Avruh 3
3
A Musis ip'tir asn nep' luluv'en al nai vtvtv
(Avruh 6:2-30; 17:1-7; 11:1-4; 12:35-36)
1Arna naran nen, a Musis ilak kap'aur sivsivan a Sitru iv'i a einan, kav'i pris arna nut a Mitian. A Musis iv'ev'a sivsiv kadav'a arna tv'eliel na nut kaka kadav'a asn a Hurep iv'i pthan Atua. 2#Parei 7:30-34.Laha, Enselan a Mlin Eia iv'iv'en Hin asnn arna nep' luluv'en al nai vtvtv. A Musis ip'ei kala ti nai nen iluluv'en, v'eti iahapu. 3Sarei, a Musis ivr ti a, “Nsarei p'av'a kalela si lil lera. ?Inap'i hin nai lera iahapu?”
4Naran a Mlin Eia ila ti iv'el a ti ipalei, iv'ara ani dan al nai vtvtv kavr ti a, “Musis, Musis.” A Musis ivr ti a, “Kana hilaha.”
5Sarei, Atua ivr ti a, “Mamima atlaha. Pahsla susam, sena ti nut kp'tir aranan iv'i nutet.” 6Laha, kavr ani, kavr ti a, “Kana nv'i Atuan a tetiam, kav'i Atuan a Epraham, kav'i Atuan Aisak, kav'i Atuan a Sikup.” Naran irni, a Musis iuatutuan nahn, sena ti idedrn a ti ipaklau kalei Atua.
7A Mlin Eia ivr ti a, “Nvrdaui, Kana ntla sera der ier m'ertuak avlak arna nut a Itsip, katrn sera tklienar sena ti mlin na pari huar avutakm anr istudau, sena ti Kana nrndu mamh derar. 8Sena si lera, nma a nadep' a ti p'elev'lar arna lm'ar ardu a Itsip, kani ti apavln nadep' lera kavrav'a arna nadep' uraur, la ip'as kalil kalini a m'ilik m'a ns sukapak ha. Iv'i utar m'ertu a Kenan, m'ertu a Het, m'ertu Amur, m'ertu a Peris, m'ertu a Hivai, m'er arm'ertu a Sepus. 9Hilaha tklienar ardu a Isrel itier sera Kana. Ntla sera p'kl, la ardu a Itsip avan anr ha, kavutakm anr. 10Hilaha pav'el. Kana ntap'ah a ti pav'a asn a Veru kalev'lar m'ertuak avv'i Isrel apavln nut a Itsip.”
11V'eti a Musis ivr an Atua, kavr ti a, “Kana nahua a ti p'av'a asn a Veru kalev'lar m'ertu a Isrel apaln nut a Itsip.”
12V'eti ivr ti a, “Nvrdaui, Kana p'elak m'ah. Si lera ipav'iv'en a ti Kana ntap'ah. Naran palev'la sera m'ertu laha dan a Itsip, kam'i pavpatei Atua arna ptha laha.”
13 #
Avruh 6:2,3. Sarei, a Musis ivr an Atua kavr ti a, “Ipavr ti p'av'a asnr m'ertu a Isrel kavr anr kavr ti a, ‘Atuan a tetiam'i, ittep'a sera kana a ti p'ama asnm'i,’ v'eti nsarei hir apavmiman a kana kavvr ti a, ‘?Nahan iv'i ak?’ ?V'eti p'evr v'ata anr?”
14 #
Rev 1:4,8. Laha, Atua ivr an a Musis, kavr ti a, “Kana nv'i a Kana Nlak Iel. Si laha iv'i sei pavr anr ardu a Isrel. Kana Nv'i a Kana itep'a kana asnm'i.” 15Sarei, Atua ivr an a Musis, kavr ti a, “Pavr anr arm'ertu a Isrel, ‘A Mlin Eia, Atuan a tetiam'i, Atuan a Epraham, Atuan Aisak, Atuan a Sikup, itep'a kana a ti p'ama asnm'i. Ki laha iv'i nahak ikahiris naran, iv'i naha apavv'ahuri naran nl nam'el iamk ipahiris, nki uraur ipama, dav'a dav'a ikahiris.’
16Pav'el katup'ltanr elta udlani a Isrel, kavr anr, kavr ti a, ‘A Mlin Eia, iv'i Atuan a tetiam'i, Atuan a Epraham, Aisak m'ei a Sikup, iv'iv'en Hin asnk, kavr ti a, “Nvrdaui, Kana ntp'ep'a sera kam'i katla sera sei avan a kam'i a Itsip. 17Kana ntvr sarei a ti p'elev'la kam'i arna deram'i a Itsip, a ti pavrav'a arna utar m'ertu a Kenan, m'ertu a Het, m'ertu Amur, m'ertu a Peris, m'ertu a Hivai m'er arm'ertu a Sepus, iv'i nadep' ilini a m'ilik m'a ns sukapak.” ’ 18Sarei, apavv'rn anh. Laha, kam'i m'er eltar m'ertu a Isrel pavrav'a asn mlin a Itsip kavvr ani kavvr ti a, ‘A Mlin Eia, Atuar ardu a Isrel, itv'iv'en sera Hin a kam'em'. Pam'ahu a ti p'vv'el arna nut kaka napn ipatl, a ti p'vtu si dm kinkin nvali asn a Mlin Eia iv'i Atuam'em'.’ 19V'eti nrndu ti mlin a Itsip ikam'ahu a kam'i a ti pavv'el, ipavr ti nkatp'i a lm'a huak.
20Sena si lera p'ah lm'ak karpr m'ertu a Itsip a pari lilil udlani la p'ani a p't nut nar ha. Sarei, ipam'ahu a kam'i a ti pavv'el. 21#Avruh 12:35,36.Laha, p'ani ti arm'ertu a Itsip apavv'ahur m'ertu, a ti naran pavv'el, v'eti mkavv'el vn. 22V'eti tav'et udlani apavmiman anr tav'et avlaktalu anr la avlak mima asn nmahar ha, a ti apavlev' sei avani a silva m'a kul, ulien nen ilil, m'a kalik, a ti kam'i pavtau aranar a netm'i dui m'a tav'et. Apavuada siar ardu a Itsip ipanap'i lera.”
Currently Selected:
Avruh 3: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia
Avruh 3
3
A Musis ip'tir asn nep' luluv'en al nai vtvtv
(Avruh 6:2-30; 17:1-7; 11:1-4; 12:35-36)
1Arna naran nen, a Musis ilak kap'aur sivsivan a Sitru iv'i a einan, kav'i pris arna nut a Mitian. A Musis iv'ev'a sivsiv kadav'a arna tv'eliel na nut kaka kadav'a asn a Hurep iv'i pthan Atua. 2#Parei 7:30-34.Laha, Enselan a Mlin Eia iv'iv'en Hin asnn arna nep' luluv'en al nai vtvtv. A Musis ip'ei kala ti nai nen iluluv'en, v'eti iahapu. 3Sarei, a Musis ivr ti a, “Nsarei p'av'a kalela si lil lera. ?Inap'i hin nai lera iahapu?”
4Naran a Mlin Eia ila ti iv'el a ti ipalei, iv'ara ani dan al nai vtvtv kavr ti a, “Musis, Musis.” A Musis ivr ti a, “Kana hilaha.”
5Sarei, Atua ivr ti a, “Mamima atlaha. Pahsla susam, sena ti nut kp'tir aranan iv'i nutet.” 6Laha, kavr ani, kavr ti a, “Kana nv'i Atuan a tetiam, kav'i Atuan a Epraham, kav'i Atuan Aisak, kav'i Atuan a Sikup.” Naran irni, a Musis iuatutuan nahn, sena ti idedrn a ti ipaklau kalei Atua.
7A Mlin Eia ivr ti a, “Nvrdaui, Kana ntla sera der ier m'ertuak avlak arna nut a Itsip, katrn sera tklienar sena ti mlin na pari huar avutakm anr istudau, sena ti Kana nrndu mamh derar. 8Sena si lera, nma a nadep' a ti p'elev'lar arna lm'ar ardu a Itsip, kani ti apavln nadep' lera kavrav'a arna nadep' uraur, la ip'as kalil kalini a m'ilik m'a ns sukapak ha. Iv'i utar m'ertu a Kenan, m'ertu a Het, m'ertu Amur, m'ertu a Peris, m'ertu a Hivai, m'er arm'ertu a Sepus. 9Hilaha tklienar ardu a Isrel itier sera Kana. Ntla sera p'kl, la ardu a Itsip avan anr ha, kavutakm anr. 10Hilaha pav'el. Kana ntap'ah a ti pav'a asn a Veru kalev'lar m'ertuak avv'i Isrel apavln nut a Itsip.”
11V'eti a Musis ivr an Atua, kavr ti a, “Kana nahua a ti p'av'a asn a Veru kalev'lar m'ertu a Isrel apaln nut a Itsip.”
12V'eti ivr ti a, “Nvrdaui, Kana p'elak m'ah. Si lera ipav'iv'en a ti Kana ntap'ah. Naran palev'la sera m'ertu laha dan a Itsip, kam'i pavpatei Atua arna ptha laha.”
13 #
Avruh 6:2,3. Sarei, a Musis ivr an Atua kavr ti a, “Ipavr ti p'av'a asnr m'ertu a Isrel kavr anr kavr ti a, ‘Atuan a tetiam'i, ittep'a sera kana a ti p'ama asnm'i,’ v'eti nsarei hir apavmiman a kana kavvr ti a, ‘?Nahan iv'i ak?’ ?V'eti p'evr v'ata anr?”
14 #
Rev 1:4,8. Laha, Atua ivr an a Musis, kavr ti a, “Kana nv'i a Kana Nlak Iel. Si laha iv'i sei pavr anr ardu a Isrel. Kana Nv'i a Kana itep'a kana asnm'i.” 15Sarei, Atua ivr an a Musis, kavr ti a, “Pavr anr arm'ertu a Isrel, ‘A Mlin Eia, Atuan a tetiam'i, Atuan a Epraham, Atuan Aisak, Atuan a Sikup, itep'a kana a ti p'ama asnm'i. Ki laha iv'i nahak ikahiris naran, iv'i naha apavv'ahuri naran nl nam'el iamk ipahiris, nki uraur ipama, dav'a dav'a ikahiris.’
16Pav'el katup'ltanr elta udlani a Isrel, kavr anr, kavr ti a, ‘A Mlin Eia, iv'i Atuan a tetiam'i, Atuan a Epraham, Aisak m'ei a Sikup, iv'iv'en Hin asnk, kavr ti a, “Nvrdaui, Kana ntp'ep'a sera kam'i katla sera sei avan a kam'i a Itsip. 17Kana ntvr sarei a ti p'elev'la kam'i arna deram'i a Itsip, a ti pavrav'a arna utar m'ertu a Kenan, m'ertu a Het, m'ertu Amur, m'ertu a Peris, m'ertu a Hivai m'er arm'ertu a Sepus, iv'i nadep' ilini a m'ilik m'a ns sukapak.” ’ 18Sarei, apavv'rn anh. Laha, kam'i m'er eltar m'ertu a Isrel pavrav'a asn mlin a Itsip kavvr ani kavvr ti a, ‘A Mlin Eia, Atuar ardu a Isrel, itv'iv'en sera Hin a kam'em'. Pam'ahu a ti p'vv'el arna nut kaka napn ipatl, a ti p'vtu si dm kinkin nvali asn a Mlin Eia iv'i Atuam'em'.’ 19V'eti nrndu ti mlin a Itsip ikam'ahu a kam'i a ti pavv'el, ipavr ti nkatp'i a lm'a huak.
20Sena si lera p'ah lm'ak karpr m'ertu a Itsip a pari lilil udlani la p'ani a p't nut nar ha. Sarei, ipam'ahu a kam'i a ti pavv'el. 21#Avruh 12:35,36.Laha, p'ani ti arm'ertu a Itsip apavv'ahur m'ertu, a ti naran pavv'el, v'eti mkavv'el vn. 22V'eti tav'et udlani apavmiman anr tav'et avlaktalu anr la avlak mima asn nmahar ha, a ti apavlev' sei avani a silva m'a kul, ulien nen ilil, m'a kalik, a ti kam'i pavtau aranar a netm'i dui m'a tav'et. Apavuada siar ardu a Itsip ipanap'i lera.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia