Afise 3
3
Bulus nzə-hiwatə a haka myee aa Yawude
1Səngɨn ɗa hɨn Bulus na dɨ ɗa Həmɨnpwa hiwtə. Hɨn nzə-gbərəwo gə le dəwnə hwun myee aa Yawude gə na dɨ koɗə Yesu Ma Həmɨnpwa a Yaɓwarən.
2Ndəng hwun kɨl lə wule lyentɨ fyemte Həmɨnpwa a vi dɨ ha wulate nda wula ke gə le dəwnə, 3ɓətɨya nda bɨli kpəshe dɨ ha diyaa nda wuni, na leyə sə mgban na dorownə shingɨn gbɨlɨm. 4Hwun kana bəl malɨmtɨnə, hwun ɓa lee la na gə kan a nə kpəshi la a nə Ma Həmɨnpwa a Yaɓwarən, 5a la Həmɨnpwa aa dɨmaadən bwang a nzata myee pɨri. Sɨnə ɓəgəng Pitɨ Ɗəmɗəmtə a dɨmaadən bwang a bɨlə kpe-lagbee Həmɨnpwa a vomiyərən kat ka kpalye dan. 6Kpəshi ləngɨn nə atɨ, dɨ ha ləmə feme, myee aa Yawude ɗɨmə mɨnə shee ɓwaa ka Yawude. Tən gəə mi sɨtə hiɗəti dɨ luu moonə la Həmɨnpwa a boyo a nzadən ɓwaa ka Yawude dɨ haka Yesu Ma Həmɨnpwa a Yaɓwarən.
7Na gəə kɨsa ləmə fema nə dɨ ha wuladəha da Həmɨnpwa ite nda vi dɨ ha lyenta gətɨ dan. 8Nagi a nə sate atɨ hɨn taa tɨlka ma kəng-kənge a waka myee Həmɨnpwa a vomiyərən, kat ka angɨn nda gwadi a vi gətɨ dan gə na hiwa ka ləmə feme dan a haka myee aa Yawude a nə wule gbaktɨ gɨnəta Ma Həmɨnpwa a Yaɓwarən ite pɨrgə maasə lee ta ɓwaare. 9Həmɨnpwa a ɗa nagi ndo sə kat a nggɨlti gə hɨn ta hiwa ka ləngɨn a dɨma nagi ndo ma də kpəshi ləngɨn bwang a nə sa Həmɨnpwa a kana a haa ɓotə a nzate pɨri. 10Mwota Həmɨnpwa nə ɓəgəng atɨ nda lyenə dɨ haka ji-kottə a bɨldə zərgi lele dan a haka həmye, ka gəte myaawa naarə a vor pwa. 11Sa nda kana a ite myaa nda kwak vɨratə nə anə, nda naadən dɨ vor lyenta Yesu Ma Həmɨnpwa a Yaɓwarən, ndi Həmɨmiye dam. 12Dɨ hakan, ka mwatə kan gɨɗən, mya gbənzɨmtə a pɨrə haka Həmɨnpwa pɨraɗaw taa kala də. 13Gə ləngɨn na dɨ nyisəwnə atɨ, ɓe sɨsəwnə aa kpalagəwnə gə wule tənəte na pɨrədə gə le dəwnə. Gə-angɨn nə ɓa shikəwnə ka fukatə.
Hiwtə gə mi Afisus
14Səngɨn nə ɗa na dɨ gyerə nə ɗyegi a humwa Baatə ta ɗan hiwtə, 15dɨ hakan təkə-təkətɨ zərgi ɓwaaree a vɨratə ka nagi ndo ma a vor pwa a ɗɨm nzatə. 16Hiwtɨ de nə atɨ dɨ vor gbaktɨ gɨnətɨ da Həmɨnpwa, nda gwadəwnə a nyerədəwnə ka gətɨ dan dɨ haka Pitɨ dan ite a hubosəwnə. 17Sə mgban Ma Həmɨnpwa a Yaɓwarən a nza vor hubosəwnə dɨ ha mwadiyale. Hiwtɨ de nə mgban atɨ, hwuna hwoldə kworyingəwnə kuɓuɓuk a kangə dwat a vor mwoha. 18Gə hwun ɓwaa ka myee Həmɨnpwa a vomiyərən kat, a mba leetə a leyə twa wule mwoha da Ma Həmɨnpwa a Yaɓwarən ka pilsən ka gɨrəsən ka gbyalasən ka kuɓuksən. 19Hwuna mba leetə a lee wule mwohangɨn, a wule a pɨrgə maasə lee ta ɓwaara, gə hwuna gə ɓətɨya Həmɨnpwa a gə taa asə ɓa nggɨlə.
20Hɨnggə Həmɨnpwa nə ɓondiha, sɨnə ma dɨ ɗa nagi ndo sə a pɨrgə nyittɨ dam ɓong-ɓong nagi a vor ɗyengle, ɓətɨya gətɨ dan a dɨ lyenə vorsəm. 21Hɨnggən nə fukatə a waka ji-kottə a nagi ndo nzati dɨ haka Yesu Ma Həmɨnpwa a Yaɓwarən, kaaru-kaaru! Amin.
Currently Selected:
Afise 3: bcy
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Afise 3
3
Bulus nzə-hiwatə a haka myee aa Yawude
1Səngɨn ɗa hɨn Bulus na dɨ ɗa Həmɨnpwa hiwtə. Hɨn nzə-gbərəwo gə le dəwnə hwun myee aa Yawude gə na dɨ koɗə Yesu Ma Həmɨnpwa a Yaɓwarən.
2Ndəng hwun kɨl lə wule lyentɨ fyemte Həmɨnpwa a vi dɨ ha wulate nda wula ke gə le dəwnə, 3ɓətɨya nda bɨli kpəshe dɨ ha diyaa nda wuni, na leyə sə mgban na dorownə shingɨn gbɨlɨm. 4Hwun kana bəl malɨmtɨnə, hwun ɓa lee la na gə kan a nə kpəshi la a nə Ma Həmɨnpwa a Yaɓwarən, 5a la Həmɨnpwa aa dɨmaadən bwang a nzata myee pɨri. Sɨnə ɓəgəng Pitɨ Ɗəmɗəmtə a dɨmaadən bwang a bɨlə kpe-lagbee Həmɨnpwa a vomiyərən kat ka kpalye dan. 6Kpəshi ləngɨn nə atɨ, dɨ ha ləmə feme, myee aa Yawude ɗɨmə mɨnə shee ɓwaa ka Yawude. Tən gəə mi sɨtə hiɗəti dɨ luu moonə la Həmɨnpwa a boyo a nzadən ɓwaa ka Yawude dɨ haka Yesu Ma Həmɨnpwa a Yaɓwarən.
7Na gəə kɨsa ləmə fema nə dɨ ha wuladəha da Həmɨnpwa ite nda vi dɨ ha lyenta gətɨ dan. 8Nagi a nə sate atɨ hɨn taa tɨlka ma kəng-kənge a waka myee Həmɨnpwa a vomiyərən, kat ka angɨn nda gwadi a vi gətɨ dan gə na hiwa ka ləmə feme dan a haka myee aa Yawude a nə wule gbaktɨ gɨnəta Ma Həmɨnpwa a Yaɓwarən ite pɨrgə maasə lee ta ɓwaare. 9Həmɨnpwa a ɗa nagi ndo sə kat a nggɨlti gə hɨn ta hiwa ka ləngɨn a dɨma nagi ndo ma də kpəshi ləngɨn bwang a nə sa Həmɨnpwa a kana a haa ɓotə a nzate pɨri. 10Mwota Həmɨnpwa nə ɓəgəng atɨ nda lyenə dɨ haka ji-kottə a bɨldə zərgi lele dan a haka həmye, ka gəte myaawa naarə a vor pwa. 11Sa nda kana a ite myaa nda kwak vɨratə nə anə, nda naadən dɨ vor lyenta Yesu Ma Həmɨnpwa a Yaɓwarən, ndi Həmɨmiye dam. 12Dɨ hakan, ka mwatə kan gɨɗən, mya gbənzɨmtə a pɨrə haka Həmɨnpwa pɨraɗaw taa kala də. 13Gə ləngɨn na dɨ nyisəwnə atɨ, ɓe sɨsəwnə aa kpalagəwnə gə wule tənəte na pɨrədə gə le dəwnə. Gə-angɨn nə ɓa shikəwnə ka fukatə.
Hiwtə gə mi Afisus
14Səngɨn nə ɗa na dɨ gyerə nə ɗyegi a humwa Baatə ta ɗan hiwtə, 15dɨ hakan təkə-təkətɨ zərgi ɓwaaree a vɨratə ka nagi ndo ma a vor pwa a ɗɨm nzatə. 16Hiwtɨ de nə atɨ dɨ vor gbaktɨ gɨnətɨ da Həmɨnpwa, nda gwadəwnə a nyerədəwnə ka gətɨ dan dɨ haka Pitɨ dan ite a hubosəwnə. 17Sə mgban Ma Həmɨnpwa a Yaɓwarən a nza vor hubosəwnə dɨ ha mwadiyale. Hiwtɨ de nə mgban atɨ, hwuna hwoldə kworyingəwnə kuɓuɓuk a kangə dwat a vor mwoha. 18Gə hwun ɓwaa ka myee Həmɨnpwa a vomiyərən kat, a mba leetə a leyə twa wule mwoha da Ma Həmɨnpwa a Yaɓwarən ka pilsən ka gɨrəsən ka gbyalasən ka kuɓuksən. 19Hwuna mba leetə a lee wule mwohangɨn, a wule a pɨrgə maasə lee ta ɓwaara, gə hwuna gə ɓətɨya Həmɨnpwa a gə taa asə ɓa nggɨlə.
20Hɨnggə Həmɨnpwa nə ɓondiha, sɨnə ma dɨ ɗa nagi ndo sə a pɨrgə nyittɨ dam ɓong-ɓong nagi a vor ɗyengle, ɓətɨya gətɨ dan a dɨ lyenə vorsəm. 21Hɨnggən nə fukatə a waka ji-kottə a nagi ndo nzati dɨ haka Yesu Ma Həmɨnpwa a Yaɓwarən, kaaru-kaaru! Amin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.