I Korintho 3
3
1Na nenga, walongo, nikahotwili lepa kulongela na mwenga ngati kwa wa pa roho, koma ngati wa pa nyama, ngati kwa wakeke mwa Kristo. 2Nikawanywesiti lisiwa, nukuya kyakulya; pakuya mukalinganili lepa: ena, mpaka hino, muhotola lepa; 3pakuya mpaka hino muyii wa pa nyama: ndawa pagati pa mwenga wifu ni kutumbulana, si mwenga wa pa nyama, wakugendagenda kwa ndingo wa wandu? 4Pakuya pala mundu ajowa, Nenga wa Paolo; nu yungi, Nenga wa Apollo; si mwenga wandu? 5Mumu kiki Apollo? ni kiki Paolo? Wakutumakila pa wala mukakeliti; ni ayi yoha umu Bambo akampelakili. 6Nenga nikapanditi, Apollo akalekili machi; koma Mulungu akayonjakasili. 7Mpaka wakupanda nukuya kandu, haka wakulekela machi; koma Mulungu uyu ayonjakesela. 8Leka wakupanda nu wakulekela machi kimonga‐monga: koma ayi yoha yaayupe njombe yake mwene kwa ndingo wa mahengo gake. 9Pakuya tiyii wakuhenga lihengo pamonga nu Mulungu: mwenga muyii kilimo kya Mulungu, kajengeko ka Mulungu.
10Kwa ndingo wa neema ya Mulungu yila yikapeliwi kwa nenga, ngati fundi wakujenga mwene luhala nikawikiti kyakuwikika pasi; leka yungi ajenga nyumba panani pake. Koma mundu ayi yoha alole wicho umu ajengela panani. 11Pakuya kyakuwikika pasi kingi naa mundu ahotola kukiwika lema kila kikawikiki, yuyu Yesu Kristo. 12Koma wona mundu ayi yoha ajenga panani pa kyakuwikika pasi zahabu, ndalama, maganga ga uhemesi, mikongo, linyasi, madete; 13lihengo lya mundu ayi yoha yalilasike pa lulanga: ndawa ligono lililalila yalipisike pa lulanga, pakukita lifunukulika nu mwoto; nu mwoto wene yaulinganise lihengo lya mundu ayi yoha lya ntundu wuli liyii. 14Lihengo lya mundu ayi yoha, wona lihweliti, lila akalijengili panani, yaaye ni njombe. 15Lihengo lya mundu ayi yoha, wona litinikasika, yalipisike: koma yombe mwene yayokoleke; leka ngati kupita pa mwoto.
16Mumanya lepa, ati, kukita muyii hekalu ya Mulungu, nu Roho wa Mulungu ahwela mwa mwenga? 17Wona mundu ayi yoha ayananga hekalu ya Mulungu, yula Mulungu yanjanange; pakuya hekalu ya Mulungu yiyii yiwalafu, yila muyili.
18Mundu akotoke kwikonga. Mundu ayi yoha wona awalanga kukita mwene luhala ayii pa mwenga pa miaka iyi, aye mhimu, nausi akitike mwene luhala. 19Pakuya luhala lwa ndima uwu luyii uhimu palongolo pa Mulungu. Pakuya yilembiki, Awategela wa luhala pa kuchenjela kwawe: 20na, Bambo amanya maholo ga wa luhala, kukita gayii mfuki wa waka. 21Mumu mundu asiyihikalila pa wandu. Pakuya fyoha fiyii finu; 22pangi Paolo, pangi Apollo, pangi Kefa, pangi ndima, pangi wumi, pangi kifwa, pangi fila fiyii bahapa, pangi fila fiyii mu kuhicha; 23fyoha fiyii finu; na mwenga muyii wake Kristo; nu Kristo ayii wake Mulungu.
Currently Selected:
I Korintho 3: MGS1937
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.
I Korintho 3
3
1Na nenga, walongo, nikahotwili lepa kulongela na mwenga ngati kwa wa pa roho, koma ngati wa pa nyama, ngati kwa wakeke mwa Kristo. 2Nikawanywesiti lisiwa, nukuya kyakulya; pakuya mukalinganili lepa: ena, mpaka hino, muhotola lepa; 3pakuya mpaka hino muyii wa pa nyama: ndawa pagati pa mwenga wifu ni kutumbulana, si mwenga wa pa nyama, wakugendagenda kwa ndingo wa wandu? 4Pakuya pala mundu ajowa, Nenga wa Paolo; nu yungi, Nenga wa Apollo; si mwenga wandu? 5Mumu kiki Apollo? ni kiki Paolo? Wakutumakila pa wala mukakeliti; ni ayi yoha umu Bambo akampelakili. 6Nenga nikapanditi, Apollo akalekili machi; koma Mulungu akayonjakasili. 7Mpaka wakupanda nukuya kandu, haka wakulekela machi; koma Mulungu uyu ayonjakesela. 8Leka wakupanda nu wakulekela machi kimonga‐monga: koma ayi yoha yaayupe njombe yake mwene kwa ndingo wa mahengo gake. 9Pakuya tiyii wakuhenga lihengo pamonga nu Mulungu: mwenga muyii kilimo kya Mulungu, kajengeko ka Mulungu.
10Kwa ndingo wa neema ya Mulungu yila yikapeliwi kwa nenga, ngati fundi wakujenga mwene luhala nikawikiti kyakuwikika pasi; leka yungi ajenga nyumba panani pake. Koma mundu ayi yoha alole wicho umu ajengela panani. 11Pakuya kyakuwikika pasi kingi naa mundu ahotola kukiwika lema kila kikawikiki, yuyu Yesu Kristo. 12Koma wona mundu ayi yoha ajenga panani pa kyakuwikika pasi zahabu, ndalama, maganga ga uhemesi, mikongo, linyasi, madete; 13lihengo lya mundu ayi yoha yalilasike pa lulanga: ndawa ligono lililalila yalipisike pa lulanga, pakukita lifunukulika nu mwoto; nu mwoto wene yaulinganise lihengo lya mundu ayi yoha lya ntundu wuli liyii. 14Lihengo lya mundu ayi yoha, wona lihweliti, lila akalijengili panani, yaaye ni njombe. 15Lihengo lya mundu ayi yoha, wona litinikasika, yalipisike: koma yombe mwene yayokoleke; leka ngati kupita pa mwoto.
16Mumanya lepa, ati, kukita muyii hekalu ya Mulungu, nu Roho wa Mulungu ahwela mwa mwenga? 17Wona mundu ayi yoha ayananga hekalu ya Mulungu, yula Mulungu yanjanange; pakuya hekalu ya Mulungu yiyii yiwalafu, yila muyili.
18Mundu akotoke kwikonga. Mundu ayi yoha wona awalanga kukita mwene luhala ayii pa mwenga pa miaka iyi, aye mhimu, nausi akitike mwene luhala. 19Pakuya luhala lwa ndima uwu luyii uhimu palongolo pa Mulungu. Pakuya yilembiki, Awategela wa luhala pa kuchenjela kwawe: 20na, Bambo amanya maholo ga wa luhala, kukita gayii mfuki wa waka. 21Mumu mundu asiyihikalila pa wandu. Pakuya fyoha fiyii finu; 22pangi Paolo, pangi Apollo, pangi Kefa, pangi ndima, pangi wumi, pangi kifwa, pangi fila fiyii bahapa, pangi fila fiyii mu kuhicha; 23fyoha fiyii finu; na mwenga muyii wake Kristo; nu Kristo ayii wake Mulungu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.