Livai 14
14
Sei apani naran m'etien iv'i lep'ersi iruh asn m'ertu
(Matiu 8:1-4; Luk 5:12-14)
1Sarei, a Mlin Eia iv'ana m'ei a Musis, kavr ti a, 2#Mat 8:4; Mak 1:44; Luk 5:14; 17:14.“V'nen hua laha ier m'ertu lep'ersi iuei, arna napn a ti ipama kaviviln ml arna nahn a Mlin Eia: Apauirv'a m'ertu nen asn pris. 3Sarei, pris ipav'a av'aran na nut arm'ertu avhl nmah kanuis, sarei, pris ipap'a mamh m'ertu nen. Ipavr ti lep'ersi lera itruh sarei asn m'ertu lep'ersi iuei, 4pris ipav'ana hua, kavr ti apalev' si kinkin asn m'ertu, la irn ti ipaviviln ml arna nahn Atua ha. Apalev' m'anh aparru (aparsilv' uam, karv'i m'anh viviln), m'a nai iv'i sita, m'a kalik m'iel, m'a rana nai iv'i isup.
5Sarei, pris ipav'ana hua, kavr ti apatu m'anh lera ipamk al dis aani a vdrei, kasilei al nauei irarev', karpep'ni. 6Sarei, ipalev' m'anh la isilv' uam ha, m'a nai iv'i sita, m'a kalik m'iel, m'a rana nai iv'i isup, kadi si lera m'a m'anh, la isilv' uam ha, al di m'anh la atrp'n sarei al naui rarev' hara. 7Sarei, ipavisen din arna m'ertu irn ti ipaviviln ml arna nahn a Mlin Eia, ipani ipav'asaru. Sarei, ipavrp'ep'a ti iviviln arna nahn a Mlin Eia. Sarei, ipatu m'anh la isilv' ha arna m'lden, ipatetv karuh. 8M'ertu irn ti ipaviviln ml arna nahn a Mlin Eia ipasila klusan, kakr niln udlani, sarei kavav al nauei, a ti ipaviviln arna nahn a Mlin Eia. Itauatah a si lera, ipav'a arna nut arm'ertu avhl nmah kanuis, v'eti ipalak av'aran na nmah kanuisan napn ipasaru.
9Sarei, arna napn saru, ipakr nil ptn, m'a hmn, m'a nila m'aten. Ipakr niln udlani. Ipasila klusan, kavav al nauei. Sarei, ipaviviln arna nahn a Mlin Eia. 10Sarei, arna satl na napn, ipalav'r net sivsiv (pua nen) iru, akarstu arna nut kinkin, sarei kalev' net sivsiv (prapar nen), paian idahmk, ikastu arna nut kinkin. Sarei, ipalev' vlaua p'as (lita nen ipalm'sei) auhei m'a ueil, ipav'i uvrin iv'i uit. Sarei, ipalev' ueil kinkin. 11Sarei, pris, la ipani ti ipaviviln arna nahn a Mlin Eia ha, ipani ti m'ertu nen, la irn ti ipaviviln ha, m'er si udlani lera, apavp'tir a karliu na nmah kanuis na tamatan Atua, arna nahn a Mlin Eia. 12Sarei, pris ipalev' net sivsiv, iv'i pua nen, kataui ipav'i uvrin sena si stu ier m'ertu uraur. Sarei, ipalev' ueil lahara, kauadei eia, kasran lm'an eia m'ei, iv'i uvrin la asran lm'a natei eia m'ei ha, arna nahn a Mlin Eia.
13Sarei, ipatrp'n net sivsiv arna nut itrp'n uvrin sena si stu m'a uvrin aali nakl, al nutet. Sena ti uvrin sena si stu iv'i nkan a pris, sarei uvrin sena si stu ier m'ertu uraur inap'amk uaki, iv'i nka pris ml. Ipav'i si p'as ipamk. 14Sarei, pris ipalev' pna di si slm iv'i uvrin sena si stu ier m'ertu uraur, kataui arna nut eia na drl m'ertu irn ti ipaviviln ml, arna m'ldaun, sarei, kataui arna prh lil na lm'an arna m'ldaun, kataui arna prh lil na tln arna m'ldaun. 15Sarei, pris ipalev' pna ueil, kahsrani al lm'an, arna m'ir nen. 16Sarei, ipadi nirh lm'an arna m'ldaun al ueil la iter al lm'an arna m'ir nen. Sarei, ipavisen pna ueil lera m'a nirh lm'an ipav'asaru, arna nahn a Mlin Eia.
17Sarei, pris ipalev' pna ueil la iter al lm'an uam, katu pnen arna nut eia na drl m'ertu irn ti ipaviviln ml, arna m'ldaun, sarei, kataui arna prh lil na lm'an arna m'ldaun, kataui arna prh lil na tln arna m'ldaun, sarei katu pnen arna uvrin sena si stu ier m'ertu uraur. 18Sarei, pris ipalev' duana ueil al lm'an, kahsrani arna pt m'ertu irn ti ipaviviln ml arna nahn a Mlin Eia. Inap'i lera, pris ipani ti ipalak arna tamat m'ei Atua, ipani arna nahn a Mlin Eia. 19Sarei, pris ipatu uvrin sena si stu. Ipanap'i lera, ipani ti m'ertu istu arna nahn a Mlin Eia ipaviviln ml. Sarei ml, ipatrp'n uvrin aali. 20Pris ipatu uvrin aali m'a uvrin iv'i uit arna tiv' na sakrivais. Ipanap'i lera, pris ipani ti ipalak arna tamat m'ei Atua, ipaviviln ml.
21V'eti, ipavr ti m'ertu nen sian ihei, iarndu ti ipalev' si lera nakl, ipalev' net sivsiv (pua nen), ipav'i uvrin sena stu, apasran lm'a natei eia m'ei, a ti apani ti ipalak arna tamat m'ei Atua. Ipalev' vlaua p'as (lita nen iru), auhei m'a ueil, ipav'i uvrin iv'i uit, m'a ueil kinkin, 22m'a navimar aparru, v'aha vntau pa aparru, aparp'as ipanep'a nut hin irndu ti ipuli ipanap'ei. Nki ipamk ipav'i uvrin sena si stu, tv'aln ipav'i uvrin apali.
23Sarei, ipauirv'a asn pris arna satl na napn, a ti ipama kaviviln ml arna nahn a Mlin Eia. Ipama a karliu na nmah kanuis na tamatan Atua, arna nahn a Mlin Eia. 24Sarei, pris ipalev' net sivsiv, ipav'i pua nen, kataui ipav'i uvrin sena si stu ier m'ertu uraur. Sarei, ipalev' ueil lahara, kauadei eia, kasran lm'an eia m'ei, iv'i uvrin la asran lm'a natei eia m'ei ha, arna nahn a Mlin Eia. 25Sarei, pris ipatrp'n net sivsiv, iv'i uvrin sena si stu ier m'ertu uraur. Sarei, pris ipalev' pna di si slm iv'i uvrin sena si stu ier m'ertu uraur, kataui arna nut eia na drl m'ertu irn ti ipaviviln ml, arna m'ldaun, sarei, kataui arna prh lil na lm'an arna m'ldaun, kataui arna prh lil na tln arna m'ldaun. 26Sarei, pris ipalev' pna ueil, kahsrani al lm'an, arna m'ir nen. 27Sarei, ipavisen pna ueil la iter al lm'an arna m'ir nen ha, m'a nirh lm'an arna m'ldaun. Ipani ipav'asaru, arna nahn a Mlin Eia.
28Sarei, pris ipalev' pna ueil la iter al lm'an uam ha, katu pnen arna nut eia na drl m'ertu irn ti ipaviviln ml, arna m'ldaun, sarei, kataui arna prh lil na lm'an arna m'ldaun, kataui arna prh lil na tln arna m'ldaun, sarei katu pnen arna uvrin sena si stu ier m'ertu uraur. 29Sarei, pris ipalev' duana ueil al lm'an, kahsrani arna pt m'ertu irn ti ipaviviln ml arna nahn a Mlin Eia. Ipanap'i lera, pris ipani ti ipalak arna tamat m'ei Atua, ipani arna nahn a Mlin Eia.
30Sarei, ipatu navimar ipamk, v'aha vntau ipamk, ipav'i uvrin, ipanep'a nut irndu ti ipuli ipanap'ei. 31Ipavr ti irndu ti ipuli, ipatu ki ipamk ipav'i uvrin sena si stu, sarei, tv'aln ipav'i uvrin apali. Ipataur m'a uvrin iv'i uit. Ipanap'i lera, pris ipani ti m'ertu la irn ti ipaviviln ml ha ipalak arna tamat m'ei Atua, arna nahn a Mlin Eia.
32V'nen hua laha ier m'ertu iak a nadei iv'i lep'ersi, v'eti iarndu ti ipul si slm la m'ertu avuli nakl a ti apavrama kavp'as ha.”
33Sarei, a Mlin Eia iv'ana m'ei a Musis m'ei a Erun, kavr ti a, 34“Naran ktvier sera v'anu a Kenan, la nttu sarei a kam'i a ti ipav'i nkam'i ha, sarei, ntu m'etien iv'i lep'ersi al nmah iamk arna v'anu la iv'i nkam'i ha, 35ipavr ti m'ertu iak a nmah lera iv'a asn pris, kavr ani, kavr ti a, ‘Nv'ah ti m'etien kinkin iter al nmah.’ 36Laha pris ipav'ana hua, kavr anr ti apavlev'la si udlani al nmah, ipatauamu a ti pris ipav'a a ti ipap'a mamh m'etien. Ipanap'i lera, si udlani al nmah ikahma kastu arna nahn a Mlin Eia. Sarei, pris ipav'a kap'a mamh nmah.
37Sarei, ipap'a mamh m'etien. Laha, ipavr ti m'etien iter arna naml na nmah eim, inep'a ti ala ti ihshsen v'aha im'iel, sarei, kadav'a a nl naml, 38pris ipav'a av'aran, kadav'a a karliu na nmah. Sarei, ipakada liu na nmah napn ipasaru. 39Sarei, pris ipam'alet arna napn saru, kap'ep'ei ml. Ipavr ti m'etien itv'el kaier nut uraur arna naml na nmah eim, 40pris ipav'ana hua, kavr ti apavlev'lar nav'et, la m'etien iak aranar ha, kavsranr arna nut stu av'aran na v'anu lil. 41Sarei, ipani ti apavhrhar nut eim al nmah, arna nut udlani. Sarei, apavsran tkv nen (la avlev'lei ha) arna nut stu av'aran na v'anu lil. 42Sarei, apavlav'r nav'et ururaur, kavtaur a m'lna nav'et avrater itauamu, kavlev' simen uraur kavan mamh nut eim al nmah.
43Laha, ipavr ti m'etien im'alet kaier nut uraur arna nmah, naran atvlev'la sera nav'et, katvhrhar sera nut eim al nmah, katvtu sera simen ml, 44pris ipam'alet ml kap'ep'ei ml. Ipavr ti ila ti m'etien itier sera nut uraur arna nmah, iv'i lep'ersi la isilv' uam al nmah ha. Ipastu arna nahn a Mlin Eia. 45Sarei, ipakapapr nmah, m'a nav'et nen, m'a nai nen, m'a simen udlani arna nmah, sarei, ipalev'la si lera udlani, kataur av'aran na v'anu lil, kasranr arna nut stu. 46Sarei ml, ipavr ti m'ertu kinkin ipav'a eim al nmah, naran atkada sera liu, hin ipastu arna nahn a Mlin Eia ipaier lihat. 47M'ertu im'atr al nmah ipasila klusan pr. M'ertu ihan tim'ah al nmah ipasila klusan pr.
48V'eti, ipavr ti pris ipav'a eim, sarei, kap'a mamahi, kala ti m'etien idaier nut uraur al nmah, naran attu sera simen aranan ml, pris ipavrp'ep'a ti nmah iviviln arna nahn a Mlin Eia, sena ti m'etien ithiris. 49Sarei, ipalev' m'anh aparru, m'a nai iv'i sita, m'a kalik m'iel, m'a rana nai iv'i isup. 50Sarei, pris ipatu m'anh lera ipamk al dis aani a vdrei, kasilei al nauei irarev', karpep'ni. 51Sarei, ipalev' m'anh la isilv' uam ha, m'a nai iv'i sita, m'a kalik m'iel, m'a rana nai iv'i isup, kadi si lera m'a m'anh, la isilv' uam ha, al di m'anh la itrp'n sarei a nv' naui rarev' hara. Sarei, ipavisen din arna nmah ipav'asaru. 52Ipanap'i lera, naran ien si lera m'a di m'anh, m'a naui rarev', m'a nai iv'i sita, m'a rana nai iv'i isup, m'a kalik m'iel, ipani ti nmah ipaviviln arna nahn a Mlin Eia. 53Sarei, ipatu m'anh la isilv' ha arna m'lden, arna nut av'aran na v'anu lil, ipatetv karuh. Ipanap'i lera, ipani ti nmah ipalak arna tamat arna nahn a Mlin Eia, kaviviln.
54V'nen lera iv'i v'nen hua ier nadei iv'i lep'ersi, m'a nadei im'am'a kav'i lep'ersi. 55Iv'i v'nen hua ier klus lep'ersi iter aranan, m'a nmah lep'ersi iter aranan. 56Iv'i v'nen hua ier p'ak m'ertu, naran im'iel, v'aha nadei iak v'eti itm'am'a sarei, v'aha ieren. 57Iv'i sena ti aparndu ti v'ata istu arna nahn a Mlin Eia, m'a v'ata iviviln uaki. V'nen laha iv'i v'nen hua ivrur lep'ersi.”
Currently Selected:
Livai 14: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia
Livai 14
14
Sei apani naran m'etien iv'i lep'ersi iruh asn m'ertu
(Matiu 8:1-4; Luk 5:12-14)
1Sarei, a Mlin Eia iv'ana m'ei a Musis, kavr ti a, 2#Mat 8:4; Mak 1:44; Luk 5:14; 17:14.“V'nen hua laha ier m'ertu lep'ersi iuei, arna napn a ti ipama kaviviln ml arna nahn a Mlin Eia: Apauirv'a m'ertu nen asn pris. 3Sarei, pris ipav'a av'aran na nut arm'ertu avhl nmah kanuis, sarei, pris ipap'a mamh m'ertu nen. Ipavr ti lep'ersi lera itruh sarei asn m'ertu lep'ersi iuei, 4pris ipav'ana hua, kavr ti apalev' si kinkin asn m'ertu, la irn ti ipaviviln ml arna nahn Atua ha. Apalev' m'anh aparru (aparsilv' uam, karv'i m'anh viviln), m'a nai iv'i sita, m'a kalik m'iel, m'a rana nai iv'i isup.
5Sarei, pris ipav'ana hua, kavr ti apatu m'anh lera ipamk al dis aani a vdrei, kasilei al nauei irarev', karpep'ni. 6Sarei, ipalev' m'anh la isilv' uam ha, m'a nai iv'i sita, m'a kalik m'iel, m'a rana nai iv'i isup, kadi si lera m'a m'anh, la isilv' uam ha, al di m'anh la atrp'n sarei al naui rarev' hara. 7Sarei, ipavisen din arna m'ertu irn ti ipaviviln ml arna nahn a Mlin Eia, ipani ipav'asaru. Sarei, ipavrp'ep'a ti iviviln arna nahn a Mlin Eia. Sarei, ipatu m'anh la isilv' ha arna m'lden, ipatetv karuh. 8M'ertu irn ti ipaviviln ml arna nahn a Mlin Eia ipasila klusan, kakr niln udlani, sarei kavav al nauei, a ti ipaviviln arna nahn a Mlin Eia. Itauatah a si lera, ipav'a arna nut arm'ertu avhl nmah kanuis, v'eti ipalak av'aran na nmah kanuisan napn ipasaru.
