Avruh 2
2
A Musis iak
(Isrel 11:23)
1Dui iamk, iv'i dui a Livai, iv'a kalev' tav'etan asnr m'ertu a Livai. 2#Parei 7:20; Isrel 11:23.Sarei, itkar kalev' a natn iamk iv'i dui, kala ti iv'i mardel p'as iamk, laha katutuani nal itl. 3Sarei, naran iarndu nut ipatutuani ipanap'ei, iv'a kalev' v'iep' kinkin kani iv'i naten iamk katukari a si kinkin inep'a kulta, a ti nauei ikahma a nln. Laha, katu mardel im'atr a nln kataui al v'iep' a p'ak nauei. 4Sarei, a v'nn ip'tir v'iv'a au a ti ipala v'ata ipatu hin asn mardel pa.
5Laha, vitar na m'akarien avv'el kavsapa p'ak nauei, naran a natn tav'etan a Veru ima auei a ti ipav al nauei. Naran ila naten iter al v'iep', itep'a tav'et na m'akarien iamk a ti ipalav'i. 6Naran iela naten kala mardel karn istu ani, sena ti mardel lera ivalau. Laha, kavr ti a, “Palei, ki laha iv'i net m'ertu a Isrel kinkin iamk.”
7Laha, a v'nn imimani, kavr ti a, “?Kana p'av'a kav'ara tav'et a Isrel ipamk a ti ipatu nunu ani ipav'i nkam?”
8Sarei, a natn tav'etan a Veru ivr ani, kavr ti a, “Pav'el.” Laha, tav'et na m'akarienan iv'a kav'ara an a unia mardel. 9A natn tav'etan a Veru ivr ani, kavr ti a, “Palev' mardel laha, katu nunu ani a ti ipav'i nkak. Kana p'ulh sanan.” Laha, tav'et lera ilav'i kap'auri. 10#Parei 7:21.Dav'a, naran ilil pa, iuirv'a ml asn a natn tav'etan a Veru, ima kav'i a natn. Laha, ivr ti a, “Nahan ipav'i a Musis, sena ti nlev'lei al nauei.”
A Musis iruh kadav'a a Mitian
(Isrel 11:24-25)
11 #
Parei 7:23-28. #
Isrel 11:24. Arna napn iamk, naran a Musis ilil, iv'a asnr tv'aln a ti ipala nut avan pari hua inap'ei. Kala dui a Itsip iamk irp dui a Isrel iamk, iv'i tv'aln. 12Laha, ip'atalu a nut, v'eti iala m'ertu kinkin ipamk, sarei irpep'n dui a Itsip lahara katini al nun. 13M'ih nen iv'el ml kala dui arru a Isrel arththr. Laha, iv'ana m'a tv'aln la ien si stu ha, kavr ti a, “?Parn, inap'i hin kutakm a tv'alm?”
14Sarei, hin ivrprani, kavr ti a, “?Hin ak itauh a ti pav'i mlin kap'aur kam'em'? ?Nakm krn ti parp kana ml ipanep'a nut krp dui a Itsip inap'ei?” Laha, a Musis idedrn istudau arna nln, kavr ti a, “Nvrdaui, nelnal atvrndu sera si lera.” 15#Parei 7:29; Isrel 11:27.Sarei, naran a Veru irn si lera, hin irn ti iparp a Musis. Laha, a Musis iruh arna nahn a Veru kadav'a arna nut a Mitian kalak asn tah na nauei iamk.
16Laha, pris arna nut a Mitian, a natn tav'et avsaru. Hir avrama kavev' nauei a ti ipalin tah kinkin ahli sena sivsivan a tetiar apavm'ni. 17Sarei, dui kinkin avp'aur sivsiv avrama kavtp'av'r avruh. Laha, a Musis ip'tir kasr lm'ar katu nauei a sivsivar avm'ni.
18Laha, naran hir atvrama sarei asn a tetiar iv'i a Ruil (Sitru), hin ivr ti a, “?Inap'i hin kvrama ilahml dika?”
19Hir avvrprani kavvr ti a, “Dui a Itsip iamk isr lm'am'em' asnr ardu avp'aurr sivsiv, kav' nauei katau anr sivsiv iviviln anr udlani.”
20Laha, hin ivr anr a natn tav'et, kavr ti a, “?Hini? ?Inap'i hin kam'i kvlni? Pavv'ara ani a ti ipama kahan tim'ah m'a nakd.”
21Sarei, a Musis irn ip'as a ti ipalak asn dui lera. Laha, itau a Sipura iv'i a natn tav'et ani a ti ipav'i a naun. 22Sarei, itkar kalev' a natn iamk iv'i dui. A Musis itu nahan iv'i a Kersum, sena ti ivr ti a, “Kana ndv'i v'anudl arna nadep' laha.”
23Itauatah, dav'a dav'a, a mlin a Itsip im'a. Laha, arm'ertu a Isrel udlani v'ahienar idv ihuadau sena ti atp'r ihuadau arna parei avani. Laha, avv'ara eia. Laha, tklienar sena si dvar ier Atua. 24#Ap'u 15:13,14.Laha, naran Atua itrn sera tklienar, iv'ahur turanienan iani m'ei a Epraham, Aisak m'ei a Sikup. 25Laha, Atua ip'ar arm'ertu a Isrel kav'ahurr.
Currently Selected:
Avruh 2: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia
Avruh 2
2
A Musis iak
(Isrel 11:23)
1Dui iamk, iv'i dui a Livai, iv'a kalev' tav'etan asnr m'ertu a Livai. 2#Parei 7:20; Isrel 11:23.Sarei, itkar kalev' a natn iamk iv'i dui, kala ti iv'i mardel p'as iamk, laha katutuani nal itl. 3Sarei, naran iarndu nut ipatutuani ipanap'ei, iv'a kalev' v'iep' kinkin kani iv'i naten iamk katukari a si kinkin inep'a kulta, a ti nauei ikahma a nln. Laha, katu mardel im'atr a nln kataui al v'iep' a p'ak nauei. 4Sarei, a v'nn ip'tir v'iv'a au a ti ipala v'ata ipatu hin asn mardel pa.
5Laha, vitar na m'akarien avv'el kavsapa p'ak nauei, naran a natn tav'etan a Veru ima auei a ti ipav al nauei. Naran ila naten iter al v'iep', itep'a tav'et na m'akarien iamk a ti ipalav'i. 6Naran iela naten kala mardel karn istu ani, sena ti mardel lera ivalau. Laha, kavr ti a, “Palei, ki laha iv'i net m'ertu a Isrel kinkin iamk.”
7Laha, a v'nn imimani, kavr ti a, “?Kana p'av'a kav'ara tav'et a Isrel ipamk a ti ipatu nunu ani ipav'i nkam?”
8Sarei, a natn tav'etan a Veru ivr ani, kavr ti a, “Pav'el.” Laha, tav'et na m'akarienan iv'a kav'ara an a unia mardel. 9A natn tav'etan a Veru ivr ani, kavr ti a, “Palev' mardel laha, katu nunu ani a ti ipav'i nkak. Kana p'ulh sanan.” Laha, tav'et lera ilav'i kap'auri. 10#Parei 7:21.Dav'a, naran ilil pa, iuirv'a ml asn a natn tav'etan a Veru, ima kav'i a natn. Laha, ivr ti a, “Nahan ipav'i a Musis, sena ti nlev'lei al nauei.”
A Musis iruh kadav'a a Mitian
(Isrel 11:24-25)
11 #
Parei 7:23-28. #
Isrel 11:24. Arna napn iamk, naran a Musis ilil, iv'a asnr tv'aln a ti ipala nut avan pari hua inap'ei. Kala dui a Itsip iamk irp dui a Isrel iamk, iv'i tv'aln. 12Laha, ip'atalu a nut, v'eti iala m'ertu kinkin ipamk, sarei irpep'n dui a Itsip lahara katini al nun. 13M'ih nen iv'el ml kala dui arru a Isrel arththr. Laha, iv'ana m'a tv'aln la ien si stu ha, kavr ti a, “?Parn, inap'i hin kutakm a tv'alm?”
14Sarei, hin ivrprani, kavr ti a, “?Hin ak itauh a ti pav'i mlin kap'aur kam'em'? ?Nakm krn ti parp kana ml ipanep'a nut krp dui a Itsip inap'ei?” Laha, a Musis idedrn istudau arna nln, kavr ti a, “Nvrdaui, nelnal atvrndu sera si lera.” 15#Parei 7:29; Isrel 11:27.Sarei, naran a Veru irn si lera, hin irn ti iparp a Musis. Laha, a Musis iruh arna nahn a Veru kadav'a arna nut a Mitian kalak asn tah na nauei iamk.
16Laha, pris arna nut a Mitian, a natn tav'et avsaru. Hir avrama kavev' nauei a ti ipalin tah kinkin ahli sena sivsivan a tetiar apavm'ni. 17Sarei, dui kinkin avp'aur sivsiv avrama kavtp'av'r avruh. Laha, a Musis ip'tir kasr lm'ar katu nauei a sivsivar avm'ni.
18Laha, naran hir atvrama sarei asn a tetiar iv'i a Ruil (Sitru), hin ivr ti a, “?Inap'i hin kvrama ilahml dika?”
19Hir avvrprani kavvr ti a, “Dui a Itsip iamk isr lm'am'em' asnr ardu avp'aurr sivsiv, kav' nauei katau anr sivsiv iviviln anr udlani.”
20Laha, hin ivr anr a natn tav'et, kavr ti a, “?Hini? ?Inap'i hin kam'i kvlni? Pavv'ara ani a ti ipama kahan tim'ah m'a nakd.”
21Sarei, a Musis irn ip'as a ti ipalak asn dui lera. Laha, itau a Sipura iv'i a natn tav'et ani a ti ipav'i a naun. 22Sarei, itkar kalev' a natn iamk iv'i dui. A Musis itu nahan iv'i a Kersum, sena ti ivr ti a, “Kana ndv'i v'anudl arna nadep' laha.”
23Itauatah, dav'a dav'a, a mlin a Itsip im'a. Laha, arm'ertu a Isrel udlani v'ahienar idv ihuadau sena ti atp'r ihuadau arna parei avani. Laha, avv'ara eia. Laha, tklienar sena si dvar ier Atua. 24#Ap'u 15:13,14.Laha, naran Atua itrn sera tklienar, iv'ahur turanienan iani m'ei a Epraham, Aisak m'ei a Sikup. 25Laha, Atua ip'ar arm'ertu a Isrel kav'ahurr.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia