakriste yaahoka. Paulus okwe ya pandula, sho a kundana eitaalo nohole yawo.
Okwe ya dhimbulutha okukala kwe manga a li puyo, nokwa yamukula ihe omapulo ngoka ga holoka megongalo kombinga yegaluko lyaKristus.
Omwiitaali ngoka a si manga Kristus inaa galuka, ota ka mona tuu omwenyo gwaaluhe? Kristus ota galuka uunake? Paulus okwa longitha ompito ndjika e ya lombwele ya tsikile okulonga metegameno nokumwena manga ya tegelela egaluko lyaKristus.
Elandulathano lyoshikalimo
Efalomo 1:1
Epandulo nesimaneko 1:2—3:13
Ekumagidho kombinga yomikalo dhaakriste 4:1-12
Omayelithilo kombinga yokugaluka kwaKristus 4:13—5:11
Omakumagidho gahugunina 5:12-22
Ehulitho 5:23-28
Currently Selected:
1 AATESSALONIKA EFALOMO: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.