Afise 4
4
Pedə ne a waka ji-kottə
1Gə ləngɨn na dɨ nyisəwnə hɨn manə a gbərəwe gə na dɨ koɗə Həmɨmiye, atɨ maa nzaasəwnə a kənəsə ka wule wate Həmɨnpwa a warəwnə a vor lyentɨ dan. 2Hwuna gə ka hyatane kɨr-kɨr, a gə ɓuk-ɓuk ka mbasɨtə, hwun ta kətsə ka mbasɨtə a vor mwoha. 3Ɓərəm kɨsəm nzaa hiɗətə ɓətɨ Pitɨ Ɗəmɗəmtə a pedəwnə hwuna gə hiɗə dɨ ha nzaa ɗoltə. 4Sɨtɨ Ma Həmɨnpwa a Yaɓwarən nə hiɗə kal-kal, Pitɨ Ɗəmɗəmtə mgban nə hiɗə kal-kal, ɓətɨya mya warəwnə a vor bədə myentə hiɗə kal-kal a ite mya warəwnə. 5Həmɨmiye nə hiɗə kal-kal, kottə nə hiɗə kal-kal, batisɨmatə mgban nə hiɗə kal-kal. 6Həmɨnpwa nə hiɗə kal-kal, sɨnə Baatə a hakam kat, sɨnə a nə nagi ndo ma, sɨnə dɨ lyeni dɨ haka nagi ndo ma, sɨnə a vor nagi ndo ma.
7Shezə Həmɨnpwa ɓyanam gətɨ dan ɓətɨya Ma Həmɨnpwa a Yaɓwarən a kana. 8Səngɨn ɗa mya doro vor Malɨmtɨ Ɗəmɗəmtə atɨ,
“Ite nda nggɨrə fintɨ pwa,
nda muɗə ka ji-gbərəwye
a ɓyana ɓwaare sɨkule som-som.”#4.8 Naasə: Dyemshe 68.18.
9Ɓətɨ lanə mya boyo atɨ, “Nda nggɨrə pwa,” naarə ləngɨn nə atɨ ɓə janga ganə a vɨratə nda ɓə jengə njiya kuɓuke. 10Ndi ma janga sɨnə mɨni nggɨrə pwa ɓong-ɓong pɨrgə pərɓye gə nda gə nə nagi ndo haa kat. 11Sɨnə ka nənəngɨn nggɨl imi gə təna gəə kpe-lagbe, imi mgban kpali. Imi tənə ji-hiwatə ka ləmə feme da Həmɨnpwa. Imi mgban majeni ka ji-kəndəshe, 12gə myee da Həmɨnpwa a nza ka ɗaasɨtə gə lyentɨ gwasətə, gə mya nyerədərən a sɨtɨ Ma Həmɨnpwa a Yaɓwarən. 13Baa a dɨmə ite hɨm kat mya pedə ne a gə hiɗə a vor kottə, ka lee Nze da Həmɨnpwa, ka pɨrə humwatə a vor mwadiyale, a gə ɓətɨ Ma Həmɨnpwa a Yaɓwarən taa asə ɗwangashe.
14Gə ɓe hɨm aa yə pɨrə humwa ta gi ɓətɨ ji-kurkuryi. Ɓe myaa mwa ɓwaare a vwakarəm ka wule kəndəshi jeronye. Wule kəndəshingɨn mya pedərən ka kuta ɓaye ka vwakaha ka jeronye. Wule shingɨn a dɨ ɗɨkə mye ta verəwdəm mya muɗə humwa, mya mɨnam ka bee, ɓətɨ ɗogoli hawo a nə gbɨnuwe. 15Hɨnggəm hɨm ɓa pɨrə humwa ta bwe diyale ka mwoha, mye ɓa pɨrəmə humwa a gə ɓətɨ ndi a vor nagi ndo sə, mya gəm ɓətɨ Ma Həmɨnpwa a Yaɓwarən gə sɨnə ne. 16Dɨ hakan sɨtɨ ji-kottə kat a peyə, nda pedə nagi ndo gwali a kɨsə a dɨ gwadərən. Sɨtə a dɨ pɨrə humwa a nduko ka wule nyerəte mya və nagi ndo gyengə sɨtɨ a vor mwoha, ɓətɨya nagi ndo gyengə sɨti a dɨ ɗa lyentɨ darə.
