1 Zãn 1

Yiezu ɛ́ temu iè lèpe Bienù lɛ wóò lɛ́ lé mɛkɛ̃nì

1Àpe lɛ hàarí wi yán hɔ̀ bòo míkùi fiì ɓánlén, àpe lɛ ɛ́ ké ɲɛ́ bòo ɛ̀ kè lò mɔn àá ké kùrú yìe, àpe lɛ ɛ́ ké ɛ́ húie ɛ̀ kè lò han nin àá ké kùrú níhĩ́: ápe ɛ́ temu iè lè Bienù lɛ ɛ́ wóo lɛ́ lé mɛkɛ̃nì. 2Ápe lɛ wóò lɛ́ lé mɛkɛ̃nì ɛ́ hàarí ɓɛrɛ zɛ̃́niɛ míte àá kie ɛ́ ké mɔn, ɛ́ ké dàa ɛ́ piè bòo ɛ̀ bie; ké den ɛ́ lèpe mɛkɛ̃nì lɛ ɛ́ yá vé bòo ɛ̀ buie ɛ̀ lɛ́ miɛ ǹ. Àpe ɛ́ hàarí ɛ́ wi e Yàá Dɔfĩn viì, kɛ́ kɛ̀a sáalɛ ɛ́ hɔ́pe Dɔfĩn ɛ́ den zɛ̃́niɛ ɔ̀ ɛ́ lɛ́ kie ǹ. 3Ɛ́ hɔ́pe lɛ ɛ́ ké ɲɛ́ àá hɔ́pe lɛ ɛ́ ké mɔn iè pe ɛ́ ké ɓiɛ̀ ɛ́ buie ɛ̀ lɛ́ miɛ ǹ bòo lɛ ɛ́ wé ɛ̀ mìpe ɛ̀ ɓiɛ̀ cɛɓán àá kie kɛ̀a bòo lɛ ɛ́ képe dàa canɓán àá ɔ́ Yàá Dɔfĩn àá mí Zuú Yiezu Kirisa. 4Ɛ́ ké den ɛ́ hɔ̀pe lɛ ɛ̀ wĩ́ ɛ̀ lɛ́ miɛ ǹ bòo lɛ ɛ́ wé ɛ̀ kè tĩwiɛ̀ dàá ɲunù tí.

Hɔ̀ ńvɛ hɔ ńpiemu hũn bòo

5Ɛ́ lépe bienù lɛ ɛ́ ké ɲɛ́ ápe Yiezu Kirisa viì, lɛ lò iè lèpe lɛ ɛ́ ké ɛ́ buie ɛ̀ lɛ́ miɛ ǹ ɛ́ iè lè lɛ: Dɔfĩn ɛ́ iè ńpiemu, ɛ́ hɛ̀rí síbínú ɛ́ mí Hɔ̀ ǹ wɛ̀. 6Kɛ́ ké ɓen wóò nɛ ké canɓán àá Dɔfĩn kɛ́ ké lò den ɛ́ vɛ hɔ síbínú hũn, hɔ́rɔsí ɛ̀ kè iè ɓɔ́ɓúukɛriè, ɛ̀ ké yá hɔ̀ bɔ̀berà bòo ɛ̀ wé wɛ̀. 7Kɛ́ ké ɓen ɛ́ vɛ hɔ ńpiemu hũn kɛ̀a bòo lɛ ɛ́ hɔ́pe Dɔfĩn míte ǹ ɛ́ dàa wi hɔ ńpiemu hũn, hɔ́rɔsí ɛ̀ kèpe àá ké nì-cóohɛ̃ ɛ́ den wo canɓán, ɛ̀ piè Zuú Yiezu Kirisa cãani ɛ́ den wo ɛ́ kè bɔ̀koohɛ̃ míkùi ɛ̀ tiɛ ɛ̀ lé ké lɔ̀n.

8Kɛ́ ké ɓen nɛ ke bɔ̀koohɛ̃ ɛ́ mí, hɔ́rɔsí ɛ̀ kè iè bìe ɛ́ kète ɛ̀ khɛ̃̀níkɛ, ɛ̀ bɔ̀berà dɔ̀ ɛ́ mínɛ kie ǹ wɛ̀. 9Kɛ́ ké ɓen tɛ̀ dũnɛ kè bɔ̀koohɛ̃ lɛ ɛ́ ké wɔ́ bòo ɛ́ bie Dɔfĩn híɛhɔ́, ɛ́ Hɔ́ ɛ́ dé sɛ́wɛ́rí ɛ́ lɛ́ kiè ǹ kè bɔ̀koohɛ̃ bòo hũn, ɛ̀ Hɔ̀ ɛ́ tiɛ ke bɔ̀lìɛhɛ̃ míkùi ɛ́ lé ké lɔ̀n; iè hɔ̀ lɛ ɛ́ Hɔ́ iè Dɔfĩn lɛ ɛ́ cã̀aní ɛ̀ Hɔ̀ wóo wé hɔ́ bòo lɛ ɛ́ Hɔ́ bie nɛ mii wé. 10Ɛ̀ kɛ́ ké ɓen nɛ ké yí wé bɔ̀koohɔ́, hɔ́rɔsí ɛ̀ kè iè bìe ɛ́ Dɔfĩn ɛ̀ wé àá ɓɔ́-ɓúukɛ, ɛ̀ piè bienù ɛ́ mí kie ǹ wɛ̀.

Currently Selected:

1 Zãn 1: bwj

Highlight

Copy

Compare