Rum 16
16
A Pul ivr ip'as anr m'ertu kinkin arna sas
1Kana nrn ti p'evrp'ep'ei a kam'i a ti a Vipi iv'i a v'nd, kav'i tav'et na m'akariena sas iter a nut a Kenkria. 2Nrn ti kam'i pavlav'i arna nahan a Mlin Lilad, inep'a nut iviviln a ti m'ertuan Atua apavani ipanap'ei, kavmhmah ani arna si udlani hin irni. Sena ti hin itmhmah sarei a m'ertu istudau, kamhmah a kana ml.
3 #
Parei 18:2. Nvr ip'as an a Prisila m'ei Akuila, arsr lm'ak arna parian a Kristu Iesu. 4Hir nut pa ti arpep'nr sena ti arrn ti aparlev'la silv'ienak arna der. Nrn ti p'evr ip'as anr sanan, v'eti iav'i kana uaki, v'eti sasar v'anudl udlani avvr ip'as anr. 5Nvr ip'as a sas iter al nmahar.
Nvr ip'as an a Epainetas la nlap'as ani istudau ha. Hin iv'i dui iv'ah a Kristu itauamu arna nut Akaia. 6Nvr ip'as an a Meri la im'akar istudau sanam'em' ha. 7Nvr ip'as anr Adrunikas m'ei a Sunias, arlak arna nl nam'elak karlak m'a kana al p'resin tituei. Hir nahar iv'a eia m'er apusel karv'i Kristin naran kana ndav'ah a Iesu.
8Nvr ip'as an Amplias, nlap'as ani aranan a Mlin Lilad. 9Nvr ip'as an a Urpanas, isr lm'am'em' arna parian a Kristu, kavr ip'as an a Stakis la nlap'as ani ha. 10Nvr ip'as an Apeles, la itv'iv'en sera ti iv'i m'ertuan a Kristu ha, kavr ip'as anr m'ertu udlani avlak al nmahan Aristupulas. 11Nvr ip'as an a Erutian, iv'i nl nam'elak, kavr ip'as anr m'ertuan a Mlin Lilad udlani la avlak al nmahan a Nasisas ha.
12Nvr ip'as an a Travina m'ei a Travusa, la arm'akaran a Mlin Lilad ha, kavr ip'as an a Pesis im'akaran a Mlin Lilad istudau. 13#Mak 15:21.Nvr ip'as an a Ruvas, iv'i dui lil iamk arna nahn a Mlin Lilad, kavr ip'as an a unian, hin iv'i a uniak. 14Nvr ip'as anr Asinkritas, a Vlekun, a Emas, a Patrupas, a Emis, m'er tv'ald udlani avlak m'er. 15Nvr ip'as an a Vilulukas m'ei a Sulia, a Nerias m'ei a v'nn, m'ei a Ulimpas m'er m'ertuan Atua udlani avlak m'er.
16Kam'i udlani pavvr ip'as kavkis m'a kam'i, sena ti kvv'i tiamk arna vtmienan Atua. Sasan a Kristu udlani avvr ip'as a kam'i.
Mavp'lt m'er m'ertu avani ti sas itupr hin
17Artv'alk, kana nmiman a kam'i ihua a ti pavp'a mamh m'ertu avani ti sas ipatupr hin, kavani ti m'ertu avrars, ahavsapa v'nen atv'iv'en sarei a kam'i. Kam'i mavp'lt m'er. 18Sena ti m'ertu avnap'i lera ahavm'akaran a Mlin Lilad a Iesu Kristu, v'eti avm'akar sena v'atr uaki, kavhap'il m'er m'ertu ahavrndu sei arna v'nen la avv'ah ti ip'as ha, kavv'ana mamh m'er. 19M'ertu udlani atvrn sera ti kam'i kvsapa mamh v'nen p'as. Kana nrn ip'as a kam'i istudau sanan. V'eti nrn ti kam'i pavrndu mamh si p'as, v'eti mavrndu navanel stu. 20Ikap'arei, Atua iv'i Mlin na tamat, hin ipani ti kam'i pavutakm an a Sitan kavpasi.
Nrn ti vtmienan a Mlin Lilad a Iesu Kristu ipater asnm'i. Amen.
Tv'aln a Pul kinkin avvr ip'as anr m'ertu avlak arna sas a Rum
21 #
Parei 16:1. Hin a Timuti, nrv'i tiamk arna parei, m'er a Lusias, a Sesun, a Susipata avv'i nl nam'elak, avvr ip'as a kam'i.
22Kana, nv'i a Tasias, nulul a v'nenan a Pul arna ruplet laha, nvr ip'as a kam'i kap'lt m'a kam'i asn a Mlin Lilad.
23 #
Parei 19:29; 1 Kurin 1:14;
2 Tim 4:20. Hin a Kaias, ilev' kana nlak al nmahan, m'a sas udlani, avvr ip'as a kam'i. Erastas, iv'i dui ip'aur nav'et arna v'anu, m'ei a Kuatas, iv'i tv'ald, hir arvr ip'as a kam'i. 24Nrn ti vtmienan a Mlin Lilad a Iesu Kristu ipater asnm'i udlani. Amen.
Nahan Atua ipav'a eia
25Atua nut huan iak a ti ipani ti pavp'tir arna v'nen p'as nvrp'ep'ei, ivrur a Iesu Kristu. V'nen p'as lera ivrp'ep'a sei itutuah, naran nadep' idahei dav'a ier hilaha. 26V'eti hilaha Atua, la ilak nakl ha, iani ti ima arna nut m'auar arna sei dui na v'nenan avulul ani, kataui a ti apavvrp'ep'ei arna v'anu udlani a ti apavsapa v'ahien p'as. 27Atua, Hin uaki irndu sei. Nrn ti nahan ipav'a eia aranan a Iesu Kristu ikahiris naran. Amen.
Currently Selected:
Rum 16: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia