Revelesen V'nen ivrur puk laha, nahan iv'i Revelesen
V'nen ivrur puk laha, nahan iv'i Revelesen
?Hin ak iulul a puk laha?
A Sun iulul a puk laha (Revelesen 1:4, 9). A Sun lera isapei a Iesu, kav'i apusel iamk.
?Iulul a puk laha v'aran?
A Sun iulul a puk laha naran kinkin itudina hin arna pai iv'i 90 AD* dav'a kaier pai iv'i 95 AD* (*pai iv'i 90 ier pai iv'i 95 itauatah a naran a ti a Iesu ima arna nadep' ka).
?Puk laha iv'a asn hin ak?
Iv'a asnr m'ertu avlak arna sas arna naran lera. V'eti sei nvv'ana aranan iv'i sei ier nakd.
?M'ertu iulul a puk laha iani sena v'ata?
A Sun iulul ani sena ti irn ti ipavrp'ep'a sei a Iesu Kristu iv'iv'en ani. A Iesu itm'alet sarei arna nut eia, v'eti enselan iamk iv'ana m'ei a Sun, kavrur sei istudau. A Iesu iv'ana, kavr ti a, “Nakm pulul a si udlani klei, sei itu hin hilaha, m'a sei ipatu hin ipatauatah.” (Revelesen 1:19).
A Iesu ivrp'ep'a v'nen iv'a asnr sas arna nut a Esia. Imhmah anr arna si kinkin, kav'ana hua m'er arna si uraur.
Sarei, ivrur sei ipatu hin uam.
?Puk laha iv'iv'en v'ata a nakd?
Ihua a ti p'vrndu si udlani a Iesu ivrp'ep'ei, v'eti p'vrndu ti a Mlin Eia ikahap'il. Hin ipav'iv'en si udlani anr m'ertuan, arna naran viviln.
Arna puk laha, ensel ivrur a Sitan, kavrur ti a Mlin Eia iparpi naran uam.
A Iesu ivrur nut eia, kavrurr m'ertu atv'lak sarei arna nut eia.
Ivrurr ensel, m'er m'ertu arna nut eia, avpata nahan Atua.
Pvv'ana arna v'nen udlani lera, kavrndu ti a Mlin Eia irndu si udlani. Nakd p'vsapei kavv'ahi uaki.
Nkavtu v'nenad arna v'nenan a Iesu. Nkavlev'la v'nenan a Iesu kinkin. Nvla si lera arna Revelesen 22:18-19.
Currently Selected:
Revelesen V'nen ivrur puk laha, nahan iv'i Revelesen: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia