ESAY 12
12
Siŋ ma togoɗ Baa
1Ndo wãã ge yaŋ ti wur sen ga :
Manwuri, ndi maŋ ti ɓo ciŋ!
Werga ndo hay caa jiili go me ti day patala ɓil ɓo fug go me ti,
ndo fer we teŋ nen ɓi.
2Kidolgi ndo diŋ Baa ma yãã mege no,
ndi joŋ ge mbi yaŋ de coɓge so.
Hẽẽne joŋ ge ndi gà so doo ga Manwuri,
Manwur diŋ egre ɓi no,
diŋ fen ma nen siŋ ɓi no á diŋ je ma hã pẽẽge ne ndi no.
3Nday ɗaage bii yaŋ jag de feg jag gedel pẽẽgen wo.
4Day nday wãã ge ti wur sen ga :
Togoɗ we Manwuri, ɗe we ɗúu ɓe!
Naa we nen joŋre ɓe ma kluurin wo go yoo wer jar wo ra!
Fer we ɗig ti ga ɗúu ɓe diŋ ɗúu maga daŋ go!
5ʼWaa we siŋ ma maŋ ti Manwur ciŋ,
werga á joŋ fẽẽre ma ngil jar wo :
Daga tamsir ɓuy mo ko wo ra go!
6ʼWad war fruygi wo de war blum,
ndo wãy ma de tiŋ ti Siyoŋ no!
Werga je ma bay ɗag ma Israyeln kluu ni ɓo.
Currently Selected:
ESAY 12: TUP
Highlight
Copy
Compare
Share
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.
