Livai V'nen ivrur puk laha, nahan iv'i Livai
V'nen ivrur puk laha, nahan iv'i Livai
?Hin ak iulul a puk laha?
M'ertu iulul a puk laha iv'i a Musis.
?Iani v'aran?
A Musis iani, itauatah a naran a ti a Mlin Eia ilev'lar arm'ertu a Isrel dan arna v'anu a Itsip (1,440 BC – pai iv'i 1,440 itauamu a naran a ti a Iesu ima arna nadep' ka).
?Puk laha ivrur v'ata?
Sena ti arm'ertu avlak pai inelnal iv'av'a (400) arna v'anu a Itsip, ahavrndu mamh navanel a ti apavpatei Atua. Sena si lera, a Mlin Eia itu v'nen hua kinkin anr, a ti apavan sei iviviln arna nahn.
Ivrur navanel a ti apavan sakrivais nakl, kavrur parei arpris apavani, kavrur sei apavhani nakl, kavrur sei apavani naran m'ertu im'at.
Sarei, ivrur sei apavani a ti apavmhmah anr m'ertu uraur, a ti nahan Atua ipav'a eia.
?Puk laha iv'iv'en v'ata a nakd?
Naran apav'ana arna puk laha, ip'as a ti aparndu ti v'nen hua, la ivrur sakrivais ha, m'a v'nen hua, la ivrur tim'ah akahani ha, iv'i v'nen hua nakd nkavsapei inep'a nut hir avsapei inap'ei, sena ti a Iesu Kristu itam'a sarei sena si stuar arm'ertuan. Hiniv'i sakrivais ip'as kasiv'r sakrivais udlani, la avani itauamu ha (Isrel 10). Naran M'im'iln P'as iv'ana m'ei a P'ita, iv'iv'en ti nkavv'ahur parndau a v'nen hua ier tim'ah ml, inep'a nut arm'ertu a Isrel avani inap'ei, itauamu a ti a Iesu ima arna nadep' ka kadam'a sena si stuar arm'ertuan.
V'eti mkavv'ah ti mkavan si p'as a m'ertu. Ihei, p'vvani pr. Ipanap'i lera, Atua iparnipap'as a nakd.
Currently Selected:
Livai V'nen ivrur puk laha, nahan iv'i Livai: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia