रोमियो 5

नियाव के परिनाम

1इहैनिता जब हम अपन बिस्वास के दवारा धरमी मनसे घोसित करे जाय चुके हबै, ता भगवान के संग हमर मेल जोल परभु यीसु मसीह के दवारा होय चुके हबै। 2जिनखर माध्यम लग हम फेरै अनुगरह हे बिस्वास दवारा पहुंच गय हवन, जेखर लग हम अब ठाड हबै अउ हम भगवान के महिमा के आसा हे घमंड करथन।

3एतको नेहको हम पीरा अउ समस्या हे घमंड करबे, काखे हम जानथन कि पीरा समस्या लग धीर पइदा होथै। 4अउ धीर मसे खरा सोभाव अउ खरा सोभाव मसे आसा पइदा होथै। 5अउ आसा लग लज्जा नेहको होथै, काखे भगवान हमही पवितर आतमा दय हबै अउ ओखर निता भगवान कर माया हमर मन हे भरे हबै, 6जब हम ढिलवा रहन, तब मसीह यीसु पापी मनसेन के निता मरिस। 7कउनो नियाइपन के निता कउनो मरे ऊ ढिलवा हबै, पय कउनो धरमी मनसे के निता मरै के हिम्मत करै। 8पय हम पापी रहन, जब यीसु मसीह हमर निता मरिस, असना करके भगवान अपन माया परगट करिस। 9अगर हम मसीह के खून के कारन धरमी मनसे ठहराय गय हबन, ता हम जरूर मसीह के दवारा भगवान के क्रोध लग बच जउबे। 10हम बैरी रहन, जब भगवान के संग हमर मेल ओखर टोरवा के मिरतू दवारा हुइ गइस अउ भगवान के संग मेल हुइ जाय के बाद, ओखर टोरवा के जीवन दवारा जरूर हमर मुकति हुइस। 11एतको नेहको, परभु यीसु मसीह के कारन हम भगवान हे मगन हवन, जेखर कारन हम हइ मेलजोल के दसा तक पहुंचे हबन।

आदम अउ मसीह

12अक्ठी मनसे के कारन हइ दुनिया हे पाप परबेस करिस अउ पाप के दवारा मिरतू अउ मिरतू सगलू मनसेन हे समाय गइस, काखे सगलू मनसे पाप करिन। 13मूसा कर नियम लग पहिले दुनिया हे पाप रहिस, पय नियम के अभाव हे पाप के लेखा नेहको रखे रथै। 14फेरै आदम लग मूसा तक मिरतू उनखर हे राज करथै, जेहमा आदम उन आदेस के नेहको टोरथै, मतलब पाप नेहको रथै, आदम ऊ मनसे के रूप हबै जउन आमै बाले हबै। 15अपराध बरदान के जसना नेहको, अक्ठी मनसे के अपराध के कारन कइझन के मिरतू हुइस, भगवान के अनुगरह अउ अक्ठी मनसे, मसीह यीसु के अनुगरह हे नियाव मिल गय हबै। 16अक्ठी मनसे के अपराध अउ भगवान के बरदान हे कउनो बराबरी नेहको हबै, अक्ठी अपराध के कारन सजा के आदेस दय गइस अउ अपराध के बाद मुकति के बरदान दय गइस जेहमा नियाव मिल गइस। 17काखे जब अक्ठी मनसे के अपराध के कारन अक्ठिन मनसे के दवारा मिरतू के सासन हुइ गइस, ता एखर लग कहुं बोहत फइले हर बडा अनुगरह अउ नियाइपन के ऊ बरदान जउन उनखर जीवन हे ऊ अक्ठी मनसे यीसु मसीह के दवारा सगलू के पाप लग नियाव मिलिस।

18इहैमेर हम देखथन कि जउन मेर अक्ठिन मनसे के अपराध के कारन सगलू के सजा के आदेस मिलिस, उहैमेर अक्ठी मनसे के धरमी काम के कारन सब के पाप लग जीवन मिलिस। 19काखे जसना अक्ठी मनसे के आदेस नेहको मानै लग बोहत मनसे पापी कहइहों, ओसनेन अक्ठी मनसे के आदेस मानै लग बोहत लग धरमी मनसे बनाय दय जही।

20बाद हे मूसा कर नियम दय गइस अउ एखर लग अपराध के गिनती बढ गइस, पय जिहां पाप बढिस, उहां अनुगरहो ओखर लग कहुं बोहत बढिस। 21जउन मेर पाप मिरतू हे सासन करिस, उहैमेर अनुगरह नियाइपन के दवारा हमर परभु मसीह यीसु हे सबरोज के जीवन निता सासन करही।

Currently Selected:

रोमियो 5: BTP25

Highlight

Copy