3 JuanMary Thureson 1
1
Tonitieje pi Gayo siupi iyo ti 'es
1Ampey, isiecha ti yiminik Gayo. Ya'am ti kijilk'i'm, ti awo niwa Sinia' jlamtis, i'lij atate'a ti lajk'ipa ka int'emina ti emi'n, ti kasjwanjliyik'i siunie iyo ni ijiatk'i. 2Ijiatjliyi, ja isiecha, ajieye'a ti i'nesjliyi'ijne ti jiwoyi ni Sinia' jlamtis, ka jla'am kiajatajak'ina'a niwa jlomas ka at'oni poye, ka laja awet'iaye. 3Je jlase' ni awo ti ts'ajkaj'ni ti ajieye'a, ti ijwilk'im'ni siojopo ijiok'i ni siunie jiwo ti ataj je lie'ne ki iyo naka ijiatk'i.#2 Jn 4 4Lajk'ipa ka k'ieyeyi ki iyo ni inikanitieyi ti ajieyeyi japo ilis ti yame ki iyo naka ti ijiatk'i.
5Isiecha ti yiminik, 'esiji ti kia'iyo ti jinilesaniji k'iye napo si'lijwas 'yina ti jit'iu'we ti jiniuyeje pi Sinia', ejlojli jiwekie'e ti 'wena tajli. 6Ijwijla'm napo 'nak yi'i Sinia' jilis, ti injwelisi ki iyo ni emijnaye ti jle'ne. 'Esiji ka a'ye'n ilia'm napoka, kiak iniwone ja k'iejliyeyipe pa jansetianis ti t'iskiunk'ijin'ni, ti yamata'ni jawo pa Sinia' ti janemink'i ka tiwonaja. 7Ti yamata'ni ti iyoyisi ni Saka'niona jikimet, je k'iejliyi paka intajleje napo i'nio' kakiujnietas ka 'esieyi. 8It'imina ti awo'ate, je 'esijyi ka 'wenayeyi papo kan'yena, 'esijyi ka sama ka iniukieje, 'yaka iyo jika'niyeja' siunie ijiatk'i.
Diótrefes wuj ti je 'es siupi iniwoneje
9Pope ja ip'isinik atajiete japo Sinia' jilis nak yiji, 'yina Diótrefes, ti yamjliyi'iji ni iniwone ti inikawisa'n, ti je its'iuts'e'm. 10It'imina siuka yiktiejna'a ti jajio'wase, jajwijla'm siunie iyo ni jike' ti wuj ti je 'es, siunie iyo ti kasamti siupi ijwi'il ka iyoki. Jika sintijieyis yints'e'm ti teje selia'm, jla'yi ti jeji'n i'yen'ni ilia'm papo si'lijwas ti 'nesata'ni. Je yine'ate papo ti i'yenta'ni ilia'm papo ijia, nak itiajlatayi'iji papo ti jlosik potie, ijliuye'eje kisie'e siupapo iyo ni Inamtik.
11Isiecha ti yiminik, ká aki niwaka ti je isis, woyi jla'am niwaka ti isis. I'nio' ni iyoyi siunie 'es, nak tajle ni Sinia', jlampet ni iyoyi siunie je 'es, nak je itiant'ieje pi Sinia'.#1 Jn 2.29; 3.6,9-10
12Jlampet ja sikiecha Demetrio, wikie'eyi napo i'nio' ti ape'yayik'i'ni ti ijwilis ti 'esjle' jla'am. Lajk'ipa ka inkajanit, ti naka siunie ijiatk'i ti iyo. Kiak awoki ti sa'am, jla'am je awoki ti ajwela pet.
Sek jla'a niwa Juan jlamtis
13Je pini' siuniwa awotaja ka ijwijla'm, lapakawo ti je awo ka yi'ne siu'nie ip'isinik. 14Ajwelta ka je ipiejeniti ka ijio'wa ka yama'a, ka ini'wena ka ikamtijniena.
15Sek jla'a. 'Esijyi ka akama pi jle'yi. Siojopo ts'ajajnajwas itijwi'lase. Tej'we japo ts'ajajnajwas katejwile.
Currently Selected:
3 JuanMary Thureson 1: CRT97
Highlight
Share
Copy
Want to have your highlights saved across all your devices? Sign up or sign in
Nuevo Testamento en Chorote © Sociedades Biblicas Unidas, 1997.