9Sarei, arna napn saru, ipakr nil ptn, m'a hmn, m'a nila m'aten. Ipakr niln udlani. Ipasila klusan, kavav al nauei. Sarei, ipaviviln arna nahn a Mlin Eia. 10Sarei, arna satl na napn, ipalav'r net sivsiv (pua nen) iru, akarstu arna nut kinkin, sarei kalev' net sivsiv (prapar nen), paian idahmk, ikastu arna nut kinkin. Sarei, ipalev' vlaua p'as (lita nen ipalm'sei) auhei m'a ueil, ipav'i uvrin iv'i uit. Sarei, ipalev' ueil kinkin. 11Sarei, pris, la ipani ti ipaviviln arna nahn a Mlin Eia ha, ipani ti m'ertu nen, la irn ti ipaviviln ha, m'er si udlani lera, apavp'tir a karliu na nmah kanuis na tamatan Atua, arna nahn a Mlin Eia. 12Sarei, pris ipalev' net sivsiv, iv'i pua nen, kataui ipav'i uvrin sena si stu ier m'ertu uraur. Sarei, ipalev' ueil lahara, kauadei eia, kasran lm'an eia m'ei, iv'i uvrin la asran lm'a natei eia m'ei ha, arna nahn a Mlin Eia.
13Sarei, ipatrp'n net sivsiv arna nut itrp'n uvrin sena si stu m'a uvrin aali nakl, al nutet. Sena ti uvrin sena si stu iv'i nkan a pris, sarei uvrin sena si stu ier m'ertu uraur inap'amk uaki, iv'i nka pris ml. Ipav'i si p'as ipamk. 14Sarei, pris ipalev' pna di si slm iv'i uvrin sena si stu ier m'ertu uraur, kataui arna nut eia na drl m'ertu irn ti ipaviviln ml, arna m'ldaun, sarei, kataui arna prh lil na lm'an arna m'ldaun, kataui arna prh lil na tln arna m'ldaun. 15Sarei, pris ipalev' pna ueil, kahsrani al lm'an, arna m'ir nen. 16Sarei, ipadi nirh lm'an arna m'ldaun al ueil la iter al lm'an arna m'ir nen. Sarei, ipavisen pna ueil lera m'a nirh lm'an ipav'asaru, arna nahn a Mlin Eia.
17Sarei, pris ipalev' pna ueil la iter al lm'an uam, katu pnen arna nut eia na drl m'ertu irn ti ipaviviln ml, arna m'ldaun, sarei, kataui arna prh lil na lm'an arna m'ldaun, kataui arna prh lil na tln arna m'ldaun, sarei katu pnen arna uvrin sena si stu ier m'ertu uraur. 18Sarei, pris ipalev' duana ueil al lm'an, kahsrani arna pt m'ertu irn ti ipaviviln ml arna nahn a Mlin Eia. Inap'i lera, pris ipani ti ipalak arna tamat m'ei Atua, ipani arna nahn a Mlin Eia. 19Sarei, pris ipatu uvrin sena si stu. Ipanap'i lera, ipani ti m'ertu istu arna nahn a Mlin Eia ipaviviln ml. Sarei ml, ipatrp'n uvrin aali. 20Pris ipatu uvrin aali m'a uvrin iv'i uit arna tiv' na sakrivais. Ipanap'i lera, pris ipani ti ipalak arna tamat m'ei Atua, ipaviviln ml.
21V'eti, ipavr ti m'ertu nen sian ihei, iarndu ti ipalev' si lera nakl, ipalev' net sivsiv (pua nen), ipav'i uvrin sena stu, apasran lm'a natei eia m'ei, a ti apani ti ipalak arna tamat m'ei Atua. Ipalev' vlaua p'as (lita nen iru), auhei m'a ueil, ipav'i uvrin iv'i uit, m'a ueil kinkin, 22m'a navimar aparru, v'aha vntau pa aparru, aparp'as ipanep'a nut hin irndu ti ipuli ipanap'ei. Nki ipamk ipav'i uvrin sena si stu, tv'aln ipav'i uvrin apali.
23Sarei, ipauirv'a asn pris arna satl na napn, a ti ipama kaviviln ml arna nahn a Mlin Eia. Ipama a karliu na nmah kanuis na tamatan Atua, arna nahn a Mlin Eia. 24Sarei, pris ipalev' net sivsiv, ipav'i pua nen, kataui ipav'i uvrin sena si stu ier m'ertu uraur. Sarei, ipalev' ueil lahara, kauadei eia, kasran lm'an eia m'ei, iv'i uvrin la asran lm'a natei eia m'ei ha, arna nahn a Mlin Eia. 25Sarei, pris ipatrp'n net sivsiv, iv'i uvrin sena si stu ier m'ertu uraur. Sarei, pris ipalev' pna di si slm iv'i uvrin sena si stu ier m'ertu uraur, kataui arna nut eia na drl m'ertu irn ti ipaviviln ml, arna m'ldaun, sarei, kataui arna prh lil na lm'an arna m'ldaun, kataui arna prh lil na tln arna m'ldaun. 26Sarei, pris ipalev' pna ueil, kahsrani al lm'an, arna m'ir nen. 27Sarei, ipavisen pna ueil la iter al lm'an arna m'ir nen ha, m'a nirh lm'an arna m'ldaun. Ipani ipav'asaru, arna nahn a Mlin Eia.
28Sarei, pris ipalev' pna ueil la iter al lm'an uam ha, katu pnen arna nut eia na drl m'ertu irn ti ipaviviln ml, arna m'ldaun, sarei, kataui arna prh lil na lm'an arna m'ldaun, kataui arna prh lil na tln arna m'ldaun, sarei katu pnen arna uvrin sena si stu ier m'ertu uraur. 29Sarei, pris ipalev' duana ueil al lm'an, kahsrani arna pt m'ertu irn ti ipaviviln ml arna nahn a Mlin Eia. Ipanap'i lera, pris ipani ti ipalak arna tamat m'ei Atua, ipani arna nahn a Mlin Eia.
30Sarei, ipatu navimar ipamk, v'aha vntau ipamk, ipav'i uvrin, ipanep'a nut irndu ti ipuli ipanap'ei. 31Ipavr ti irndu ti ipuli, ipatu ki ipamk ipav'i uvrin sena si stu, sarei, tv'aln ipav'i uvrin apali. Ipataur m'a uvrin iv'i uit. Ipanap'i lera, pris ipani ti m'ertu la irn ti ipaviviln ml ha ipalak arna tamat m'ei Atua, arna nahn a Mlin Eia.
32V'nen hua laha ier m'ertu iak a nadei iv'i lep'ersi, v'eti iarndu ti ipul si slm la m'ertu avuli nakl a ti apavrama kavp'as ha.”
33Sarei, a Mlin Eia iv'ana m'ei a Musis m'ei a Erun, kavr ti a, 34“Naran ktvier sera v'anu a Kenan, la nttu sarei a kam'i a ti ipav'i nkam'i ha, sarei, ntu m'etien iv'i lep'ersi al nmah iamk arna v'anu la iv'i nkam'i ha, 35ipavr ti m'ertu iak a nmah lera iv'a asn pris, kavr ani, kavr ti a, ‘Nv'ah ti m'etien kinkin iter al nmah.’ 36Laha pris ipav'ana hua, kavr anr ti apavlev'la si udlani al nmah, ipatauamu a ti pris ipav'a a ti ipap'a mamh m'etien. Ipanap'i lera, si udlani al nmah ikahma kastu arna nahn a Mlin Eia. Sarei, pris ipav'a kap'a mamh nmah.
