Livai 13
13
M'ertu lep'ersi iuei
1Laha, a Mlin Eia iv'ana m'er a Musis m'ei a Erun, kavr anr, kavr ti a, 2“Naran m'ertu iak a si kinkin arna p'akn, inep'a ti p'akn ieren, v'aha din iak sarei kam'am'a, v'aha p'akn im'iel, sarei, ala ti p'akn inep'a sera ti m'etien iv'i lep'ersi iuei, apauirv'a m'ertu lera asn a Erun, iv'i pris, v'aha asnr a natn kinkin, la avv'i pris ha. 3Sarei, pris ipap'a mamh nadei iak arna p'akn. Ipavr ti niln, la iter arna nadei ha ittva sarei, sarei ila ti nadei iv'a auei al p'akn, ki lera iv'iv'en ti iv'i lep'ersi. Sarei, pris ipap'a mamh p'akn, sarei kavrp'ep'a ti m'ertu nen istu arna nahn a Mlin Eia. 4V'eti, ipavr ti nut m'iel ima katva arna p'akn, v'eti iahv'a auei al p'akn, sarei, niln idatva, pris ipani ti m'ertu iak a nadei lera ipalak mamk uaki napn ipasaru.
5Sarei, arna napn saru, pris ipap'a mamh p'akn ml. Ipavr ti nadei iter inep'a nut iter itauamu, sarei idaier p'akn uraur, pris ipani ti ipalak mamk, napn ipasaru ml. 6Sarei, arna napn saru, pris ipap'a mamh p'akn ml. Ipavr ti nadei itav'a sarei a nadep', inep'a ti idaier p'akn uraur, sarei, pris ipavr ti iviviln uaki arna nahn a Mlin Eia. Sena ti nadei itm'am'a sarei, ipasila klusan, sarei, ipaviviln uaki. 7V'eti, ipavr ti itla sera pris, a ti ipaviviln arna nahn a Mlin Eia, sena ti nadei itm'am'a sarei, v'eti nadei im'alet kaier p'akn uraur ml, arna nut kinkin, ipam'alet asn pris, a ti ipalei ml. 8Laha, ipavr ti pris ila ti nadei itier sera p'akn uraur, pris ipavrp'ep'a ti istu arna nahn a Mlin Eia, iv'i lep'ersi.
9Naran nadei iv'i lep'ersi iak arna p'ak m'ertu kinkin, apauirv'a m'ertu nen asn pris. 10Sarei, pris ipap'a mamh p'akn. Ipavr ti nut p'akn ieren itva, sarei, niln arna nadei lera itva, m'a nut pa na p'akn, la ieren ha, im'iel kakapr p'akn, 11iv'i lep'ersi itater sarei itauamu. A pris ipavrp'ep'a ti istu arna nahn a Mlin Eia, v'eti ikalak mamk, sena ti istu arna nahn a Mlin Eia. 12Sarei, ipavr ti lep'ersi ipaier p'akn uraur, inep'a ti lep'ersi lera ihiris a p'ak m'ertu, la iak a nadei ha, itudina hin arna ptn, dav'a kaier tln, arna nut udlani pris ip'ei nakl, 13sarei, pris ipav'ahur mamahi. Ipavr ti lep'ersi itier sera p'akn udlani, ipavrp'ep'a ti m'ertu, la iak a nadei ha, iviviln uaki, sena ti ittva udlani. M'ertu nen iviviln uaki. 14V'eti naran p'akn ieren kardapapri, ipastu arna nahn a Mlin Eia. 15A pris ipap'a mamh p'akn, la ieren kardapapri ha, kavrp'ep'a ti istu arna nahn a Mlin Eia. Iv'i lep'ersi. 16Laha, ipavr ti p'akn, la ieren kardapapri ha, ima katva ml, ipav'a ml asn pris. 17Sarei, pris ipap'a mamh p'akn. Ipavr ti nadei ittva sarei, pris ipavrp'ep'a ti m'ertu, la iak a nadei ha, iviviln uaki. Iviviln arna nahn a Mlin Eia.
18Ipavr ti m'ertu iak a nadei stu iamk, sarei, iruh arna p'akn, 19v'eti p'akn ieren katva, v'aha im'iel, v'aha im'iel katva arna nut iamk, inep'a ti iua m'lna nadei stu iak itauamu, apav'iv'en si lera a pris. 20Sarei, naran pris ipalei, ipavr ti iv'ah ti itav'a auei sarei al p'akn, sarei, niln arna nadei ittva sarei, a pris ipavrp'ep'a ti istu arna nahn a Mlin Eia. Iv'i nadei iv'i lep'ersi, la iendan al nadei stu, la iak itauamu ha. 21V'eti, ipavr ti a pris ip'a mamahi, kala ti niln tva ihei, sarei, kala ti idahv'a auei al p'akn, v'eti itav'a sarei a nadep', ipani ti m'ertu nen ipalak mamk napn ipasaru. 22Sarei, ipavr ti ier p'akn udlani, pris ipavrp'ep'a ti istu arna nahn a Mlin Eia. Iv'i nadei iv'i lep'ersi. 23V'eti, ipavr ti nut ieren iter arna nut iamk uaki, idaier p'akn uraur, iv'i nadei stu, v'eti itm'am'a sarei. Laha, pris ipavrp'ep'a ti iviviln uaki.
24Sarei, ipavr ti nap' ier p'ak m'ertu, sarei, nut la ieren kardapapri sena nap' ha, ieren mau, kam'iel katva, v'aha ima katva, 25sarei, pris ipap'a mamahi. Ipavr ti ila ti niln nut lera ima katva, kala ti itav'a auei sarei al p'akn, iv'i lep'ersi, idan arna nut nap' ier p'akn. Laha, pris ipavrp'ep'a ti istu arna nahn a Mlin Eia. Iv'i nadei iv'i lep'ersi. 26V'eti, ipavr ti pris ip'a mamahi, kala ti niln tva ihei arna nut ieren, kala ti idahv'a auei al p'akn, itav'a sarei a nadep', pris ipani ti ipalak mamk napn ipasaru. 27Sarei, pris ipap'a mamh p'akn arna napn saru. Ipavr ti itier p'akn udlani, pris ipavrp'ep'a ti istu arna nahn a Mlin Eia. Iv'i nadei iv'i lep'ersi. 28V'eti, ipavr ti nut ieren iter uam, v'eti idaier nut uraur arna p'akn, sarei, itav'a sarei a nadep', im'iel sena ti nap' iari uaki. Pris ipavrp'ep'a ti iviviln uaki, iv'i naui hpup nen sena nap'.
29Sarei, ipavr ti dui v'aha tav'et iak a nadei arna ptn, v'aha arna nut hmn iak, 30pris ipap'a mamh nadei. Ipavr ti ila ti itav'a auei sarei al p'akn, v'aha nila hmn itama sarei kam'em'hv'rev' kadauas, pris ipavrp'ep'a ti istu arna nahn a Mlin Eia. Iv'i lep'ersi la iani ti p'ak m'ertu im'am'a ha, ier pt natei v'aha hma natei. 31V'eti, ipavr ti pris ipap'a mamh nadei la im'am'a ha, kala ti idahv'a auei al p'akn, kala ti niln idahm't, pris ipani ti m'ertu iak a si lera ipalak mamk napn ipasaru.
32Sarei, pris ipap'a mamh nadei arna napn saru. Ipavr ti ila ti nut m'am'a lahara idaier nut uraur arna p'akn, kala ti niln uas ihei, sarei kala ti nut m'am'a lera idahv'a auei al p'akn, 33m'ertu nen ipakr hmn, v'eti ikakr nut nadei m'am'a iak. Sarei, ipani ti m'ertu iak a nadei ipalak mamk napn ipasaru ml. 34Arna napn saru, pris ipap'a mamh nadei m'am'a lahara ml. Ipavr ti ila ti nut m'am'a idaier nut uraur arna p'akn, kala ti idahv'a auei al p'akn, sarei, pris ipavrp'ep'a ti iviviln uaki. Ipasila klusan, sarei kap'as arna nahn a Mlin Eia.
35V'eti, ipavr ti nut m'am'a im'alet kaier p'akn udlani, naran itvav sarei, 36pris ipap'a mamahi ml. Ipavr ti ila ti nut m'am'a lahara itier p'akn udlani, ikatala niln uas. M'ertu nen istu arna nahn a Mlin Eia. 37V'eti, ipavr ti nut m'am'a lahara iter uam, v'eti idaier p'akn uraur, sarei, niln m't itm'alet ml, nadei m'am'a lera itp'as. M'ertu nen iviviln. Pris ipavrp'ep'a ti iviviln uaki.
38Ipavr ti dui v'aha tav'et iak a nut kinkin arna p'akn ieren, aau, ipavr ti ieren katva, 39a pris ipalei. Ipavr ti nut ieren lera arna p'akn itva iv'i p'ak tva iamk uaki, la ima arna p'ak natei ha, m'ertu nen iviviln uaki. 40Ipavr ti nil dui irsrs arna ptn, kav'i nama, v'eti iviviln uaki arna nahn a Mlin Eia. 41Ipavr ti nil dui irsrs arna tana nahn, kav'i nama arna tana nahn, v'eti iviviln uaki arna nahn a Mlin Eia. 42Ipavr ti m'ertu iv'i nama, v'aha iv'i nama arna tana nahn uaki, v'eti iak a nadei im'iel katva arna nut lera, iv'i lep'ersi ispal arna ptn v'aha tana nahn. 43Laha pris ipap'a mamahi. Ipavr ti ip'a p'ak m'ertu iv'i nama lera, v'aha iv'i nama arna tana nahn, kala ti nadei ima eia, kam'iel katva, inep'a ti iv'i lep'ersi arna p'akn, 44lep'ersi itua sera m'ertu lera, istu arna nahn a Mlin Eia. Pris ipavrp'ep'a ti istu arna nahn a Mlin Eia, sena ti nadei iter arna ptn.
45Sarei, m'ertu la lep'ersi iuei ha ipaiapr klusan, kalev'la kalik itukar ptn, katavkar hmn, kav'ana eia, kavr ti a, ‘!Nstu arna nahn a Mlin Eia! !Nstu arna nahn a Mlin Eia!’ 46Ipanap'i lera, ipastu arna nahn a Mlin Eia. Arna napn udlani iak a nadei lera, ipanap'i lera. Sena ti istu arna nahn a Mlin Eia, ipalak mamk uaki. Nmah kanuisan ipater av'aran na nut arm'ertu avhl nmah kanuisar.
47Sarei, ipavr ti nadei na lep'ersi iter arna klus kinkin, ipavr ti av'ati, v'aha iv'i kalik, 48v'aha iter arna nut auei na nut av'ati, v'aha arna nut eia na nut av'ati, v'aha iv'i nila p'ak si slm, v'aha si kinkin aani m'a nila p'ak si slm, 49ipavr ti nadei lera ihshsen, v'aha im'iel, arna nut ier klus v'aha nila p'ak si slm, arna nut auei na nut av'ati, v'aha arna nut eia na nut av'ati, v'aha arna si kinkin aani m'a nila p'ak si slm, iv'i nadei iv'i lep'ersi. Apav'iv'en a pris pr. 50Sarei, pris ipap'a mamahi, katuda sei la nadei iter aranan ha napn ipasaru. 51Sarei, arna napn saru, ipap'a mamh nadei ml. Ipavr ti nadei itier sera nut uraur arna klus, arna nut auei na nut av'ati, v'aha arna nut eia na nut av'ati, v'aha arna nila p'ak si slm, v'aha arna si kinkin aani m'a nila p'ak si slm, iv'i nadei iv'i lep'ersi, inep'a ti m'etien isilv' uam. Istu arna nahn a Mlin Eia. 52Ipanap'i lera, ipatu nap' a klus la nadei iter aranan ha, arna nut auei na nut av'ati, v'aha arna nut eia na nut av'ati (ipavr ti iv'i sei av'ati v'aha iv'i kalik), v'aha arna si kinkin aani m'a nila p'ak si slm, iv'i lep'ersi, m'etien isilv' uam. Apatu nap' ani pr.
53V'eti, ipavr ti pris ip'a mamahi, kala ti nadei idaier nut uraur arna klus, arna nut auei na nut av'ati, v'aha arna nut eia na nut av'ati, v'aha arna si kinkin aani m'a nila p'ak si slm, 54pris ipav'ana hua, kavr ti apavsila sei nadei iter aranan. Sarei, ipatudei napn ipasaru ml. 55Sarei, pris ipap'a mamh nadei, naran atsila sarei. Ipavr ti nadei inap'amk uaki, v'eti idaier nut uraur arna klus, v'eti istu arna nahn a Mlin Eia, apatu nap' ani uam. Sena ti irndu ti ipav'el uam, kutakm a sei alei, m'a sei akalei. 56Ipavr ti pris ip'a mamahi, sarei, kala ti nadei itav'a sarei a nadep' isusupa naran atsila sarei, ipaiapr nut ier klus, ipavr ti iv'i nut auei na nut av'ati, v'aha nut eia na nut av'ati, v'aha nila p'ak si slm, ipaiapr nut lera.
57V'eti, ipavr ti im'alet ml arna klus, arna nut auei na nut av'ati, v'aha arna nut eia na nut av'ati, v'aha arna si kinkin aani m'a nila p'ak si slm, iv'i nadei kav'i m'etien irndu ti ipav'el. Pavtu nap' a sei nadei iari. 58Sarei, ipavr ti kvsila klus, ipavr ti av'ati v'aha iv'i kalik, v'aha iv'i nila p'ak si slm, ipavr ti nadei ihiris aranan, pasilei ml, sarei, ipaviviln. 59V'nen laha iv'i v'nen hua ier nadei iv'i lep'ersi arna klus, ipavr ti av'ati v'aha iv'i kalik, arna nut auei na nut av'ati, arna nut eia na nut av'ati, m'a si kinkin aani a nila p'ak si slm, a ti apavrp'ep'a ti iviviln uaki, v'aha istu arna nahn a Mlin Eia.”
Currently Selected:
Livai 13: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia
Livai 13
13
M'ertu lep'ersi iuei
1Laha, a Mlin Eia iv'ana m'er a Musis m'ei a Erun, kavr anr, kavr ti a, 2“Naran m'ertu iak a si kinkin arna p'akn, inep'a ti p'akn ieren, v'aha din iak sarei kam'am'a, v'aha p'akn im'iel, sarei, ala ti p'akn inep'a sera ti m'etien iv'i lep'ersi iuei, apauirv'a m'ertu lera asn a Erun, iv'i pris, v'aha asnr a natn kinkin, la avv'i pris ha. 3Sarei, pris ipap'a mamh nadei iak arna p'akn. Ipavr ti niln, la iter arna nadei ha ittva sarei, sarei ila ti nadei iv'a auei al p'akn, ki lera iv'iv'en ti iv'i lep'ersi. Sarei, pris ipap'a mamh p'akn, sarei kavrp'ep'a ti m'ertu nen istu arna nahn a Mlin Eia. 4V'eti, ipavr ti nut m'iel ima katva arna p'akn, v'eti iahv'a auei al p'akn, sarei, niln idatva, pris ipani ti m'ertu iak a nadei lera ipalak mamk uaki napn ipasaru.
5Sarei, arna napn saru, pris ipap'a mamh p'akn ml. Ipavr ti nadei iter inep'a nut iter itauamu, sarei idaier p'akn uraur, pris ipani ti ipalak mamk, napn ipasaru ml. 6Sarei, arna napn saru, pris ipap'a mamh p'akn ml. Ipavr ti nadei itav'a sarei a nadep', inep'a ti idaier p'akn uraur, sarei, pris ipavr ti iviviln uaki arna nahn a Mlin Eia. Sena ti nadei itm'am'a sarei, ipasila klusan, sarei, ipaviviln uaki. 7V'eti, ipavr ti itla sera pris, a ti ipaviviln arna nahn a Mlin Eia, sena ti nadei itm'am'a sarei, v'eti nadei im'alet kaier p'akn uraur ml, arna nut kinkin, ipam'alet asn pris, a ti ipalei ml. 8Laha, ipavr ti pris ila ti nadei itier sera p'akn uraur, pris ipavrp'ep'a ti istu arna nahn a Mlin Eia, iv'i lep'ersi.
9Naran nadei iv'i lep'ersi iak arna p'ak m'ertu kinkin, apauirv'a m'ertu nen asn pris. 10Sarei, pris ipap'a mamh p'akn. Ipavr ti nut p'akn ieren itva, sarei, niln arna nadei lera itva, m'a nut pa na p'akn, la ieren ha, im'iel kakapr p'akn, 11iv'i lep'ersi itater sarei itauamu. A pris ipavrp'ep'a ti istu arna nahn a Mlin Eia, v'eti ikalak mamk, sena ti istu arna nahn a Mlin Eia. 12Sarei, ipavr ti lep'ersi ipaier p'akn uraur, inep'a ti lep'ersi lera ihiris a p'ak m'ertu, la iak a nadei ha, itudina hin arna ptn, dav'a kaier tln, arna nut udlani pris ip'ei nakl, 13sarei, pris ipav'ahur mamahi. Ipavr ti lep'ersi itier sera p'akn udlani, ipavrp'ep'a ti m'ertu, la iak a nadei ha, iviviln uaki, sena ti ittva udlani. M'ertu nen iviviln uaki. 14V'eti naran p'akn ieren kardapapri, ipastu arna nahn a Mlin Eia. 15A pris ipap'a mamh p'akn, la ieren kardapapri ha, kavrp'ep'a ti istu arna nahn a Mlin Eia. Iv'i lep'ersi. 16Laha, ipavr ti p'akn, la ieren kardapapri ha, ima katva ml, ipav'a ml asn pris. 17Sarei, pris ipap'a mamh p'akn. Ipavr ti nadei ittva sarei, pris ipavrp'ep'a ti m'ertu, la iak a nadei ha, iviviln uaki. Iviviln arna nahn a Mlin Eia.
18Ipavr ti m'ertu iak a nadei stu iamk, sarei, iruh arna p'akn, 19v'eti p'akn ieren katva, v'aha im'iel, v'aha im'iel katva arna nut iamk, inep'a ti iua m'lna nadei stu iak itauamu, apav'iv'en si lera a pris. 20Sarei, naran pris ipalei, ipavr ti iv'ah ti itav'a auei sarei al p'akn, sarei, niln arna nadei ittva sarei, a pris ipavrp'ep'a ti istu arna nahn a Mlin Eia. Iv'i nadei iv'i lep'ersi, la iendan al nadei stu, la iak itauamu ha. 21V'eti, ipavr ti a pris ip'a mamahi, kala ti niln tva ihei, sarei, kala ti idahv'a auei al p'akn, v'eti itav'a sarei a nadep', ipani ti m'ertu nen ipalak mamk napn ipasaru. 22Sarei, ipavr ti ier p'akn udlani, pris ipavrp'ep'a ti istu arna nahn a Mlin Eia. Iv'i nadei iv'i lep'ersi. 23V'eti, ipavr ti nut ieren iter arna nut iamk uaki, idaier p'akn uraur, iv'i nadei stu, v'eti itm'am'a sarei. Laha, pris ipavrp'ep'a ti iviviln uaki.
24Sarei, ipavr ti nap' ier p'ak m'ertu, sarei, nut la ieren kardapapri sena nap' ha, ieren mau, kam'iel katva, v'aha ima katva, 25sarei, pris ipap'a mamahi. Ipavr ti ila ti niln nut lera ima katva, kala ti itav'a auei sarei al p'akn, iv'i lep'ersi, idan arna nut nap' ier p'akn. Laha, pris ipavrp'ep'a ti istu arna nahn a Mlin Eia. Iv'i nadei iv'i lep'ersi. 26V'eti, ipavr ti pris ip'a mamahi, kala ti niln tva ihei arna nut ieren, kala ti idahv'a auei al p'akn, itav'a sarei a nadep', pris ipani ti ipalak mamk napn ipasaru. 27Sarei, pris ipap'a mamh p'akn arna napn saru. Ipavr ti itier p'akn udlani, pris ipavrp'ep'a ti istu arna nahn a Mlin Eia. Iv'i nadei iv'i lep'ersi. 28V'eti, ipavr ti nut ieren iter uam, v'eti idaier nut uraur arna p'akn, sarei, itav'a sarei a nadep', im'iel sena ti nap' iari uaki. Pris ipavrp'ep'a ti iviviln uaki, iv'i naui hpup nen sena nap'.
