Romye 10
10
1Ji-nuwo, ka huboshi hiɗə na dɨ ɗa hiwtə ka hɨmatə atɨ giɓa nda myee de, a tən mi Israila a ɗɨm mbətə. 2Gə hɨn ɓa mba takale a nəngrən atɨ ka hɨmne təna dɨ koɗə Həmɨnpwa, shezə hɨmnəngɨn darən nee peyi ka ɗongə leetə. 3Tənaa leyə atɨ dɨ haka Həmɨnpwa pepetɨngɨn a dɨ shi, səngɨn ɗɨki təna ɨl kwatəfəgyee ɓa gəədərən mi pepeyi. Tənaa vədə nəngrən a koɗə tɨfaa Həmɨnpwa a dɨ bəl ɓwaare mi pepeyi kan. 4Ite Ma Həmɨnpwa a Yaɓwarən a shi vɨratə, taayə mɨni itɨ gəti ka ɓashita Musa, gə-angɨn mgban Həmɨnpwa ɓa bəl myee mwakan mi pepeyi.
5Musa a dorshe a nə vəte Həmɨnpwa a dɨ vədə pepetɨ dan dɨ ha ɓashitə atɨ, “Nagi ndo ma a nza atɨ ndi ɓawa koddə nagi ndo sə a nə ɓashitə, dɨ haka ɓashitɨngɨn ndi ɓa ɗɨm myentə.”#10.5 Naasə: Livitikus 18.5. 6Shezə Həmɨnpwa ma dɨ vədə pepetɨ dan dɨ ha mwadiyale a sa atɨ, “Ɓe bwe le a vor hubosa a sa atɨ, ‘Wonə ɓa nggɨrə gaarə a vor pwa?’#10.6 Naasə: Gɨraha 30.13.” (Gə nda jangadə Ma Həmɨnpwa a Yaɓwarən ganə a vɨratə.) 7“Naasə mgban, ‘Wonə ɓa jengə vor gwa taa mbati kan?’#10.7 Naasə: Gɨraha 30.13.” (Gə nda maddə Ma Həmɨnpwa a Yaɓwarən gə we a nggɨradən ka myentə.) 8Ɓə a shiya ləməgingɨn a boya? “Ləməngɨn nee gbyel kəw, ləngɨn nee a kwaamɨnga, sɨne a vor hubosa.”#10.8 Naasə: Gɨraha 30.14. Sɨnə ləma hina dɨ hiwa kan a nə mwadiyale 9atɨ, hye kana wuna kwaamɨnga a boyo atɨ, “Yesu nə Həmɨmiye,” hye mɨna mwakan a vor hubosa atɨ Həmɨnpwa maddən gə we ka myentə, hye ɓa ɗɨm mbətə. 10Gə a vor hubosa hye mwakan, də Həmɨnpwa a bəlta ma pepeyə, sə mgban ka kwaamɨnga hye boyo, hye ɓə ɗɨm mbətə. 11Ɓətɨya Malɨmtɨ Ɗəmɗəmtə a boyo atɨ, “Nagi wonə ma kat mwakan, sopye aa dɨ gə mangɨn.”#10.11 Naasə: Ishaya 28.16. 12Taa som-somti də a waka Yawude ka myee aa Yawude, Həmɨnpwa nə hiɗə kal-kal, sɨnə Həmɨmiye a nə ɓwaare kat, nagi ndo ma dɨ tuwi warən, nda dɨ pukə mangɨn pepetə kɨr-kɨr. 13Ɓətɨya Malɨmtə a boyo atɨ, “Nagi ndo ma a dɨ tuwi wadə kwakɨ Həmɨmiye Baatə, mangɨn ɓa ɗɨm mbətə.”#10.13 Naasə: Joyel 2.32.
14Ɓə ya tən ɓa ɗa hiwtə a wadə kwakɨ ma tənaa mwakan? Anda tənaa mwakan, ɓə ya tən ɓa mwakan ndi ma tənaa kɨl ləməgye dan? Ɓə ya mgban tən ɓa mwakan anda myaa hiwarən ka ləməgye dan? 15Ɓə ya tən ɓa ɗa təna hiwarən anda myaa lyentɨrən a hakarən? Ɓətɨya mya doro atɨ, “Angɨn sə hanɨngti a haka myee mya dɨ hiwarən ka ləmə feme da Həmɨnpwa.”#10.15 Naasə: Ishaya 52.7.
16Kat ka angɨn aa mi Israila nə kat luu ləmə feməngɨn a mya hiwarən kan. Ɓətɨya kpale Ishaya a boyo, “Həmɨmiye, wonə mwaka ləməgye dəw 'ye hina hiwarən?”#10.16 Naasə: Ishaya 53.1. 17Diyalə ləngɨn nə atɨ mwadiyala dɨ shi dɨ kɨl ləməgye da Həmɨnpwa, mya dɨ kɨl ləməgingɨn dɨ ha hiwatə ka ləməgye da Ma Həmɨnpwa a Yaɓwarən. 18Na ɗiyə atɨ ɓwaa, diyalə tənaa kɨlə ma? Tən kɨlə pee! Gə ɓətɨya mya doro atɨ,
“Kormɨ myee dɨ hiwa ka
le da Həmɨnpwa
ngguro mbak-mbak mbəgə njiya kat,
ləməgyee təna dɨ boyo mgban muɗə tɨlə mbatɨ vɨratə.”#10.18 Naasə: Dyemshe 19.4.
19Na mɨna ɗiyə atɨ ɓwaa, mi Israila aa lee naarə ləməgingɨn ma? Aɓə Musa ka nənəngɨn sɨnə ma kwaməte luwa le boyi ka kormɨ Həmɨnpwa atɨ,
“Hɨn ɓa ɗɨkdə myee mya mɨndərən ɓətɨ aa ɓwaare
təna gəə sə-jiwnə a hakəwnə,
hɨn ɓa ɗɨkdə myee mya mɨndərən dəɗi ɓayi
təna ɗɨkdəwnə a yedi-kɨttə.”#10.19 Naasə: Gɨraha 32.21.
20Ɓətɨya Həmɨnpwa a boyo dɨ kwaamɨ kpale Ishaya, nda byelə pɨraɗaw atɨ,
“Myee aa ɨlti,
tənə she ɗɨmri ɗol,
tən myee aa ɗi la,
tənə 'ye na bɨldə na a hakarən.”#10.20 Naasə: Ishaya 65.1.
21Hɨnggə Israila nggi, Həmɨnpwa a mɨna boyo atɨ,
“Ɓaa na dɨ dɨma a kangə fərə-fərə a təddə tyefi
ɓa luu myee de,
tənə ji-ɗongə koddə le ka mgbɨləha.”#10.21 Naasə: Ishaya 65.2.
Currently Selected:
Romye 10: bcy
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Romye 10
10
1Ji-nuwo, ka huboshi hiɗə na dɨ ɗa hiwtə ka hɨmatə atɨ giɓa nda myee de, a tən mi Israila a ɗɨm mbətə. 2Gə hɨn ɓa mba takale a nəngrən atɨ ka hɨmne təna dɨ koɗə Həmɨnpwa, shezə hɨmnəngɨn darən nee peyi ka ɗongə leetə. 3Tənaa leyə atɨ dɨ haka Həmɨnpwa pepetɨngɨn a dɨ shi, səngɨn ɗɨki təna ɨl kwatəfəgyee ɓa gəədərən mi pepeyi. Tənaa vədə nəngrən a koɗə tɨfaa Həmɨnpwa a dɨ bəl ɓwaare mi pepeyi kan. 4Ite Ma Həmɨnpwa a Yaɓwarən a shi vɨratə, taayə mɨni itɨ gəti ka ɓashita Musa, gə-angɨn mgban Həmɨnpwa ɓa bəl myee mwakan mi pepeyi.