37Sarei, ipap'a mamh m'etien. Laha, ipavr ti m'etien iter arna naml na nmah eim, inep'a ti ala ti ihshsen v'aha im'iel, sarei, kadav'a a nl naml, 38pris ipav'a av'aran, kadav'a a karliu na nmah. Sarei, ipakada liu na nmah napn ipasaru. 39Sarei, pris ipam'alet arna napn saru, kap'ep'ei ml. Ipavr ti m'etien itv'el kaier nut uraur arna naml na nmah eim, 40pris ipav'ana hua, kavr ti apavlev'lar nav'et, la m'etien iak aranar ha, kavsranr arna nut stu av'aran na v'anu lil. 41Sarei, ipani ti apavhrhar nut eim al nmah, arna nut udlani. Sarei, apavsran tkv nen (la avlev'lei ha) arna nut stu av'aran na v'anu lil. 42Sarei, apavlav'r nav'et ururaur, kavtaur a m'lna nav'et avrater itauamu, kavlev' simen uraur kavan mamh nut eim al nmah.
43Laha, ipavr ti m'etien im'alet kaier nut uraur arna nmah, naran atvlev'la sera nav'et, katvhrhar sera nut eim al nmah, katvtu sera simen ml, 44pris ipam'alet ml kap'ep'ei ml. Ipavr ti ila ti m'etien itier sera nut uraur arna nmah, iv'i lep'ersi la isilv' uam al nmah ha. Ipastu arna nahn a Mlin Eia. 45Sarei, ipakapapr nmah, m'a nav'et nen, m'a nai nen, m'a simen udlani arna nmah, sarei, ipalev'la si lera udlani, kataur av'aran na v'anu lil, kasranr arna nut stu. 46Sarei ml, ipavr ti m'ertu kinkin ipav'a eim al nmah, naran atkada sera liu, hin ipastu arna nahn a Mlin Eia ipaier lihat. 47M'ertu im'atr al nmah ipasila klusan pr. M'ertu ihan tim'ah al nmah ipasila klusan pr.
48V'eti, ipavr ti pris ipav'a eim, sarei, kap'a mamahi, kala ti m'etien idaier nut uraur al nmah, naran attu sera simen aranan ml, pris ipavrp'ep'a ti nmah iviviln arna nahn a Mlin Eia, sena ti m'etien ithiris. 49Sarei, ipalev' m'anh aparru, m'a nai iv'i sita, m'a kalik m'iel, m'a rana nai iv'i isup. 50Sarei, pris ipatu m'anh lera ipamk al dis aani a vdrei, kasilei al nauei irarev', karpep'ni. 51Sarei, ipalev' m'anh la isilv' uam ha, m'a nai iv'i sita, m'a kalik m'iel, m'a rana nai iv'i isup, kadi si lera m'a m'anh, la isilv' uam ha, al di m'anh la itrp'n sarei a nv' naui rarev' hara. Sarei, ipavisen din arna nmah ipav'asaru. 52Ipanap'i lera, naran ien si lera m'a di m'anh, m'a naui rarev', m'a nai iv'i sita, m'a rana nai iv'i isup, m'a kalik m'iel, ipani ti nmah ipaviviln arna nahn a Mlin Eia. 53Sarei, ipatu m'anh la isilv' ha arna m'lden, arna nut av'aran na v'anu lil, ipatetv karuh. Ipanap'i lera, ipani ti nmah ipalak arna tamat arna nahn a Mlin Eia, kaviviln.
54V'nen lera iv'i v'nen hua ier nadei iv'i lep'ersi, m'a nadei im'am'a kav'i lep'ersi. 55Iv'i v'nen hua ier klus lep'ersi iter aranan, m'a nmah lep'ersi iter aranan. 56Iv'i v'nen hua ier p'ak m'ertu, naran im'iel, v'aha nadei iak v'eti itm'am'a sarei, v'aha ieren. 57Iv'i sena ti aparndu ti v'ata istu arna nahn a Mlin Eia, m'a v'ata iviviln uaki. V'nen laha iv'i v'nen hua ivrur lep'ersi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia