1 Corintios 16
16
Pablo 'yijijie'ne papo Sinia' jilis yiji japa Corinto ka poye japa ka ijnotis'ni wita'm k'iye papo Judea jlele
1Jayiyiji'ni siojona wikiniet'aj, ti jajiutie'ni wita'm k'iye siunapo Sinia' jilis yiji jana Judea.#Rom 15.25-26; 2 Co 8—9; Gl 2.10 'Yina wonayi 'ate siunie awo ka woyi japo Sinia' jilis yiji pet jana Galacia. 2Ti jawayeyi siojona i'nio 'wanjlijyi'n, siojona jikajlajyi ti jikimats'iji'n ja'wenakitieyipi pet pa Sinia' ti ja ekiajlayi. Apejlati'n astepe'e ti asa'am, ja'nakayeyi ti ja wakajla ta'a siuka yiktiejna'a ti nak jajiojwi. 3Siuka nak yitajanie'e, jajliuye'nina'a siunapo ti jakima'yi asa'am, ti jajliu' Jerusalenne, ka ineki siojopa jajotie wita'm, siu'neje puwa ip'isijna' ti ja jikio' jleliye, ja 'nakayeyijna'a siunapo Sinia' jilis pet yi' Jerusalenne ja 'najane ti asa'am ti jijliuye. 4Siuka yamata kayik, sekjane'yi ka ya'yisana'a.
Pablo iwiakajlanit ta'a siupa janwo ti jant'iskiujni'n
5Ajwe'lasem ta'a siunie jayo kayiktana'a, janiu 'niji yi'i jana ajnat Macedonia, sekjane'yi ka 'yuyeyijna'a astepe'e ti jleye Coríntojo.#Hch 19.21 6Je 'yaka'aja ajwelta ka 'nak nojwaja'm jiwek puwa jlomas ka yi' asap, ni'ne ka ijniujlietk'i pet siunie ti wi'yitiepata, 'nakayeyi ti janoyeyijk'i'm siupa jatiejyi ka yiktiejna'a. 7Kajeyepa ti je awojonk'iye ka jla'm i'wina jiwek, 'yina awotajank'iye ka nak sipaja aska kiowe'e, ka Saka'niona iwotajanie'e. 8Siuti jayi' Éfesojo, jayamite siojona inlakijnieye Pentecostés, ti ja ke si'wejts'i kiu', 9kajeyepa ti ijiatk'i siu'nie awoyi ti Saka'niona 'yajlinit its'ioye ti ja 'yakajli siu'nie isijmaye ti jayo, jla'yi ti ja 'esieyi napo i'nio', ejlowek ti poyeta napo i'nio' ti teje'yi ijyilia'm.#Hch 19.8-10
10Ka nak inetiejenie'e ni Timoteo, 'esiji ka 'yenayi 'nakayi ti t'otale jat'onie. Kia'iyo jlam ti iniuyeje pa Saka'niona, jikijmaye iyo'ate iyo 'ni isijmaye. 11Je 'es ka je a'yenajyi'n. Noyeyeje siuti t'iskiunietaja'n, ja'nakayeyi ti ja ke inwo jijliak'aliye pi ji'niayi, 'nakayi ti jankajli ka ijnok'i. Kastejlajan'n k'iye napo si'lijwas ijia.
12Jlampet siojo sikiecha Apolos, ajloyeta wata'a ka ijno'wase kiu wat pet ka jla'yisa' napo si'lijwas, 'yina je 'yakajli. Je ijiat ka je a'wena'yi ilia'm ka ji'niayi poyeta.
Pablo yi' jlaja ni jip'esinik ti itijwila'aja
13I'lijwas, asosik enatiejyits'i'ni, ke ink'asayik'i pijia'm ki iyo ni siunie astankiujnieye. Jwajla'a paka woyeyi, ká asa isia'm. 14Ja k'iejliyeyi siupi jawoyeyi, jwanayik'i siunie asemijnaye ti ja ena'yi napo as'lejwas.
15I'lijwas, 'najanayi pi jiwonayi ti siojo Estéfanas,#1 Co 1.16 ji'wet yiji jana Acaya, siojopo ji'wet jlele, ti napoka ti iniane ti iyo jlosikis ink'iejyisa', 'yina wuj ti iniuyeje siunapo ijia Sinia' jilis 'neje. 16Naka'ne ni siunie ajwel, ka kiak aniwonayiji ka ijiatayiji ka je atonitie napoka ti kiak iyo, siu'neje ti jak'iuyeyi siunie ijwilis siunapo ti isimk'iji'n, siu'neje napo jlosik po' ti iniuyeje napo ijia, ti iniuyeje pi Sinia' iyo ni jikijmaye.
17Ts'ajkaj'ni ti yi'i ki jloma ijiok'i ja sikiecha Estéfanas, jla'yis japo Fortunato ten'neje ja Acaico. Siuti je 'yakana' pet ka joyek'i, 18'yiniye ka ts'ojwatis'ni peyit. Jla'm ijiate wek jla'am napoka ti kia'iyoyi, k'iuyeyi, ká alakiye.
19Wikie'eyi siunapo Sinia' jilis pet ti yi'i jana ajnat Asia itijwi'lase pit, siu'neje japo Aquila, Prisca,#Hch 18.2 siu'neje napo Sinia' jilis siojopo yinisik'i'ni ji'wetits'ik'i ti nojwatajas wita'm, kia'iyo itijwi'lase, injwanjliyeyik'i ni iyo pi Saka'niona.
20'Yina wikie'eyi napo si'lijwas itijwi'lase. Nitejwila', nik'iewayiji'n napo as'lejwas, nikajanitieyi ni siunie jiwoyeyi ti asa'am ti Sinia' jilists'ase'm. 21Je 'wena paka i'nio' kiechaye ka inlesane siu'nie imp'esinik, ya'am ti Pablok'i'm jikajwukis siu'niwa.
22Siuti japoye siunie je 'namaja ni Saka'niona, 'esiji ka jiwet'ia ine'yi ape'e.
¡Saka'niona, jlam woni'na 'ate, kets'ijyi'n!
23'Esiji ka jikap'ijliuskiye pi Saka'niona Jesús ti Sijwajieti ine'yasap. 24Yi' asap ni yimijnaye, ti sa'am ti kasjwanjliyik'i siunie iyo pi Saka'niona Jesús ti Sijwajieti.
Currently Selected:
1 Corintios 16: CRT97
Highlight
Share
Copy
Want to have your highlights saved across all your devices? Sign up or sign in
Nuevo Testamento en Chorote © Sociedades Biblicas Unidas, 1997.