Nzatə ɓətɨ je da ɓɨrti
17Gə ləngɨn na dɨ boyownə lanə a gɨrarəwnə a vor kwakɨ Həmɨmiye atɨ, ɓe hwunaa yə mɨna nza ɓətɨ myee aa lee Həmɨnpwa, a ji-ɗyənglə ɓaye. 18Gə tən mingɨn, kwa-hubosərən naa ka kulitə, təna nza ɓong-ɓong ka Həmɨnpwa asə aa pedərən ka myentɨ kaaru-kaarute ndi ɓa vədə, gə wule ɗongə leete təna gə kaarə gəkɨlə nyerəta kwa-hubosərən. 19Gə ɗongə sopye darən, səngɨn nə ɗa təna pɨrə vor kadawo hase ka nagi ndawula nzaa takɨməti, təna mwo nzaa gunamtə mba-dɨ-mba.
20Hɨnggəwnə hwun, aa wule nzaa takɨmətɨngɨn nə hwuna ɗyegənə nə Ma Həmɨnpwa a Yaɓwarən. 21Diyalə hwun kɨl le a nəngɨn, mye kənəwnə bɨləwnə diyale da Yesu. 22Mye kənəwnə shee a nə wule nzate hwuna nza kɨnɨnɨng atɨ hwuna ɗaka nzaa iitɨngɨn a ite kɨɗəwnə dɨ ha kadawa dɨ vwakarəwnə, 23hwuna gəə mi hweli a vor ɗyangale dəwnə. 24Hwuna pɨrə nzaa hweltə ta nggəɗi a gə ɓətɨ ndi, a vor nzaa pepetɨ diyale ka ɗəmɗəmtə.
25Gə ləngɨn, ɗakamə kər-jeronye, nagi ndo ma ta boyə nduwongɨn nzə-kotti diyale, gəkɨlə hɨm kat hɨm gəm gyengi sɨtə hiɗə. 26“Anda hwun ɗa yedi-kɨttə, ɓe ndaa zə kəwnə a səhase.”#4.26 Naasə: Dyemshe 4.4. Ɓe fəre mgban aa mbɨrə hwune a vor yedi-kɨttɨngɨn, 27ɓe hwunaa və Nzə-tɨmbɨrha humwatə. 28Ma dɨ hɨri, a ɗaka hɨrtə a ɗa lyentɨ nənəngɨn ka tɨfəngɨn a ɗa sa pepe gə nda ɗɨm asə a gwadə myee taa asə kaarən.
29Ɓe byelə wake aa dɨma dɨ kwaamɨngəwnə. Nagi mɨnə hwun ɓa boyə, maa ləngɨn a gəə lə pepeyə a ɓa nyerəha, gə nagi yə wonə kɨl ləməgingɨn təna ɗɨm gwadəha a nə sa təna ɗongən. 30Ɓe hwunaa ɗɨkdə Pitɨ Ɗəmɗəmta Həmɨnpwa ngga kehee, gəkɨlə kaarə Həmɨnpwa a ɗɨkəwnə ɗuwe gə fəra ndi ɓa vəwnə ɗɨmnə kpawtə də. 31Hwuna kəjidə wule shingɨn kat, ɓətɨ yə: Yedi hashe, muune, kwakaɗɨkatə, ɗaw kwaamə kɨr-kɨre, kɨɗa kwake, ka nagi ndawula waliti kat. 32Hwuna gə ka ɓwaarawne ka purutə, hwun ta nggurəsə gə səhase ɓətɨya Həmɨnpwa a dɨ nggurəwnəgə hɨnggəwnə dɨ haka Ma Həmɨnpwa a Yaɓwarən.
Currently Selected:
Afise 4: bcy
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Afise 4
4
Pedə ne a waka ji-kottə
1Gə ləngɨn na dɨ nyisəwnə hɨn manə a gbərəwe gə na dɨ koɗə Həmɨmiye, atɨ maa nzaasəwnə a kənəsə ka wule wate Həmɨnpwa a warəwnə a vor lyentɨ dan. 2Hwuna gə ka hyatane kɨr-kɨr, a gə ɓuk-ɓuk ka mbasɨtə, hwun ta kətsə ka mbasɨtə a vor mwoha. 3Ɓərəm kɨsəm nzaa hiɗətə ɓətɨ Pitɨ Ɗəmɗəmtə a pedəwnə hwuna gə hiɗə dɨ ha nzaa ɗoltə. 4Sɨtɨ Ma Həmɨnpwa a Yaɓwarən nə hiɗə kal-kal, Pitɨ Ɗəmɗəmtə mgban nə hiɗə kal-kal, ɓətɨya mya warəwnə a vor bədə myentə hiɗə kal-kal a ite mya warəwnə. 5Həmɨmiye nə hiɗə kal-kal, kottə nə hiɗə kal-kal, batisɨmatə mgban nə hiɗə kal-kal. 6Həmɨnpwa nə hiɗə kal-kal, sɨnə Baatə a hakam kat, sɨnə a nə nagi ndo ma, sɨnə dɨ lyeni dɨ haka nagi ndo ma, sɨnə a vor nagi ndo ma.
7Shezə Həmɨnpwa ɓyanam gətɨ dan ɓətɨya Ma Həmɨnpwa a Yaɓwarən a kana. 8Səngɨn ɗa mya doro vor Malɨmtɨ Ɗəmɗəmtə atɨ,
“Ite nda nggɨrə fintɨ pwa,
nda muɗə ka ji-gbərəwye
a ɓyana ɓwaare sɨkule som-som.”#4.8 Naasə: Dyemshe 68.18.
9Ɓətɨ lanə mya boyo atɨ, “Nda nggɨrə pwa,” naarə ləngɨn nə atɨ ɓə janga ganə a vɨratə nda ɓə jengə njiya kuɓuke. 10Ndi ma janga sɨnə mɨni nggɨrə pwa ɓong-ɓong pɨrgə pərɓye gə nda gə nə nagi ndo haa kat. 11Sɨnə ka nənəngɨn nggɨl imi gə təna gəə kpe-lagbe, imi mgban kpali. Imi tənə ji-hiwatə ka ləmə feme da Həmɨnpwa. Imi mgban majeni ka ji-kəndəshe, 12gə myee da Həmɨnpwa a nza ka ɗaasɨtə gə lyentɨ gwasətə, gə mya nyerədərən a sɨtɨ Ma Həmɨnpwa a Yaɓwarən. 13Baa a dɨmə ite hɨm kat mya pedə ne a gə hiɗə a vor kottə, ka lee Nze da Həmɨnpwa, ka pɨrə humwatə a vor mwadiyale, a gə ɓətɨ Ma Həmɨnpwa a Yaɓwarən taa asə ɗwangashe.
14Gə ɓe hɨm aa yə pɨrə humwa ta gi ɓətɨ ji-kurkuryi. Ɓe myaa mwa ɓwaare a vwakarəm ka wule kəndəshi jeronye. Wule kəndəshingɨn mya pedərən ka kuta ɓaye ka vwakaha ka jeronye. Wule shingɨn a dɨ ɗɨkə mye ta verəwdəm mya muɗə humwa, mya mɨnam ka bee, ɓətɨ ɗogoli hawo a nə gbɨnuwe. 15Hɨnggəm hɨm ɓa pɨrə humwa ta bwe diyale ka mwoha, mye ɓa pɨrəmə humwa a gə ɓətɨ ndi a vor nagi ndo sə, mya gəm ɓətɨ Ma Həmɨnpwa a Yaɓwarən gə sɨnə ne. 16Dɨ hakan sɨtɨ ji-kottə kat a peyə, nda pedə nagi ndo gwali a kɨsə a dɨ gwadərən. Sɨtə a dɨ pɨrə humwa a nduko ka wule nyerəte mya və nagi ndo gyengə sɨtɨ a vor mwoha, ɓətɨya nagi ndo gyengə sɨti a dɨ ɗa lyentɨ darə.
Nzatə ɓətɨ je da ɓɨrti
17Gə ləngɨn na dɨ boyownə lanə a gɨrarəwnə a vor kwakɨ Həmɨmiye atɨ, ɓe hwunaa yə mɨna nza ɓətɨ myee aa lee Həmɨnpwa, a ji-ɗyənglə ɓaye. 18Gə tən mingɨn, kwa-hubosərən naa ka kulitə, təna nza ɓong-ɓong ka Həmɨnpwa asə aa pedərən ka myentɨ kaaru-kaarute ndi ɓa vədə, gə wule ɗongə leete təna gə kaarə gəkɨlə nyerəta kwa-hubosərən. 19Gə ɗongə sopye darən, səngɨn nə ɗa təna pɨrə vor kadawo hase ka nagi ndawula nzaa takɨməti, təna mwo nzaa gunamtə mba-dɨ-mba.
20Hɨnggəwnə hwun, aa wule nzaa takɨmətɨngɨn nə hwuna ɗyegənə nə Ma Həmɨnpwa a Yaɓwarən. 21Diyalə hwun kɨl le a nəngɨn, mye kənəwnə bɨləwnə diyale da Yesu. 22Mye kənəwnə shee a nə wule nzate hwuna nza kɨnɨnɨng atɨ hwuna ɗaka nzaa iitɨngɨn a ite kɨɗəwnə dɨ ha kadawa dɨ vwakarəwnə, 23hwuna gəə mi hweli a vor ɗyangale dəwnə. 24Hwuna pɨrə nzaa hweltə ta nggəɗi a gə ɓətɨ ndi, a vor nzaa pepetɨ diyale ka ɗəmɗəmtə.
25Gə ləngɨn, ɗakamə kər-jeronye, nagi ndo ma ta boyə nduwongɨn nzə-kotti diyale, gəkɨlə hɨm kat hɨm gəm gyengi sɨtə hiɗə. 26“Anda hwun ɗa yedi-kɨttə, ɓe ndaa zə kəwnə a səhase.”#4.26 Naasə: Dyemshe 4.4. Ɓe fəre mgban aa mbɨrə hwune a vor yedi-kɨttɨngɨn, 27ɓe hwunaa və Nzə-tɨmbɨrha humwatə. 28Ma dɨ hɨri, a ɗaka hɨrtə a ɗa lyentɨ nənəngɨn ka tɨfəngɨn a ɗa sa pepe gə nda ɗɨm asə a gwadə myee taa asə kaarən.
29Ɓe byelə wake aa dɨma dɨ kwaamɨngəwnə. Nagi mɨnə hwun ɓa boyə, maa ləngɨn a gəə lə pepeyə a ɓa nyerəha, gə nagi yə wonə kɨl ləməgingɨn təna ɗɨm gwadəha a nə sa təna ɗongən. 30Ɓe hwunaa ɗɨkdə Pitɨ Ɗəmɗəmta Həmɨnpwa ngga kehee, gəkɨlə kaarə Həmɨnpwa a ɗɨkəwnə ɗuwe gə fəra ndi ɓa vəwnə ɗɨmnə kpawtə də. 31Hwuna kəjidə wule shingɨn kat, ɓətɨ yə: Yedi hashe, muune, kwakaɗɨkatə, ɗaw kwaamə kɨr-kɨre, kɨɗa kwake, ka nagi ndawula waliti kat. 32Hwuna gə ka ɓwaarawne ka purutə, hwun ta nggurəsə gə səhase ɓətɨya Həmɨnpwa a dɨ nggurəwnəgə hɨnggəwnə dɨ haka Ma Həmɨnpwa a Yaɓwarən.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.