Kanta 101
101
Kanta 101
Ti Taratu Hari
Ti isinurat ni Dabid pag kanta.
1 Panginuun, manganta aku tungkul sa kanmu pagmahal ag katadlungan.
Manganta aku manga pagdayaw sa kanmu.
2Mangabuhi aku unman may ikasabi.
Kapira kawu pag pumakarani sa kangku?
Mangabuhi aku unman may ikasabi sa kang pag ulian,#101:2 pag ulian: ngatay, kaharian.
3ag balaw niku pahintulutan ti kadautan.
Kalaban gid niku ti manga pagbuwatun manga tawu magpakarayu sa Diyus;
balaw gid niku tunda huwadun.#101:3 tunda huwadun: ngatay, pansinun.
4Magpakarayu aku sa manga tawu liku kay pag-isipun;
balaw aku paamut sa kanda kadautan.#101:4 Magpakarayu ... kadautan: ngatay, Balaw aku mag-isip sa maliku; balaw aku magbuwat kadautan.
5Rurisun niku una si unu ti magpuya sa kay kaparihu.
Balaw niku pasnuan ti manga buwat manga padayaw-dayaw hanggan palabi-labihun.
6Dapat pakakitan niku pagmahal kang manga kasimanwa matinupadun sa Diyus magkabuhi balaw may ikasabi.
Makaibahan niku sida dahil pasnuan niku sida sumirbi sa kangku.
7Ti manga tawu madaya ag pudilun balaw tumahan sa kang balay.
8Kada sirang rurisun niku ti manga daut pag tawu.
Paighitun niku sida sa banwa Panginuun.
Currently Selected:
Kanta 101: HNN
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
