1 Korindi 6
6
Keriso yangonu rapu koda dame ei
1Nimina rupara Keriso ame mendame Keriso ame menda repara rondo menda ae ali deandare nipumi mo angele na-pange kama nane aya alinumi angele rali pinyaya na-pena. Go au na-piri Godena wenaalimi komea rali pinya. 2Godena wenaalimiri go su yaa peredeandare go wenaali raayo nimumi rali pilimi. Go su yaa anda rali pilimindare gore ambia go naarena go dame onge kodasinu pange manda rali pilimi. 3Naamere eindiolo alinu pange rali pilima. Go pea einare go suna onge kodasinunare naame mandana rali pilima. 4Go eina Keriso wenaalinumi ape ape demendare o nimuna nimunale yanda pilimindare nimimi Keriso wenaali para bi na-wia angele na-pange kama nane alinu para na-ma-peleme. 5Go lalo angelere nimi yalame ma-komaluame lawa. Nimi para epe kone wia ali komeare menda ala pimira. Gupi alimiri Keriso ameayana angele yokanali pipi ei manda rumalia. 6Go au na-pi, Keriso repaamere nipuna Keriso ame koda lado arare pa kama nane aeme repaame nipuna koda pangena puaeme.
7Nimimi niminale angele yokanali pulame mea pulumi eiri rendepo na-le au pimi. Mo koae aunu pimi eiri pa pinya giapeleo. Mo pake neme einu pange pa pinya giapeleo. Nimimi go aunu peme eimiri nimi ambala koae aunu peme loma wada. 8Go lalo au na-pi niminale koyalolo puma pake nalolo puaeme. 9-10Ande koae au puaeme wenaalimi Godena Ki Rambuao-aya Eina pope-na-ya eiri kone sialo pimira. Niminale nimi na-ma-kiralepape. Wenaalimi pake nala ei pange koae remo repara yainya puaeme ei pange wenaali pange repaaya aepe ei keralapademe wenaali pange wena para pi ei ali yango para le pimi alinu pange go au pi wenanu pange Godena Ki Rambuao-aya Ei para na-pelea. Gurupa pange pake naleme wenaali pange nimu komea loma panda liademe wenaali pange koae ipa noma keyademe wenaali pange na-pi einu la ma-ria ria puaeme wenaali pange rudule angele wi ei rungudame wenaali mendame Godena Ki Rambuao-aya Ei para na-popeya.
11Nimi menda parare go au pi wenaali arimiae. Go pameparere ambiare wamo puma kaakepi aemeae. Ambiare nimiri Godena ei aeme. Gupuma pange nimiri Gode rapuri rendepoyao aemeae. Nimi gurupa aliminya lea eiri gore Reali Yesu Keriso nipuna bina pange naana Godena Epe Yaako Pi Sipiridimi pange paya.
Godena rana pi aunu komea pinya dapape
12Ali menda rekalo ara gupi dea. Neme olemole raayo pa pula dea. Ee ae. Go peapare olemole raayome nee na-rambamilia. Neme pange lalore, Olemole raayo pa pula dapepare ni ale mendame na-yolo andilina doa. 13Ali mendame lalore, gurupa dea. Enda ne eiri lo rombana eiye dea. Gupuma lo rombare endana ei lopilia. Orayapare gole laapo ralipuna Godeme komea dina pereyalia. Alina dore wena pake o ali pake nape ei dia. Go dore Realina aunu pape ei. Gupuma Realiri naana dona ei. 14Godemere Reali komeapare ma-endaisaya. Gupuma naa pange nipuna purimi gurupa ma-endalia.
15Nimina donuri Keriso para kimbumaoma aemendare gore Keriso nipuna donu aeme. Keriso nipuna do menda yoko muma mo muni mulameyanda ali pake noae nongona do rapu menda runaliayapae. Ora dia. 16Ali apimi mo ali yoloma muni mulame kone wia nongo lapo raminyeke pia dina nipuna dore komea auda. Godena angele wia bukamere gupi lea.
Wena pange ali laapo raidipuna komea audepe lea.
17Go peapare ali apimi Reali para raminyekepaoma aliandare gore nipuri endoaya ei remo komea kama ali pi.
18Ali pake wena pake nala au na-pi nidi puma alepape. Koae au pi einu raayore do yongale na warayapare ali pake wena pake nala aumi komea nipuna do repara koae au pia. 19Nimina donuri mo Epe Yaako Pi Sipiridi nimina rupara pirinyaya nipuna anda aya eiri kone sialepape. Gupuma mo Epe Yaako Pi Sipiridi pi eiri Godeme nimi para gea. Nimiri nimina na-surumbeme.
20Nimiri ora Godena ei aliminyaya nipumi yangi andaaimi ambala kambea. Go pea eina nimina dome Godena rana pea aunu komea pala pipape.
Currently Selected:
1 Korindi 6: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
1 Korindi 6
6
Keriso yangonu rapu koda dame ei
1Nimina rupara Keriso ame mendame Keriso ame menda repara rondo menda ae ali deandare nipumi mo angele na-pange kama nane aya alinumi angele rali pinyaya na-pena. Go au na-piri Godena wenaalimi komea rali pinya. 2Godena wenaalimiri go su yaa peredeandare go wenaali raayo nimumi rali pilimi. Go su yaa anda rali pilimindare gore ambia go naarena go dame onge kodasinu pange manda rali pilimi. 3Naamere eindiolo alinu pange rali pilima. Go pea einare go suna onge kodasinunare naame mandana rali pilima. 4Go eina Keriso wenaalinumi ape ape demendare o nimuna nimunale yanda pilimindare nimimi Keriso wenaali para bi na-wia angele na-pange kama nane alinu para na-ma-peleme. 5Go lalo angelere nimi yalame ma-komaluame lawa. Nimi para epe kone wia ali komeare menda ala pimira. Gupi alimiri Keriso ameayana angele yokanali pipi ei manda rumalia. 6Go au na-pi, Keriso repaamere nipuna Keriso ame koda lado arare pa kama nane aeme repaame nipuna koda pangena puaeme.
7Nimimi niminale angele yokanali pulame mea pulumi eiri rendepo na-le au pimi. Mo koae aunu pimi eiri pa pinya giapeleo. Mo pake neme einu pange pa pinya giapeleo. Nimimi go aunu peme eimiri nimi ambala koae aunu peme loma wada. 8Go lalo au na-pi niminale koyalolo puma pake nalolo puaeme. 9-10Ande koae au puaeme wenaalimi Godena Ki Rambuao-aya Eina pope-na-ya eiri kone sialo pimira. Niminale nimi na-ma-kiralepape. Wenaalimi pake nala ei pange koae remo repara yainya puaeme ei pange wenaali pange repaaya aepe ei keralapademe wenaali pange wena para pi ei ali yango para le pimi alinu pange go au pi wenanu pange Godena Ki Rambuao-aya Ei para na-pelea. Gurupa pange pake naleme wenaali pange nimu komea loma panda liademe wenaali pange koae ipa noma keyademe wenaali pange na-pi einu la ma-ria ria puaeme wenaali pange rudule angele wi ei rungudame wenaali mendame Godena Ki Rambuao-aya Ei para na-popeya.
11Nimi menda parare go au pi wenaali arimiae. Go pameparere ambiare wamo puma kaakepi aemeae. Ambiare nimiri Godena ei aeme. Gupuma pange nimiri Gode rapuri rendepoyao aemeae. Nimi gurupa aliminya lea eiri gore Reali Yesu Keriso nipuna bina pange naana Godena Epe Yaako Pi Sipiridimi pange paya.
Godena rana pi aunu komea pinya dapape
12Ali menda rekalo ara gupi dea. Neme olemole raayo pa pula dea. Ee ae. Go peapare olemole raayome nee na-rambamilia. Neme pange lalore, Olemole raayo pa pula dapepare ni ale mendame na-yolo andilina doa. 13Ali mendame lalore, gurupa dea. Enda ne eiri lo rombana eiye dea. Gupuma lo rombare endana ei lopilia. Orayapare gole laapo ralipuna Godeme komea dina pereyalia. Alina dore wena pake o ali pake nape ei dia. Go dore Realina aunu pape ei. Gupuma Realiri naana dona ei. 14Godemere Reali komeapare ma-endaisaya. Gupuma naa pange nipuna purimi gurupa ma-endalia.
15Nimina donuri Keriso para kimbumaoma aemendare gore Keriso nipuna donu aeme. Keriso nipuna do menda yoko muma mo muni mulameyanda ali pake noae nongona do rapu menda runaliayapae. Ora dia. 16Ali apimi mo ali yoloma muni mulame kone wia nongo lapo raminyeke pia dina nipuna dore komea auda. Godena angele wia bukamere gupi lea.
Wena pange ali laapo raidipuna komea audepe lea.
17Go peapare ali apimi Reali para raminyekepaoma aliandare gore nipuri endoaya ei remo komea kama ali pi.
18Ali pake wena pake nala au na-pi nidi puma alepape. Koae au pi einu raayore do yongale na warayapare ali pake wena pake nala aumi komea nipuna do repara koae au pia. 19Nimina donuri mo Epe Yaako Pi Sipiridi nimina rupara pirinyaya nipuna anda aya eiri kone sialepape. Gupuma mo Epe Yaako Pi Sipiridi pi eiri Godeme nimi para gea. Nimiri nimina na-surumbeme.
20Nimiri ora Godena ei aliminyaya nipumi yangi andaaimi ambala kambea. Go pea eina nimina dome Godena rana pea aunu komea pala pipape.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.