29Sarei, ipavr ti dui v'aha tav'et iak a nadei arna ptn, v'aha arna nut hmn iak, 30pris ipap'a mamh nadei. Ipavr ti ila ti itav'a auei sarei al p'akn, v'aha nila hmn itama sarei kam'em'hv'rev' kadauas, pris ipavrp'ep'a ti istu arna nahn a Mlin Eia. Iv'i lep'ersi la iani ti p'ak m'ertu im'am'a ha, ier pt natei v'aha hma natei. 31V'eti, ipavr ti pris ipap'a mamh nadei la im'am'a ha, kala ti idahv'a auei al p'akn, kala ti niln idahm't, pris ipani ti m'ertu iak a si lera ipalak mamk napn ipasaru.
32Sarei, pris ipap'a mamh nadei arna napn saru. Ipavr ti ila ti nut m'am'a lahara idaier nut uraur arna p'akn, kala ti niln uas ihei, sarei kala ti nut m'am'a lera idahv'a auei al p'akn, 33m'ertu nen ipakr hmn, v'eti ikakr nut nadei m'am'a iak. Sarei, ipani ti m'ertu iak a nadei ipalak mamk napn ipasaru ml. 34Arna napn saru, pris ipap'a mamh nadei m'am'a lahara ml. Ipavr ti ila ti nut m'am'a idaier nut uraur arna p'akn, kala ti idahv'a auei al p'akn, sarei, pris ipavrp'ep'a ti iviviln uaki. Ipasila klusan, sarei kap'as arna nahn a Mlin Eia.
35V'eti, ipavr ti nut m'am'a im'alet kaier p'akn udlani, naran itvav sarei, 36pris ipap'a mamahi ml. Ipavr ti ila ti nut m'am'a lahara itier p'akn udlani, ikatala niln uas. M'ertu nen istu arna nahn a Mlin Eia. 37V'eti, ipavr ti nut m'am'a lahara iter uam, v'eti idaier p'akn uraur, sarei, niln m't itm'alet ml, nadei m'am'a lera itp'as. M'ertu nen iviviln. Pris ipavrp'ep'a ti iviviln uaki.
38Ipavr ti dui v'aha tav'et iak a nut kinkin arna p'akn ieren, aau, ipavr ti ieren katva, 39a pris ipalei. Ipavr ti nut ieren lera arna p'akn itva iv'i p'ak tva iamk uaki, la ima arna p'ak natei ha, m'ertu nen iviviln uaki. 40Ipavr ti nil dui irsrs arna ptn, kav'i nama, v'eti iviviln uaki arna nahn a Mlin Eia. 41Ipavr ti nil dui irsrs arna tana nahn, kav'i nama arna tana nahn, v'eti iviviln uaki arna nahn a Mlin Eia. 42Ipavr ti m'ertu iv'i nama, v'aha iv'i nama arna tana nahn uaki, v'eti iak a nadei im'iel katva arna nut lera, iv'i lep'ersi ispal arna ptn v'aha tana nahn. 43Laha pris ipap'a mamahi. Ipavr ti ip'a p'ak m'ertu iv'i nama lera, v'aha iv'i nama arna tana nahn, kala ti nadei ima eia, kam'iel katva, inep'a ti iv'i lep'ersi arna p'akn, 44lep'ersi itua sera m'ertu lera, istu arna nahn a Mlin Eia. Pris ipavrp'ep'a ti istu arna nahn a Mlin Eia, sena ti nadei iter arna ptn.
45Sarei, m'ertu la lep'ersi iuei ha ipaiapr klusan, kalev'la kalik itukar ptn, katavkar hmn, kav'ana eia, kavr ti a, ‘!Nstu arna nahn a Mlin Eia! !Nstu arna nahn a Mlin Eia!’ 46Ipanap'i lera, ipastu arna nahn a Mlin Eia. Arna napn udlani iak a nadei lera, ipanap'i lera. Sena ti istu arna nahn a Mlin Eia, ipalak mamk uaki. Nmah kanuisan ipater av'aran na nut arm'ertu avhl nmah kanuisar.
47Sarei, ipavr ti nadei na lep'ersi iter arna klus kinkin, ipavr ti av'ati, v'aha iv'i kalik, 48v'aha iter arna nut auei na nut av'ati, v'aha arna nut eia na nut av'ati, v'aha iv'i nila p'ak si slm, v'aha si kinkin aani m'a nila p'ak si slm, 49ipavr ti nadei lera ihshsen, v'aha im'iel, arna nut ier klus v'aha nila p'ak si slm, arna nut auei na nut av'ati, v'aha arna nut eia na nut av'ati, v'aha arna si kinkin aani m'a nila p'ak si slm, iv'i nadei iv'i lep'ersi. Apav'iv'en a pris pr. 50Sarei, pris ipap'a mamahi, katuda sei la nadei iter aranan ha napn ipasaru. 51Sarei, arna napn saru, ipap'a mamh nadei ml. Ipavr ti nadei itier sera nut uraur arna klus, arna nut auei na nut av'ati, v'aha arna nut eia na nut av'ati, v'aha arna nila p'ak si slm, v'aha arna si kinkin aani m'a nila p'ak si slm, iv'i nadei iv'i lep'ersi, inep'a ti m'etien isilv' uam. Istu arna nahn a Mlin Eia. 52Ipanap'i lera, ipatu nap' a klus la nadei iter aranan ha, arna nut auei na nut av'ati, v'aha arna nut eia na nut av'ati (ipavr ti iv'i sei av'ati v'aha iv'i kalik), v'aha arna si kinkin aani m'a nila p'ak si slm, iv'i lep'ersi, m'etien isilv' uam. Apatu nap' ani pr.
53V'eti, ipavr ti pris ip'a mamahi, kala ti nadei idaier nut uraur arna klus, arna nut auei na nut av'ati, v'aha arna nut eia na nut av'ati, v'aha arna si kinkin aani m'a nila p'ak si slm, 54pris ipav'ana hua, kavr ti apavsila sei nadei iter aranan. Sarei, ipatudei napn ipasaru ml. 55Sarei, pris ipap'a mamh nadei, naran atsila sarei. Ipavr ti nadei inap'amk uaki, v'eti idaier nut uraur arna klus, v'eti istu arna nahn a Mlin Eia, apatu nap' ani uam. Sena ti irndu ti ipav'el uam, kutakm a sei alei, m'a sei akalei. 56Ipavr ti pris ip'a mamahi, sarei, kala ti nadei itav'a sarei a nadep' isusupa naran atsila sarei, ipaiapr nut ier klus, ipavr ti iv'i nut auei na nut av'ati, v'aha nut eia na nut av'ati, v'aha nila p'ak si slm, ipaiapr nut lera.
57V'eti, ipavr ti im'alet ml arna klus, arna nut auei na nut av'ati, v'aha arna nut eia na nut av'ati, v'aha arna si kinkin aani m'a nila p'ak si slm, iv'i nadei kav'i m'etien irndu ti ipav'el. Pavtu nap' a sei nadei iari. 58Sarei, ipavr ti kvsila klus, ipavr ti av'ati v'aha iv'i kalik, v'aha iv'i nila p'ak si slm, ipavr ti nadei ihiris aranan, pasilei ml, sarei, ipaviviln. 59V'nen laha iv'i v'nen hua ier nadei iv'i lep'ersi arna klus, ipavr ti av'ati v'aha iv'i kalik, arna nut auei na nut av'ati, arna nut eia na nut av'ati, m'a si kinkin aani a nila p'ak si slm, a ti apavrp'ep'a ti iviviln uaki, v'aha istu arna nahn a Mlin Eia.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia