ESAY 39

Waŋ Babilon laa jar wo see Esekiyase

1De ngar ngel sen ni Merodog-Baladan je ni Baladan, waŋ Babilon raw ɓoʼ leeder le ne Esekiyas de mopo ma hãge ne hẽn ni lay wer maga á hay laa re cege ɓen wo de pẽẽge maga á pẽẽ go mono. 2Ɓil Esekiyas raw joŋge go fehe. Se raw kaŋ nen jar maga à laa ra le go ti ngel maga fẽẽre ma de ɗúun wo, solayn de boo biŋnin wo ɓuy de fẽẽre maga hay wo ɓi tiŋ horog ɓen wo ɓuy ni mono. Mopo gwaʼ liŋ ni Esekiyas noga ti ngel ɓe po layblaʼ ga se kaŋ nen ɓaara go ti ɓe gà gwaʼ gà hase.

3Esay je ndar nen wããre Baan raw age blam sen see waŋ Esekiyas day wiin ga : Jar sen wãã wo gahãyla? Day á a wo le nà gen see ɓo mo la? Esekiyas raw ferge ga : Á a wo see ɓi le ti sir ma hãã, le Babilone. 4Esay day pa ga : Á ko wo mayse liŋ ni ɓo mo la? Esekiyas raw ferge ga : Á ko wo fen maga liŋ ni ɓi go ɓuy, fen po ɓil tiŋ horog ɓin ga ndi kaŋ nen ɓaara go ni gà bay wa.

5Esay day so ga : Laa wããre mani Manwur Pantwayn so! 6Ko so ga wur a ge yaŋ day à hoo ge fẽẽre ma liŋ ni ɓon wo de maga pããre ɓo hay tay wo ra le hãã wara yaŋ wo go Babilone, fen po gwaʼ ge la ni gà hase. Wããn diŋ Manwuri. 7À hag ge weere ɓo maga laa wo le go ɓil ɓo, ga ndo hay biŋ ra wo yaŋ go ciŋ. Á ndar ge ɓay ɓaara yaŋ go ma joŋ peele liŋ ni waŋ Babilone. 8Esekiyas raw ferge ne Esay ga : Wããre Manwur maga ndo wããn de ele, werga jam wo de fruygi joŋ ge wo mbaara yaŋ nen tenen ɓi ɗa mono.

Currently Selected:

ESAY 39: TUP

Highlight

Copy

Compare