དང་པ་ཏི་མོ་ཐི། 5
5
བཱརའ་སོ་ངོ་བ་ཀབ༌ཉི་ ཧང༌ཏེན་འཁྲིལ༌ལེ་ཁེ་ལེ་ཡ།
1ལོ་ན་ཆི་ལུ་ཆོ་ཁཱན་ ཕེ་ཝག་ཙ་བ་ཀ་ མ་བཱརག༌ཅོ། དག་པ་ཀབ་ཉི་ རོག་ན་ག་ ཨ་པ་གི་ཝ་པུརུས་ཀིན་ཨ་ཉི་ཞུའི། ཉི་ལོ་ན་ཟེ་མུ་ཆོ་ཁཱན་བ་ ནཱན་ག་ཀོ་ཏ་ད་བུ་ཙི། 2ལོ་ན་ཆི་ལུ་ཆོ་ཁཱན་ མེ་ཝག་ཙ་བ་ ནཱན་ག་ ཨ་མ་ཨ་ཉི་ཙི། ལོ་ན་ཟེ་མུ་ཆོ་ཁཱན་ མེ་ཝག་ཙ་བ་ ནཱན་ག་ ཨུ་ས་ཨ་ཉི་ཙི། ཉི་ན་ག་སེམས་ གནམ་མེད་ས་མེད་ ཙང་མ་ཚཱས༌པེ།
3གོད་ཁཱན་ཨི་བི་རང་མ་ཁཱན་ མོ་རེན་མ་བ་ཀ་ གུས་ཞབས་ཨའི། 4དག་པ་ཀབ་ཉི་ མོ་རེན་མ་ག་ཝག་ཙ་བ་ ཡང་ན་ལ་ ཚོ་ཚོ་མིན་ཏེ་ཆོ་ནེ་ལ་ ཆོས་གེ་ཤོ་ཝ་དང་ཏུ་ཉི་ གོ་རང་ རོག་ཏེ་བ་ཀི་ རང་ཏེན་ག་ ཕའི་ནང་ཀ་སོ་ངོ་ག་ བདག་འཛིན་ཨ་ལེ་ག་ ལམ་པེ་ཁེ༌ལེ། ཨོ་ཐེན་ཨ་ཉི་ རོག་ཏེ་བ་ཀི་ ཕ་མ་ག་དྲིན་ལམ་ཇོར༌པེ། ཉི་དཀོན་མཆོག་བུ་ གནམ་མེད་ས་མེད་ ཐུགས་བཞེས༌ལེ། 5བདག་འཛིན་ཨ་ཁཱན་ ཨི་བི་རང་མ་ཝ་ རོག་ཐུར་ཏེན་ཆོ་ཁཱན་ མོ་རེན་མ་ངོ་མ་གི་ དཀོན་མཆོག་གེ་ རེ་ཆ་ཨན༌ཅ། ཉི་ངམ་བི་ནང་མ་ཝ་ དཀོན་མཆོག་ག་ སྨོན་ལམ་ཏབ་ཉི་ རོ་ཀ་ཐུགས་རྗེ་གཟིགས་ཉི་ གནང་ཤོ་དག་ཉི་ ཞུན༌ཅ། 6དག་པ་ཀབ་ཉི་ སྤྲོ་བ་ཙི་ཉི་ཆོ་ཁཱན་ མོ་རེན་མ་ཁེ་པ་ གསོན་པོ་ཨ་ཉི་ ཆོན་ཐཱན་རང་གི་ནེ་བུ་ ཐུགས་ཉིད་ག་ཤི་ཝ་གི༌ལ། 7བཱརའ་གི་ རོག་ཏེ་བ་ཀ་ ཅོན་ཏག་པེ་མར་བེ་དེན་གེ་ ནཱན་གི་ རོག་ཏེ་བ་ཀ་ ཨོ་ཐ་བ་ཡེ་ཉི་བི། 8དག་པ་ཀབ་ཉི་ རང་ཏེན་ག་སོ་ངོ་བ་ བདག་འཛིན་མ་ཨ་ལཱན་ ཙོ་རང་ ཕའི་ནང་ཐུར་ག་ཆོ་ནེ་བུ་ མ་གོད་ནེ་ལ་ རོག་ཏེ་བ་ཀི་ དད་པ་ཨ་ལེ་ག་ ཐུབ་ཐ་ཝ་གི༌ལ། ཉི་ཨུ་ཉུ་ད་བུ་ སོ་ངོ་བ་ དད་པ་མ་ཨ་ཁཱན་བ་ཀེ་བུ་ མ་ལེག་པ་གི༌ལ།