5Musa a dorshe a nə vəte Həmɨnpwa a dɨ vədə pepetɨ dan dɨ ha ɓashitə atɨ, “Nagi ndo ma a nza atɨ ndi ɓawa koddə nagi ndo sə a nə ɓashitə, dɨ haka ɓashitɨngɨn ndi ɓa ɗɨm myentə.”#10.5 Naasə: Livitikus 18.5. 6Shezə Həmɨnpwa ma dɨ vədə pepetɨ dan dɨ ha mwadiyale a sa atɨ, “Ɓe bwe le a vor hubosa a sa atɨ, ‘Wonə ɓa nggɨrə gaarə a vor pwa?’#10.6 Naasə: Gɨraha 30.13.” (Gə nda jangadə Ma Həmɨnpwa a Yaɓwarən ganə a vɨratə.) 7“Naasə mgban, ‘Wonə ɓa jengə vor gwa taa mbati kan?’#10.7 Naasə: Gɨraha 30.13.” (Gə nda maddə Ma Həmɨnpwa a Yaɓwarən gə we a nggɨradən ka myentə.) 8Ɓə a shiya ləməgingɨn a boya? “Ləməngɨn nee gbyel kəw, ləngɨn nee a kwaamɨnga, sɨne a vor hubosa.”#10.8 Naasə: Gɨraha 30.14. Sɨnə ləma hina dɨ hiwa kan a nə mwadiyale 9atɨ, hye kana wuna kwaamɨnga a boyo atɨ, “Yesu nə Həmɨmiye,” hye mɨna mwakan a vor hubosa atɨ Həmɨnpwa maddən gə we ka myentə, hye ɓa ɗɨm mbətə. 10Gə a vor hubosa hye mwakan, də Həmɨnpwa a bəlta ma pepeyə, sə mgban ka kwaamɨnga hye boyo, hye ɓə ɗɨm mbətə. 11Ɓətɨya Malɨmtɨ Ɗəmɗəmtə a boyo atɨ, “Nagi wonə ma kat mwakan, sopye aa dɨ gə mangɨn.”#10.11 Naasə: Ishaya 28.16. 12Taa som-somti də a waka Yawude ka myee aa Yawude, Həmɨnpwa nə hiɗə kal-kal, sɨnə Həmɨmiye a nə ɓwaare kat, nagi ndo ma dɨ tuwi warən, nda dɨ pukə mangɨn pepetə kɨr-kɨr. 13Ɓətɨya Malɨmtə a boyo atɨ, “Nagi ndo ma a dɨ tuwi wadə kwakɨ Həmɨmiye Baatə, mangɨn ɓa ɗɨm mbətə.”#10.13 Naasə: Joyel 2.32.
14Ɓə ya tən ɓa ɗa hiwtə a wadə kwakɨ ma tənaa mwakan? Anda tənaa mwakan, ɓə ya tən ɓa mwakan ndi ma tənaa kɨl ləməgye dan? Ɓə ya mgban tən ɓa mwakan anda myaa hiwarən ka ləməgye dan? 15Ɓə ya tən ɓa ɗa təna hiwarən anda myaa lyentɨrən a hakarən? Ɓətɨya mya doro atɨ, “Angɨn sə hanɨngti a haka myee mya dɨ hiwarən ka ləmə feme da Həmɨnpwa.”#10.15 Naasə: Ishaya 52.7.
16Kat ka angɨn aa mi Israila nə kat luu ləmə feməngɨn a mya hiwarən kan. Ɓətɨya kpale Ishaya a boyo, “Həmɨmiye, wonə mwaka ləməgye dəw 'ye hina hiwarən?”#10.16 Naasə: Ishaya 53.1. 17Diyalə ləngɨn nə atɨ mwadiyala dɨ shi dɨ kɨl ləməgye da Həmɨnpwa, mya dɨ kɨl ləməgingɨn dɨ ha hiwatə ka ləməgye da Ma Həmɨnpwa a Yaɓwarən. 18Na ɗiyə atɨ ɓwaa, diyalə tənaa kɨlə ma? Tən kɨlə pee! Gə ɓətɨya mya doro atɨ,
“Kormɨ myee dɨ hiwa ka
le da Həmɨnpwa
ngguro mbak-mbak mbəgə njiya kat,
ləməgyee təna dɨ boyo mgban muɗə tɨlə mbatɨ vɨratə.”#10.18 Naasə: Dyemshe 19.4.
19Na mɨna ɗiyə atɨ ɓwaa, mi Israila aa lee naarə ləməgingɨn ma? Aɓə Musa ka nənəngɨn sɨnə ma kwaməte luwa le boyi ka kormɨ Həmɨnpwa atɨ,
“Hɨn ɓa ɗɨkdə myee mya mɨndərən ɓətɨ aa ɓwaare
təna gəə sə-jiwnə a hakəwnə,
hɨn ɓa ɗɨkdə myee mya mɨndərən dəɗi ɓayi
təna ɗɨkdəwnə a yedi-kɨttə.”#10.19 Naasə: Gɨraha 32.21.
20Ɓətɨya Həmɨnpwa a boyo dɨ kwaamɨ kpale Ishaya, nda byelə pɨraɗaw atɨ,
“Myee aa ɨlti,
tənə she ɗɨmri ɗol,
tən myee aa ɗi la,
tənə 'ye na bɨldə na a hakarən.”#10.20 Naasə: Ishaya 65.1.
21Hɨnggə Israila nggi, Həmɨnpwa a mɨna boyo atɨ,
“Ɓaa na dɨ dɨma a kangə fərə-fərə a təddə tyefi
ɓa luu myee de,
tənə ji-ɗongə koddə le ka mgbɨləha.”#10.21 Naasə: Ishaya 65.2.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.