I Korintho 4
4
1Mundu atiwalange ngati wakutumakila wake Kristo, ni wakugoha fya kuhyetu fya Mulungu. 2Bahapa muni kulondekaga pa wakugoha, kukita mundu akoleke wakukeleka. 3Koma kwa nenga kichoko nyamhope kukita nipauliki nu mwenga, pangi na wandu: ena, niyipaula lepa namwene. 4Pakuya nikimanya lepa kindu kyakunipisa mbifu; koma pa iki nigoloseka lepa: koma wakunipaula ayii Bambo. 5Mumu musipaula kandu palongolo pa lukumbi, mpaka apa Bambo yafike, uyu yamalakise fyakuyiwalika fya lwisi, na yalase pa lulanga maholo ga pa mioyo; na bahalapala mundu ayi yoha yapate malumbo gake kuhuma pa Mulungu.
6Leka aga, walongo, niyandungini pa nenga nu Apollo ndawa ya mwenga; nausi pa tenga muyiyigalise nukulutalila lepa pa fila filembiki; kukita naa yumonga wa mwenga kwikwisa ndawa ya yumonga kumpindika yungi. 7Pakuya nani akupatulana? leka kiki uyii nakyo kila ukayupiti lepa? leka wona ukakiyupiti, ndawa kiki uyihikalila ngati ulemiti kukiyupa? 8Mumaliti kutupila, mumaliti kuya wakafi, pangali tenga mutamilingani watwa; ena, mbanga ngamuyili watwa, nausi tenga ngatitemi watwa pamonga nu mwenga. 9Pakuya nihola kukita Mulungu akatilasiti tenga maapostolo wakumalakila, ngati pasi pa kufwa: pakuya tikitika finyau kwa ndima, kwa wakamalaika na kwa wandu. 10Tenga tiyii wahimu ndawa ya Kristo, koma mwenga wene luhala mwa Kristo; tenga wakulegaleka, leka mwenga wa makakala; mwenga wakukwisika, leka tenga wangali liginiko. 11Mpaka saa ya hino apa tiwona njala, ni tiwona nywita, na titama kibuna, na titoweka, na titamasika lepa; 12na tikita ukiki pa mahengo ga mawoko gitu tawete: pakudogeka, tipela kihomo; 13wakukimbisika, tiyumalakila; pakujoweka, tipembesa; tikitika ngati mandu ga ndima, ngati makogoto ga fyoha, mpaka hino apa.
14Nilemba ifi, nukuya kuwalekelela lihamu, koma kuwakila ngati wana wangu wakuganika. 15Pakuya wona mukatemi ni walimu elfu kumi mwa Kristo, leka nukuya wakadadi wa mahele: pakuya mwa Kristo Yesu nikawahogwili pa evangel. 16Mumu niwapembesa munikise nenga. 17Kwa ndawa iyi nintumiti Timoteo, mwana wangu wakuganika ni wakukeleka mwa Bambo, uyu yawakumbukise mwenga ndila syangu, sila siyii mwa Kristo, umu niyigalisila pandu poha pa kanisa liyi lyoha. 18Leka wangi wayikwisiti, ngati nenga nukuyicha lepa kwinu. 19Koma yaniwachile nyata, wona Bambo alonda; ni yanimanye, nukuya malowe ga wala wayikwisiti, koma makakala gawe. 20Pakuya utwa wa Mulungu nukuya pa lilowe, koma pa makakala. 21Mulonda kiki? niwachile mwenga ni ndonga? pangi pa kiganano ni roho yakwiselesa?
Currently Selected:
I Korintho 4: MGS1937
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.
I Korintho 4
4
1Mundu atiwalange ngati wakutumakila wake Kristo, ni wakugoha fya kuhyetu fya Mulungu. 2Bahapa muni kulondekaga pa wakugoha, kukita mundu akoleke wakukeleka. 3Koma kwa nenga kichoko nyamhope kukita nipauliki nu mwenga, pangi na wandu: ena, niyipaula lepa namwene. 4Pakuya nikimanya lepa kindu kyakunipisa mbifu; koma pa iki nigoloseka lepa: koma wakunipaula ayii Bambo. 5Mumu musipaula kandu palongolo pa lukumbi, mpaka apa Bambo yafike, uyu yamalakise fyakuyiwalika fya lwisi, na yalase pa lulanga maholo ga pa mioyo; na bahalapala mundu ayi yoha yapate malumbo gake kuhuma pa Mulungu.
6Leka aga, walongo, niyandungini pa nenga nu Apollo ndawa ya mwenga; nausi pa tenga muyiyigalise nukulutalila lepa pa fila filembiki; kukita naa yumonga wa mwenga kwikwisa ndawa ya yumonga kumpindika yungi. 7Pakuya nani akupatulana? leka kiki uyii nakyo kila ukayupiti lepa? leka wona ukakiyupiti, ndawa kiki uyihikalila ngati ulemiti kukiyupa? 8Mumaliti kutupila, mumaliti kuya wakafi, pangali tenga mutamilingani watwa; ena, mbanga ngamuyili watwa, nausi tenga ngatitemi watwa pamonga nu mwenga. 9Pakuya nihola kukita Mulungu akatilasiti tenga maapostolo wakumalakila, ngati pasi pa kufwa: pakuya tikitika finyau kwa ndima, kwa wakamalaika na kwa wandu. 10Tenga tiyii wahimu ndawa ya Kristo, koma mwenga wene luhala mwa Kristo; tenga wakulegaleka, leka mwenga wa makakala; mwenga wakukwisika, leka tenga wangali liginiko. 11Mpaka saa ya hino apa tiwona njala, ni tiwona nywita, na titama kibuna, na titoweka, na titamasika lepa; 12na tikita ukiki pa mahengo ga mawoko gitu tawete: pakudogeka, tipela kihomo; 13wakukimbisika, tiyumalakila; pakujoweka, tipembesa; tikitika ngati mandu ga ndima, ngati makogoto ga fyoha, mpaka hino apa.
14Nilemba ifi, nukuya kuwalekelela lihamu, koma kuwakila ngati wana wangu wakuganika. 15Pakuya wona mukatemi ni walimu elfu kumi mwa Kristo, leka nukuya wakadadi wa mahele: pakuya mwa Kristo Yesu nikawahogwili pa evangel. 16Mumu niwapembesa munikise nenga. 17Kwa ndawa iyi nintumiti Timoteo, mwana wangu wakuganika ni wakukeleka mwa Bambo, uyu yawakumbukise mwenga ndila syangu, sila siyii mwa Kristo, umu niyigalisila pandu poha pa kanisa liyi lyoha. 18Leka wangi wayikwisiti, ngati nenga nukuyicha lepa kwinu. 19Koma yaniwachile nyata, wona Bambo alonda; ni yanimanye, nukuya malowe ga wala wayikwisiti, koma makakala gawe. 20Pakuya utwa wa Mulungu nukuya pa lilowe, koma pa makakala. 21Mulonda kiki? niwachile mwenga ni ndonga? pangi pa kiganano ni roho yakwiselesa?
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.