9མོ་རེན་མ་ཉིང་ 60 གེ་ ལག་ཉི་དི་ཁཱན་བ་ ཕེ་ཝག་ཙ་ཐུར་ཀབ་ཉི་ ཆོ་ཝ་ཆོ་ནེ་ལ་ རོག་ཏེ་བ་ཀ་མིང་ མོ་རེན་མ་བ་ཀ་དྲེ་ཀ་ཙུག༌ཅོ། 10ཉི་རོ་ཀི་ལའི་ལེག་པུ་ ཨ་ཝ་ཨ་དེན་གེ་ སོ་ངོ་བ་ཀི་ གུས་ཞབས་ཨ་ཁཱན་ ཨོ་ཕེ་ཁེ༌ལེ། ཝག་ཙ་བ་ལེག་པུ་ཨན་ ཟོག་པེ་རིག་ཁཱན་ ཤི་མིན་བ་ཀ་ ཁབ་ཟང་ཨ་ཁཱན་ ཉམ་ཆུང་ཨ་ཉི་ བཱརའ་ཡི་ཤུ་པ་བ་ཀ་ ཕྱག་ཞུ་ཁཱན་དང་ སོ་ངོ་བ་ནང་དོག་པེ་གང་ཀ་ རུམ་ཁཱན་ ཉི་ཧ་ལ་རང་གི་ནེ་བུ་ ལའི་ལེག་པུ་ཨ་ཁཱན་ ཨོ་ཕེ་ཁེ༌ལེ། 11ཡོན་མ་ཨ་ཉི་རང་ཆོ་ཁཱན་ མོ་རེན་མ་བ་ཀ་མིང་ མོ་རེན་མ་བ་ཀ་ དྲེ་ཀ་མ་ཙུག༌ཅོ། ཧང་ཡ་དག་ནེ་ལ་ རོག་ཏེ་བ་ཀི་ གཉེན་ཏག་པེ་ག་སེམས་ཨ་ཉི་ ལུས་འབྲེལ་ཨ་ལེ་ག་ སེམས་ཨ་ཉི་ ཁིརིས་གེ་ ལམ་རིང་མུ་རི༌ལེ། 12ཉི་རོག་ཏེ་བ་ཀི་ གོ་མ་ རོག་ཀབ་ཉི་ ན་ཟ་ཝ་དང་ཏུ་ཉི་ མ་ཨ་ཝ་ཨ་དེན་གེ་ ཁྲིམས་ཉོང༌པེ། 13ཨུ་ཉུ་མ་ཚཱད་པ་ རོག་ཏེ་བ་ ཀ་ཤི་རིན༌ཅ། ཉི་གེ་ ཕའི་ཐུར་གེ་ཐུར་ག་དི་ཉི་ བཱརའ་ག་ལའི་ག་ཀོར་གེ་ཏྲོག་ཉི་ རོག་ཏེ་བ་ཀི་ ཨ་ལེ་མ་ན་ཁཱན་ ཆཱས་བ་ཨ་ཉི་ བཱརའ་ག་ཀོ་ཁ་ཨ་ཉི་རང་ རོག་ཏེ་བ་ཀ་དུས་ཙུན་ཆུམ༌ཅ། 14ཨོ་ཉི་ཨ་དེན་གེ་ ཇི་གི་ཨ་ནེ་ཏ་ ཡོན་མ་རང་ཆོ་ཁཱན་ མོ་རེན་མ་བ་ ལོག་ཉི་གཉེན་ཕིན་ཐཱན་ ཝག་ཙ་སིང་ཉི་ ཉི་རང་ཏེན་ག་ ཕའི་བདག་འཛིན་ཨ་ཉི་ ཆོ་ཝ་དྲག༌པེ། ཉི་ཤ་ ཨ་ཧ་དགྲ་བྱང་ཕིཤི་བ་ཀི་ ཨ་ཧ་ཀོར་གེ་ཆཱས་མ་ལེག་པ་ ཧང་རང་ཡེག་པེ་ག་ གོ་སྐབས་མ་ཉོང༌པ། 15ཧང་ཡ་དག་ནེ་ལ་ ཡོན་མ་ཆོ་ཁཱན་ མོ་རེན་མ་ཚེ་བང་ ལམ་ངཱད་ཉི་ སེ་ཏཱན་ག་ཚིང་ཚིང་ དི་ཝ༌ཅ།
16དད་པ་ཨ་ཁཱན་མེ་ཝག་ཙ་ག་ སོ་ངོ་བ་ཏེ་ མོ་རེན་མ་རི་ཝ་ཆོ་ནེ་ལ་ ཆོས་ཚོགས་ག་ཐུང་ཀ་ རོང་མ་ཀེ་བཱན་ རོ་ཀི་ ཨོ་ཉ་མོ་རེན་མ་བ་ཀ་ ཇ་རོ་ཨ་ལེ་ཁེ༌ལེ། ཉི་ཤ་ རང་ཏེན་ག་སོ་ངོ་ ཨི་བི་རང་མ་ཁཱན་ མོ་རེན་མ་ངོ་མ་བ་ ཆོས་ཚོགས་གི་ གོད་པེ་རེ༌བེ༎
ཆོས་ཚོགས་ག་འགོ་དཔོན༌བ།
17ལེག་པུ་ཨ་ཉི་དབང་ཁཱན་ ཆོས་ཚོགས་ག་སོ་ངོ་ཆི་ལུ་བ་ཀི་ གུས་ཞབས་ལོག་ཏབ་ཨ་ཉི་ ཉོང་པེ་ཁེ༌ལེ། ཙོ་ཙོ་རང་ གནམ་མེད་ས་མེད་ ཙ་དྲེག་ཉི་ ཆོས་གཏམ་བཤད་ཁཱན་དང་ ཡེ་ཁཱན་བ་ཀི་ གུས་ཞབས་ལོག་ཏབ་ ཉོང་པེ་ཁེ༌ལེ། 18ཧང་ཡ་དག་ནེ་ལ་ གསུང་རབ་གེ་ཤོན་ཅ་ བོང་ཚ་ཕེ་དེན་གེ་ ཀོ་ར་ཕི་ཁཱན་ ཏོ་ཀ་ག་ནོ་ཝང་ མ་དམ་ཅོ་#5:18 ཁྲིམས་ལུགས་ག་དཔེ་ཆ་ 25:4ཨ༌ཉི། ཉི་ཨོམ་ཆང་རང་ ལའི་པ་གི་ ཉི་དོག་པེ་ ཆོག་པེ་#5:18 ལུ་ཀ་ 10:7དག་ཉི་བུ་ཤོན༌ཅ། 19ཆོས་ཚོགས་ག་སོ་ངོ་ཆི་ལུ་ཀོར་གེ་ ཁ་ཏང་ནེ་ལ་ འཛོམས་དཔང་དཔང་བཞག་ཨ་ཁཱན་ སོ་ངོ་ཉིག་ཙིང་དང་སམ་ མ་ཝ་སག་པུ་ ཨོ་ཉ་ཆཱས་ག་ལོ་མ་དི། 20ཨི་བི་གི་ སྡིག་པ་ཨ་ཝ་ཐུར་ ཐམས་ཅན་ག་གུབ་ཀ་ ཇུར་ཇང་ཕི་ལེ་ཁེ༌ལེ། ཉི་ཤ་ བཱརའ་སོ་ངོ་བ་ཀི་ ཡོང་ཁེ༌ལེ།
21དཀོན་མཆོག་དང་ ཁིརིས་ཡི་ཤུ་ ཉི་རོ་ཀི་སི་ཁཱན་ ཞིང་ཁམས་ག་འཐེན་པ་བ་ཀ་ སྐུན་མདུན་ག་ ཇི་གི་ན་ག་ཡེ་ཁཱན་བ་དང་ཏུ་ཉི་ ཐུར་ག་བུ་ཁ་མ་ཨ་ལཱན་ ཉི་ད་སུ་རང་ ཉེ་རིང་མ་ཆི་ལཱན་ ཨའི་ཨ་ཉི་ཡེག༌ཅ།
22ཆོས་ཚོགས་ག་ འགོ་དཔོན་ཀེ་བེ་ག་ ཚབ་ཚབ་མ་ཨའི། བཱརའ་སོ་ངོ་ག་ སྡིག་པ་དྲེ་ཀ་མ་ནུ་ཕཱན་ ནཱན་ཙང་མ་ཨ་ཉི་ཆོའི།
23རི་ཐུར་ཤ་མ་ཇམ་ཤོ་ དག་པ་ཀབ་ཉི་ ནཱན་མར་ཉི་རང་ ཆོ་ཝ་ཨ་དེན་གེ་ ན་ག་ཕོ་ལང་ག་དེན་གེ་ ཞུ་བུ་ད་ཟེ་རེ་ཇམ་ཤོ།
24སོ་ངོ་ཚེ་བང་ག་ སྡིག་པ་ཡ་ལུ་ཨ་ཉི་ཐོང༌ཅ། ཉི་རོག་ཏེ་བ་ཀ་ ཁྲིམས་ཅཱད་པེ་གི་ལ་ཨ་ཉི་ ཐམས་ཅན་གི་སེན༌ཅ། དག་པ་ཀབ་ཉི་ སོ་ངོ་ཚེ་བང་ག་སྡིག་པ་ཤོ་ ཇུ་ཀ་ཨ་ཉི་ཤ་ཐོང༌ཅ། 25ཨུ་ཉུ་པུརུས་ཀིན་ཨ་ཉི་ ལའི་ལེག་པུ་ཨ་ཁཱན་བ་བུ་ ཡ་ལུ་ཨ་ཉི་ཐོང་མེ་རེ༌ཅ། ཉི་མ་ཐོང་ཁཱན་བ་བུ་ གུམ་ཉི་རང་ཐ་ལེ་མར༌བ།
Currently Selected:
དང་པ་ཏི་མོ་ཐི། 5: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
