गलातियों 2

सेबा करै बाले के दवारा पोलुस के मानता

1चउदह साल के बाद मै बरनबास के संग फेरै यरुसलेम छो गयों अउ तीतुस के अपन संग लइ जथो। 2भगवान के परकासन के जसना उछो गयों, ताकि मै उनखर आगू ऊ संदेस के सुना सको, जेही मै गैर यहूदी के परचार करे रथो, असना मै इज्जतदार मनसेन के संग अकेल्ले हे करे रथो, ताकि मोर मेहनत बेकार झइ होय। 3पय तीतुस के जउन मोर संग रथै अउ जउन यूनानी हबै, खतना करामै के निता मजबूर नेहको करै गइस। 4हइ सबाल उन ठगरा भाइन के कारन उठे रथै, जेही मंडली हे गुप्त रूप लग लाय गय रथै, जउन चुप्पेचाप घुस आथै, कि यीसु मसीह ले मिलेहर हमर आजाद के भेद लग अउ हमके गुलाम बनाय ले। 5उनखर वस हे होमै के अक टेम भरो नेहको माना, काखे उनखर संदेस के सच्चाई तुम्हर हे बने रहै।

6एखर मोर निता कउनो महत्व नेहको कि उन जउन नामी रथै, पहिले काहिन रथै, भगवान कउनो के पक्छपात नेहको करथै, मोर संदेस हे उन नामी मनसेन के कउनो सहमति नेहको रथै#2 कुरि 11:5; बेवस्थाबिबरन 10:17। 7पय एखर तरफ जब उन देखिस कि जसना सुध्दिकरन खतना करे हर मनसे के निता संदेस के काम पतरस के सउपे गइस, ओसनेन सुध्दिकरन के निता मोके संदेस सुनामै के निता सउपे गय हबै। 8भगवान के सक्ति के दवारा मोके गैर यहूदी के निता चेला बनाय गय रथै, जसना कि पतरस खतना कराय के यहूदियन के निता चेला बनाय गय रथै। 9मोके मिले अनुगरह के चिन्ह के याकूब कैफा अउ यूहन्ना जउन मंडली के खम्भा के रूप हे जाने जथै, बरनबास अउ मोर पल्ला सहभागी के दहिना हाथ बढाइस कि हम गैर यहूदी हे अउ उन खतना कराय हर यहूदिन के लिघ्घो जाय। 10पय ऊ चाहथै कि हम गरीबन के धियान दइ अउ मै उहै करै के निता तइयार रथो।

अन्ताकिया सहर हे पोलुस दवारा परतस के डांटिस

11पय जब पतरस कैफा अन्ताकिया छो आथै, ता मै ओखर आगू बिरोध करेव, काखे ऊ दोसी रथै#गलातियों 2:14। 12इहैनिता कि याकूब के पल्ला लग कुछ मनसेन के आय लग पहिले ऊ गैर यहूदी के संग खाना खाय करथै, पय जब ऊ उहां पहुंचिस ता खतना के नियम के मानै बाले मनसेन के डर लग ऊ खुदय के अलगे के लेथै#प्रेरितो 10:28; 11:2-3। 13दूसर यहूदी ओखर संग कपट हे पड जथै, इहां तक कि बरनबास धोखा हे पड जथै। 14जब मै देखो कि उनखर चाल चलन संदेस के सही तरीका लग नेहको हबै, ता मै सब के आगू कैफा लग हइ कहेव, “जब तै जनम लग यहूदी हुइके, यहूदी के जसना नेहको बलुक तै गैर यहूदी के जसना बेउहार करथस, ता तै गैर यहूदिन के यहूदियन के जसना बेउहार करै के काखे मजबूर करथस?”

यहूदी अउ गैर यहूदी बिस्वास लग धरमी मनसे ठहरथै

15सही हे हम जनम लग यहूदी हवन, अउ गैर यहूदिन मसे नेहको, जेही पापी कथै। 16तउभरमा हम जानथन कि कउनो मनसे के नियम मानै के कारन नेहको, बलुक यीसु मसीह हे बिस्वास के कारन धरमी मनसे ठहराय जथै, हम इहैनिता यीसु मसीह हे बिस्वास करे हबन ताकि हइ बिस्वास के कारन हम धरमी मनसे ठहराय जइ, न कि नियम लग कउनो धरमी मनसे होथै#रोमियो 3:20-22; फिलिप्पियन 3:9। 17हम जउन मसीह हे धरमी मनसे ठहरे के चाहथन, अगर खुदय पापी निकरब ता का मसीह पाप के सेबक हबै? कबहुन नेहको। 18मै जउन कुछु गिरा दयों अगर उहै के फेरै बनाथो, ता खुदय के अपराधी ठहराथो। 19मै तो नियम के दवारा नियम के निता मसीह के संग क्रूस हे मर गयों, जेखर लग मै भगवान के निता जी सको। 20मै मसीह के संग क्रूस हे टंगाय गयों, अब मै जिन्दा नेहको रहों, पय मसीह मोर हे जिन्दा हबै अउ मै देह हे अब जउन जिन्दा हव ता केबल ऊ बिस्वास लग जिन्दा हव, जउन भगवान कर टोरवा हे हबै, जउन मोर लग माया करिस अउ मोर निता खुदय के दइ दय हबै। 21मै भगवान के अनुगरह के बेकार नेहको ठहराथो, काखे अगर नियम के दवारा नियाइपन होथै, ता मसीह के मरैके बेकार होथै।

Currently Selected:

गलातियों 2: BTP25

Highlight

Copy