1 Timote 2

Buŋ b'an aware fu kalawu

1B'ija bu kajabu isok beemo fu ímaŋamaŋi aŋ'áriwasiyan Atambatun bija tu kúŋgowulan ku kareyi fe, n'arilawo yooŋ, abe n'arieno eyeehen bija tu boko. 2Aŋ'arilawo bija ti bákayi ku, ni keeemo ku t'éŋguur i fe, man buroŋ bite b'úne ni bibeb, abe nu butoof. Iyu, n'uŋ'úyini káwufoor kaanuku újeŋginajeŋgin Atambatun, abe yooŋ manoŋkar mite m'úne fe meejake. 3Bondu bijake fu, abe nu butoof yooŋ Atambatun *Afakana ite úne. 4Ámaŋamaŋi kaanuku ésuk i fe keefak#2.4 A̱juk yooŋ Esekiyel 18.23., abe ni kámeyi múniyo mu. 5Ábuki Atambatun afeeneŋ taŋ abaje fu, abe afeeneŋ taŋ asiiŋee fu t'etuto nu kúŋgowulan ku éehiniin keebukan: o aamo fu Yesu *Kiris húŋgowulan hu. 6Ásikasik buroŋ boone awun, eejaam kaanuku ésuk i fe yeefak#2.6 A̱juk yooŋ Májiye 20.28.. Bondu biseedee fu h'aamo hu tireeŋa toko. 7Bondu bíkinineŋe fu Atambatun n'áhinam íiyemi *apotor#2.7 A̱juk yooŋ 2 Timote 1.11.. Aanamyen iwaare abe n'iliiken keenooto ku Esuwif bite káyilen ku, ni bite múniyo mu. Íñjeiit ijuuse, bifeeneŋ taŋ b'if'isok.

8Ímaŋamaŋi kaanuku tánotan fe, háyine hu n'iŋi kalaw, boko ti kayitu sumoŋiiin#2.8 Iyu e Esuwif i af'arko ni káhin kane káyemi ti kalawu. A̱juk Kafakan ku 9.29; 1 Bákayi ku 8.22. nu suhol seekuure but, itim kayiŋat, itim yooŋ kañakoor.

9Ímaŋamaŋi yooŋ haare hu iŋi kasiimo áwariee, itim kaŋes bujukano, itim'iŋi kahahan yooŋ. Itim'iŋi karifaaño birifaañu bite jísaŋg, itim kasol buroon bite éwurus i, nu ñukuur ñu, nu wañ weeseere wu#2.9 A̱juk yooŋ 1 Piyeer 3.3.. 10Bare káwari kooniin kuwarawar káyemi kanoŋku ajakee; bondu bijake fu ti haare keeene kájeŋginajeŋgin Atambatun. 11Ániine af'áyemi ti kaliiken *kéeyilene ku bite b'Atambatun, haare hu kakoowan kem, abe ni kajamatan jak. 12Anaare awarut kaliiken ániine, man yooŋ n'áhino aŋ'ajam te o. Iwunuto bondu. Awarawar iŋi kakoowan. 13Ábuki *Adam ajabe fu áwuwanee, ahaban, Eef n'atik áwuwanee. 14Abe Ádamiit abuutee fu, anaare u abuutee fu. Náami anaare u ahoofoore fu#2.14 Siferse su 13-14, a̱juk Kájabina ku 2.7,21-22; 3.1-6.. 15Bare kaabukoor ku kákinineŋ haare hu ni kafak, ti kajoke alitee kéeyilen, ni kámaŋi ésuk i, abe ni kanab. Itim kaŋes yooŋ bujukano.

Currently Selected:

1 Timote 2: cwt

Highlight

Copy

Compare