1 Korindi 7
7
Wena lamuape eina angele lisaya ei
1-2Nimimi ande raparimiyande ramayo wapena angaa meamende angelenuri ambiare yango go liadondae. Ali mendame wena na-lami, pa aliandare epe au piapare ande wenaalina do koyada aunu waru andapu wiandare alimi nipuna wena lamuala ei pange wename alina anda pula ei pange gupi eiri epedea. 3Alimi nipuna were rapu palualia pange wereme ali rapu palualia. Mendame mendana rana pi ei pala pinya. Go auri gore repaalu nimumi pape ei. 4Akepeare wename nipuna dore nipunale na-andere-ayapare nipuna alimi andere-aya. Alimi pange nipuna dore nipunale na-andere-ayapare nipuna wereme andere-aya. 5Gupuma repaaya raminyekepao arare komeame menda para lalore, Ni gipia angele na-lena. Koro mendana nipumi angele la suma Gode para yainya pulame engeisinda pa apana loma dependare gore epelea. Gupumare gore wala repaaya ala pipape. Akepeare naare andalu peme wala mendaa para na-pali pa alipindare Sadanimi niipi para koae kone ma-sialiaya lalo.
6Go wapena lalo eiri gupipape loma na-lalopare nimina rana piliare manda peale go au pipape loma lalo. 7Wenaali raayo ni ayo rupa aliminya kone wi. Go peapare Godeme rali paya einuri rando rando pi aunu rali pao-aya. Ali menda ale menda alala pula ara ali menda ale menda na-alala pea. 8Wena na-lami naki para pange ali na-pe nongo para pange waisa wenanu para pange go angele laloae, ni ayo rupa pa alimindare epelea kone wi. 9Go peapare wena menda o ali menda rapu paluma pake nape nononda repara repara piliandare gore wena lamuape o alina anda pope lalo. Go au pi auri gore ande relea repana ma-kundi na-ainyayanda lalo. 10Repaaya ambala ali pi wenaali parare gupi lalo. Wena neemere nena ali na-giali. Go angelere neme nina kone para ipula ei diayapare ande Reali nipumi la da ei lalo. 11Gupiliandare gore puma pua aoma pange wala nipuna ali para perekeya epelea. Perekeyoma na-epeleandare gore ali na-pe pa ao-alia. Alimi pange were ora na-gialia.
12Ambia go lalo angele mendaparere Realimi na-dapare nina gole lalo. Keriso ali mendame angele na-pange wena lamuma aliandare go wena go ali lapo alua kone wiliandare gore mo alimi go wena na-giainya.
13Keriso wena mendame angele na-pange alina anda peleandare go alimi nipuna wena lapo aluame kone suma aliandare gore go Keriso wename go ali na-giainya. 14Go lalo angelere go einaya lawa. Ande angele na-pange aliri nipuna wena lapo raminyeke pao-aya eina Godeme ora ana pea lea. Gupuma ande angele na-pange wenare nipuna Keriso ali lapo raminyeke puma aya eina pange Godeme anae, lea. Go lalo ei na-pula pameyalore nimina naki nongonuri pa angele na-pange wenaalina naki nongonu manda ala pame. Gupula pamepare ambiare nimuna nongo nakinu aeme eiri Godemere ana pea lea. 15Go au papeyapare ande angele na-pange wename o ande angele na-pange alimi nipuna Keriso wena o ali gioma poloame kone wiliandare gore go au pinyae. Go au piliandare mo Keriso ameme o ainyame pange gialia. Naare kuma pi rupa ao-amonoya Godeme wi lea. 16Keriso wenao, nena aunu andoma mendare nena ali manda Reali repara karu epele o pa marea. Keriso ali nee pange nena wena nena aunu andoma manda Reali repara karu epele o pa marea nee na-andele.
Godeme nimi ao-paidaminya lea rupa ao-paidapape
17Godeme rando rando aunu rali paya rupa arare Godeme nimi wi leanda epa arimi rupa pa alepape. Go angele wi einuri Keriso wenaali raayo para waloayo. 18Ali mendame Godeme wi laya naarena ipulu ara nipuri yongale runguli au puma ara pangoma epeleandare gore nipumi ande nipuna yongale runguli au pea ei para yalame komalo ara kundiri pulame na-rapena. Gupuma ali mendame Godeme wi laya naarena nipuri yongale runguli au na-pi ara pangoma epeleandare gore nipumi yongale rungulape eina kone na-winya. 19Monde yongale runguli au pi ei pange na-pi ei pange ralipuna ale menda diayapare Godena angele wi einu pangoma pi eiri gore go auri ora andaai. 20Nimi raayome Godeme ambe na-wi laya naarena arimi rupare pa alepape. 21Neere pakama pupudengi nae ali ara Godena wi lea ei pangaepae. Gore neeme go ei para kendame na-komape. Go peapare nee ande pakama pupudengi naya ei minyapalainyaya pora lombeleandare gore pope. 22Gupuma pange go ei. Pakama pupudengi nala ali Realimi nipu wi lea ei pangomare ipulandare gore nipuri Realimi kepe rapaya aliae. Gupuma pange pa aya ali Realimi nipu wi da ei pangoma ipula dinare gore nipuri Kerisona pakama pupudengi nada aliae. 23Godeme yangi andaaimi nimi kambea. Go einare alinuna pakama pupudengi nademe alinu na-alepape. 24Amenuo, nimi raayore Godeme nimi wi laya naarena arimi rupa Gode rapu alepape.
Wena na-lami ali pange ali na-pea nongo pange waisa wenanu nimuna ao-paida peme einuna mana angele lea ei
25Wena na-mi ali pange ali na-pe nongo pange waisa wena o waisa alinu reparare neme go angele lalo. Neme Reali Yesumi la da ei na-lalo. Go peapare Realimi nipuna ni pakama yarame komea eimiyalo arare nimi manda na angele pangaliminya kone sialo.
26Gonde kenda pea naare ipula einare na konemere epe eiri gurupae. Ambia go aeme rupa pa aliminya kone sialoae. 27Neere wena lamelepae. Gore go wena gialua, kone na-siape. Neere wena na-lami ali deandare gore wena lamuape eina kone na-siape.
28Go lalopare wena lamilindare koae au pulu ara na-pili. Gupuma nongome pange alina anda peleandare koae au pulu ara na-pia. Repaalu aeme wenaalinumi naare raayome ando-aeme koaeyanda nimi pange go au pilimiya lalo.
29Amenuo, go ei para lawa. Naare peao dale ambia ara kini pumare wena lami alinumiri wena na-lami alinu leale ao-paidapape. 30Gupuma komayanda andaleme wenaalimiri ree na-le wenaali manda ainya. Gupuma giri dame wenaalimi giri na-le aeme wenaali rupa alepape. Olemole kambaleme wenaalimi go kambaleme alenu nimu na ei dia leale kambena.
31Gupuma suna alenuna pupudengi nademe wenaalimi suna alenu para kone waru na-wi wenaali rupa alepape. Go einaya lalo. Go suri ambia go wia rupa pa na-sualia.
32Nimimi kone kendame komoaeme aunu na-paliminya. Wena na-lami aliri Realina kone pea au pulameya puaya. Akepeare nipumi Reali rana ma-paluame go au puaya. 33Gupuayapare wena lami alimiri nipuna wena rana ma-paluame suna wia alenu para kone suaya. 34Go eina nipuna kone wi eiri runa purupima wia. Mo alina anda na-pe wename pange inyu mapua nongome pange Realina pupudengi nada eina kone suape. Nipuna kone pea eiri nipuna do pange remo pange Gode repara adoameyanda go ali na-pepe. Gupiliapare mo alina anda pea wenamere, nipuna ali raname ma-komaluameya suna wia alenu para kone suaya.
35Neme go lalo angelere nimi rambamulameya lawa, neme nimina pora rudu na-lalo. Nimimi ora rendepo au puma ora aunu paliminya lalo. Ale mendame niminya konenu yolapa-na-ya lalo. Realina pupudengi naliminyayanda lawa.
36-37Go eina ali mendame kone sialore nipuna rome nongo menda nipuna koneme ora menda para pa paidipa, kone wiliandare gore nipumi koae aunu na-pia. Nipuna rana pea rupa mo nongo laminya. Go peapare ali mendame nipuna do rupara go aunu na-pi ora nipuna kone sialo ara go nongo ora na-lamula kone wiliandare gore go na-lamilianda pangere ora manda pea. 38Go eina alimi go inyu mapua lamiliandare gore epelea. Go peapare go nongo na-lamiliandare gore ora epeala ara epedea.
39Alina anda pea wenamere nipuna ali pa aliandare gore nipuna ali rapu alia. Go peapare nipuna ali komeleandare nipuna kone pea ali mendana anda para peleandare ana pea. Go peapare Keriso alina anda komea pelea. 40Go au papeyapare neme kone sialo eiri gurupa. Pa alianda pange ora epedea kone sialoae. Go eiri nina kone para ipula ei lalo. Nina kone pangere Godena Yaakopi Sipiridimi ma-siada kone sialo.
Currently Selected:
1 Korindi 7: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
1 Korindi 7
7
Wena lamuape eina angele lisaya ei
1-2Nimimi ande raparimiyande ramayo wapena angaa meamende angelenuri ambiare yango go liadondae. Ali mendame wena na-lami, pa aliandare epe au piapare ande wenaalina do koyada aunu waru andapu wiandare alimi nipuna wena lamuala ei pange wename alina anda pula ei pange gupi eiri epedea. 3Alimi nipuna were rapu palualia pange wereme ali rapu palualia. Mendame mendana rana pi ei pala pinya. Go auri gore repaalu nimumi pape ei. 4Akepeare wename nipuna dore nipunale na-andere-ayapare nipuna alimi andere-aya. Alimi pange nipuna dore nipunale na-andere-ayapare nipuna wereme andere-aya. 5Gupuma repaaya raminyekepao arare komeame menda para lalore, Ni gipia angele na-lena. Koro mendana nipumi angele la suma Gode para yainya pulame engeisinda pa apana loma dependare gore epelea. Gupumare gore wala repaaya ala pipape. Akepeare naare andalu peme wala mendaa para na-pali pa alipindare Sadanimi niipi para koae kone ma-sialiaya lalo.
6Go wapena lalo eiri gupipape loma na-lalopare nimina rana piliare manda peale go au pipape loma lalo. 7Wenaali raayo ni ayo rupa aliminya kone wi. Go peapare Godeme rali paya einuri rando rando pi aunu rali pao-aya. Ali menda ale menda alala pula ara ali menda ale menda na-alala pea. 8Wena na-lami naki para pange ali na-pe nongo para pange waisa wenanu para pange go angele laloae, ni ayo rupa pa alimindare epelea kone wi. 9Go peapare wena menda o ali menda rapu paluma pake nape nononda repara repara piliandare gore wena lamuape o alina anda pope lalo. Go au pi auri gore ande relea repana ma-kundi na-ainyayanda lalo. 10Repaaya ambala ali pi wenaali parare gupi lalo. Wena neemere nena ali na-giali. Go angelere neme nina kone para ipula ei diayapare ande Reali nipumi la da ei lalo. 11Gupiliandare gore puma pua aoma pange wala nipuna ali para perekeya epelea. Perekeyoma na-epeleandare gore ali na-pe pa ao-alia. Alimi pange were ora na-gialia.
12Ambia go lalo angele mendaparere Realimi na-dapare nina gole lalo. Keriso ali mendame angele na-pange wena lamuma aliandare go wena go ali lapo alua kone wiliandare gore mo alimi go wena na-giainya.
13Keriso wena mendame angele na-pange alina anda peleandare go alimi nipuna wena lapo aluame kone suma aliandare gore go Keriso wename go ali na-giainya. 14Go lalo angelere go einaya lawa. Ande angele na-pange aliri nipuna wena lapo raminyeke pao-aya eina Godeme ora ana pea lea. Gupuma ande angele na-pange wenare nipuna Keriso ali lapo raminyeke puma aya eina pange Godeme anae, lea. Go lalo ei na-pula pameyalore nimina naki nongonuri pa angele na-pange wenaalina naki nongonu manda ala pame. Gupula pamepare ambiare nimuna nongo nakinu aeme eiri Godemere ana pea lea. 15Go au papeyapare ande angele na-pange wename o ande angele na-pange alimi nipuna Keriso wena o ali gioma poloame kone wiliandare gore go au pinyae. Go au piliandare mo Keriso ameme o ainyame pange gialia. Naare kuma pi rupa ao-amonoya Godeme wi lea. 16Keriso wenao, nena aunu andoma mendare nena ali manda Reali repara karu epele o pa marea. Keriso ali nee pange nena wena nena aunu andoma manda Reali repara karu epele o pa marea nee na-andele.
Godeme nimi ao-paidaminya lea rupa ao-paidapape
17Godeme rando rando aunu rali paya rupa arare Godeme nimi wi leanda epa arimi rupa pa alepape. Go angele wi einuri Keriso wenaali raayo para waloayo. 18Ali mendame Godeme wi laya naarena ipulu ara nipuri yongale runguli au puma ara pangoma epeleandare gore nipumi ande nipuna yongale runguli au pea ei para yalame komalo ara kundiri pulame na-rapena. Gupuma ali mendame Godeme wi laya naarena nipuri yongale runguli au na-pi ara pangoma epeleandare gore nipumi yongale rungulape eina kone na-winya. 19Monde yongale runguli au pi ei pange na-pi ei pange ralipuna ale menda diayapare Godena angele wi einu pangoma pi eiri gore go auri ora andaai. 20Nimi raayome Godeme ambe na-wi laya naarena arimi rupare pa alepape. 21Neere pakama pupudengi nae ali ara Godena wi lea ei pangaepae. Gore neeme go ei para kendame na-komape. Go peapare nee ande pakama pupudengi naya ei minyapalainyaya pora lombeleandare gore pope. 22Gupuma pange go ei. Pakama pupudengi nala ali Realimi nipu wi lea ei pangomare ipulandare gore nipuri Realimi kepe rapaya aliae. Gupuma pange pa aya ali Realimi nipu wi da ei pangoma ipula dinare gore nipuri Kerisona pakama pupudengi nada aliae. 23Godeme yangi andaaimi nimi kambea. Go einare alinuna pakama pupudengi nademe alinu na-alepape. 24Amenuo, nimi raayore Godeme nimi wi laya naarena arimi rupa Gode rapu alepape.
Wena na-lami ali pange ali na-pea nongo pange waisa wenanu nimuna ao-paida peme einuna mana angele lea ei
25Wena na-mi ali pange ali na-pe nongo pange waisa wena o waisa alinu reparare neme go angele lalo. Neme Reali Yesumi la da ei na-lalo. Go peapare Realimi nipuna ni pakama yarame komea eimiyalo arare nimi manda na angele pangaliminya kone sialo.
26Gonde kenda pea naare ipula einare na konemere epe eiri gurupae. Ambia go aeme rupa pa aliminya kone sialoae. 27Neere wena lamelepae. Gore go wena gialua, kone na-siape. Neere wena na-lami ali deandare gore wena lamuape eina kone na-siape.
28Go lalopare wena lamilindare koae au pulu ara na-pili. Gupuma nongome pange alina anda peleandare koae au pulu ara na-pia. Repaalu aeme wenaalinumi naare raayome ando-aeme koaeyanda nimi pange go au pilimiya lalo.
29Amenuo, go ei para lawa. Naare peao dale ambia ara kini pumare wena lami alinumiri wena na-lami alinu leale ao-paidapape. 30Gupuma komayanda andaleme wenaalimiri ree na-le wenaali manda ainya. Gupuma giri dame wenaalimi giri na-le aeme wenaali rupa alepape. Olemole kambaleme wenaalimi go kambaleme alenu nimu na ei dia leale kambena.
31Gupuma suna alenuna pupudengi nademe wenaalimi suna alenu para kone waru na-wi wenaali rupa alepape. Go einaya lalo. Go suri ambia go wia rupa pa na-sualia.
32Nimimi kone kendame komoaeme aunu na-paliminya. Wena na-lami aliri Realina kone pea au pulameya puaya. Akepeare nipumi Reali rana ma-paluame go au puaya. 33Gupuayapare wena lami alimiri nipuna wena rana ma-paluame suna wia alenu para kone suaya. 34Go eina nipuna kone wi eiri runa purupima wia. Mo alina anda na-pe wename pange inyu mapua nongome pange Realina pupudengi nada eina kone suape. Nipuna kone pea eiri nipuna do pange remo pange Gode repara adoameyanda go ali na-pepe. Gupiliapare mo alina anda pea wenamere, nipuna ali raname ma-komaluameya suna wia alenu para kone suaya.
35Neme go lalo angelere nimi rambamulameya lawa, neme nimina pora rudu na-lalo. Nimimi ora rendepo au puma ora aunu paliminya lalo. Ale mendame niminya konenu yolapa-na-ya lalo. Realina pupudengi naliminyayanda lawa.
36-37Go eina ali mendame kone sialore nipuna rome nongo menda nipuna koneme ora menda para pa paidipa, kone wiliandare gore nipumi koae aunu na-pia. Nipuna rana pea rupa mo nongo laminya. Go peapare ali mendame nipuna do rupara go aunu na-pi ora nipuna kone sialo ara go nongo ora na-lamula kone wiliandare gore go na-lamilianda pangere ora manda pea. 38Go eina alimi go inyu mapua lamiliandare gore epelea. Go peapare go nongo na-lamiliandare gore ora epeala ara epedea.
39Alina anda pea wenamere nipuna ali pa aliandare gore nipuna ali rapu alia. Go peapare nipuna ali komeleandare nipuna kone pea ali mendana anda para peleandare ana pea. Go peapare Keriso alina anda komea pelea. 40Go au papeyapare neme kone sialo eiri gurupa. Pa alianda pange ora epedea kone sialoae. Go eiri nina kone para ipula ei lalo. Nina kone pangere Godena Yaakopi Sipiridimi ma-siada kone sialo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.