Gimpuunan 36
36
Kay manga Linahi ni Isaw
(1 Kru. 1:34-37)
1Inda ti tultulanun tungkul sa magtal-anakan ni Isaw (pag-ingarnan diman Idum).
2Nakaasawa si Isaw manga babayi taga Kanaan. Sida ni Ada kay anak ni Ilun usa ka Hitiyu ag si Uhulibama kay anak ni Ana ag laki ni Sibyun usa ka Hibiyu. 3Naasawa diman niya si Basimat kay patar-ari ni Nibayut anak ni Ismail.
4Kay anak ni Isaw sa kan Ada si Ilipas. Kay anak niya sa kan Basimat si Ruwil. 5Ag kay manga anak sa kan Uhulibama sida ni Yaus, ni Halam ag ni Kura. Sida kay manga anak ni Isaw ainanak sa Kanaan.
6Dinara ni Isaw kay manga asawa hanggan kay manga anak, ag ti tanan nibilang sa kay magtal-anakan, hanggan diman ti manga kasiyunan ag manga hayup kay natipun sa Kanaan, bag-u linmipat siya tabug sa usa ka daga arayu sa kan Hakub kay patar-ari. 7Dahil balaw sida mahimu magminsan sa usa ka daga dahil sa kayamuun nida manga kasiyunan; ag ti inulianan nida pag daga balaw kang-ud sa kanda dahil mayamu kanda manga hayup. 8Nakan ati pag nangulian si Isaw (pag-ingarnan diman Idum) sa kabantudan Siir.
9Inda ti tultulanun tungkul sa magtal-anakan ni Isaw ti ama manga Idumita mag-uli sa kabantudan Siir.
10Kay anak lalaki ni Isaw sa kan Basimat si Ruwil, ag kay anak niya lalaki sa kan Ada si Ilipas.
11Kay manga anak lalaki ni Ilipas sida ni Timan, ni Umar, ni Sipu, ni Gatam ag ni Kinas. 12May anak diman lalaki si Ilipas sa usa waya niya ka asawa sa kan Timna. Siya si Amalik. Sida kay manga laki ni Isaw sa kan Ada.
13Kay manga anak lalaki ni Ruwil sida ni Nahat, ni Sira, ni Sama ag ni Misa. Sida ti manga laki ni Isaw sa kan Basimat.
14Kay manga anak lalaki ni Isaw sa kan Uhulibama sida ni Hius, ni Halam ag ni Kura. (Si Uhulibama kay anak ni Ana ag laki ni Sibyun.)
15Inda ti manga linahi ni Isaw ti takinan tuhay-tuhay pag linahi: Ti manga linahi panganay pag anak ni Isaw si Ilipas kay manga takinan sida ni Timan, ni Umar, ni Sipu, ni Kinas, 16ni Kura, ni Gatam ag ni Amalik. Sida ti manga takinan sa daga Idum ginan sa kan Ilipas. Sida ti manga laki ni Ada.
17Takinan diman sa Idum kay manga anak ni Ruwil sida ni Nahat, ni Sira, ni Sama ag ni Misa. Sida ti manga laki ni Isaw sa kan Basimat.
18Takinan diman kay manga anak ni Isaw sa kan Uhulibama kay anak ni Ana. Sida ni Hius, ni Halam ag ni Kura.
19Sida tanan ti linahi ni Isaw manga takinan Idum.
Kay manga Linahi ni Siir
(1 Kru. 1:38-42)
20Inda kay manga anak lalaki ni Siir usa ka Huriyu mag-uli sa Idum: Si Lutan, si Subal, si Sibyun, si Ana, 21si Disun, si Isir ag si Disan. Takinan diman sida manga Huriyu mag-uli sa Idum.
22Ti manga anak lalaki ni Lutan sida ni Huri ag ni Himan.#36:22 Himan: ngatay, Human. Si Lutan may patar-ari babayi si Timna usa waya ka asawa ni Ilipas.
23Ti manga anak lalaki ni Subal sida ni Alban, ni Manahat, ni Ibal, ni Sipu ag ni Unam.
24Ti manga anak lalaki ni Sibyun sida ni Aya ni Ana. Si Ana ti nakakit bulbugan ati sa pangawakawaan habang magbantay siya manga asnu niya ama.
25Ti manga anak ni Ana sida ni Disun ni Uhulibama.
26Ti manga anak lalaki ni Disun sida ni Himdan, ni Isban, ni Itran ag ni Kiran.
27Ti manga anak lalaki ni Isir sida ni Bilhan, ni Saaban ag ni Akan.
28Ti manga anak lalaki ni Disan sida ni Us ni Aran.
29-30Inda ti manga takinan manga Huriyu may manga pagpamahalaan daga sa Siir: sida ni Lutan, ni Subal, ni Sibyun, ni Ana, ni Disun, ni Isir ag ni Disan.
Ti manga Hari Idum
(1 Kru. 1:43-54)
31Inda ti manga hari Idum katpung panahun udwaya may manga hari ti manga Israilita:
32Si Bila taga Dinhaba kay anak ni Biyur imaw ti hari sa Idum.
33Igu namatay si Bila, pinalitan siya ni Hubab kay anak ni Sira taga Busra.
34Igu namatay si Hubab, pinalitan siya ni Husam taga Timan.
35Igu namatay si Husam, pinalitan siya ni Hadad taga Abit kay anak ni Bidad. Si Hadad ti nagtalu sa manga Midyanita ati sa Muab.
36Igu namatay si Hadad, pinalitan siya ni Samla taga Masrika.
37Igu namatay si Samla, pinalitan siya ni Shaul taga Rihubut arani sa Sapa Iyupratis.
38Igu namatay si Shaul, pinalitan siya ni Baal Hanan kay anak ni Akbur.
39Igu namatay si Baal Hanan, pinalitan siya ni Hadar taga Pau. Kay asawa si Mihitabil kay anak ni Matrid ag laki ni Misahab.
40-43Si Isaw (pag-ingarnan diman Idum) ti gimpuunan manga Idumita. Ag inda ti manga takinan manga linahi ni Isaw kay minamat hanggan daga ipinaingaran sa kanda: ni Timna, ni Alba, ni Hitit, ni Uhulibama, ni Ila, ni Pinun, ni Kinas, ni Timan, ni Mibsar, ni Magdiyil ag ni Iram.
Currently Selected:
Gimpuunan 36: HNN
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
