ROM 9
9
Pasian in Israel Mite A Teelna
1Kei, Khrih tawh kipawl ka hih manin zuauthu ka gen thei kei hi. Kha Siangtho lamlahna tawh, ka lungsim kitheihna-ah zuau gen hetloin a mantakin ka gen thu in: 2Leitung silesa ah ka mipihte a dingin nakpitakin dahin ka lunggimna a khang hi. 3Hi thei ding hileh amaute’ hoih nadingin keimah in Pasian’ samsiatna thuakin Khrih tawh kikhen nading ciang dong nangawnin amaute ka huhnuam hi. 4Amaute pen Pasian’ teel Israel mite hi a, Pasian in ama ta-in bawlin a minthanna a hopte, amaute tungah thuciamna bawlin Thukham a piakte, a man taktakin biaktheihna nei-in thuciamna a ngahte,#Pai 9:4. 5le a thupi pupite’ suanlekhakte hi uh a, leitung silesa tawh kisai-in Khrih zong amau minam sung panin a piang ahi hi. Hih thute hangin mi khempeuh in na khempeuh a uk Pasian phat tawntung ta uh hen! Amen.
6Ahi zongin Pasian’ thuciamnate a mawkna a suak hi sam lo hi. Bang hang hiam cih leh Israel mi khempeuh Pasian’ teel mi hi khin lo hi. 7Abraham’ suanlekhak khempeuh zong Pasian’ tate hi kim lo hi. Pasian in Abraham kiangah, “Na ta Isaac’ suanlekhakte bek nangma suanlekhakin kisim ding hi,” ci hi.#Pian 21:12. 8Tua ahih manin leitung ngeina tawh a suak tate pen Pasian’ ta hi lo a, Pasian’ thuciamna tawh kizui-a a suakte bek suanlekhak taktakin a kisim pan hizaw hi. 9Bang hang hiam cih leh Pasian in hih bangin thuciamna bawl a, “A hun a tun ciangin kong paikik ding a, Sarah in tapa khat a nei ding hi,” ci hi.#Pian 18:10.
10Tua bek zong hi lo lai hi. Rebekah in eite’ pupi Isaac tawh tapa nih nei hi. 11Pasian’ teelna pen a teel mite’ nasepna hang hi loin Pasian’ sapna tawh kisaizaw hi, ci-in a kilat nadingin a tate a sia a pha a gamtat theihma, a suahma pek mahin 12Rebekah kiangah Pasian in, “A uzaw in a nauzaw’ na sem ding hi,” na ci khinzo hi.#Pian 25:23. 13Tua mah bangin Lai Siangtho sungah, “Jakob ka it a, Esau ka mudah hi,” ci-in kigelh hi.#Mal 1:2-3.
14Tua bang ahihleh Pasian thutang lo hi, a kici thei ding hiam? Kici thei lo ding hi. 15Bang hang hiam cih leh Pasian in Moses kiangah, “Ka hehpih nopte ka hehpih ding a, ka khasiat nopte ka khasiat ding hi,” ci hi.#Pai 33:19. 16Tua ahih ciangin mite’ utna le sepna tawh kisai lo a, Pasian’ hehpihna bek tawh kisaizaw hi. 17Bang hang hiam cih leh Lai Siangtho sungah Pasian in Faro kiangah, “Ka vangliatna lah nading le leitung khempeuhah ka min a kitheih nadingin kong zatnop manin kumpi a hong suaksak ka hi hi,” ci hi.#Pai 9:16. 18Tua ahih manin Pasian in a hehpih nopte hehpih a, a paupeensak nopte paupeengsak hi.
19Note in, “Tua bang ahihleh bang hangin Pasian in mi mawhsak thei ahi hiam? Pasian’ cihsa kua in kheelzo ding ahi hiam?” na cinuam kha ding uh hi. 20Lawmte aw, ahi zongin kua in Pasian’ thu nialngam ding na hi uh hiam? Beel in amah a seekpa kiangah, “Bang hangin tua bangin hong seek na hi hiam?” ci ngei lo hi.#Isa 29:16; 45:9. 21Beelseek pa in tungman lomkhat sung panin hun thupi diakin zat ding beel le zat mawkmawk ding beelin a ututin seektheih nading thu a nei hi. 22Tua mah bangin Pasian in zong a beisa hunah siatna a thuak dingin a kilawm mite susia loin a ki-ipipna mite tungah a hehna le a vangliatna a lahtheih nading thu a neih mah bangin, 23ama minthanna a lahtheih nadingin ama minthanna a ngah dingin a hong sehsa eite tungah zong ama hehpihna a hong piaktheih nading thu a nei hi. 24Tua bangin a hong sap eite pen Jew mite sung bek pan hi loin Gentail mite sung panin zong ahi hi. 25Hosea Lai Siangtho sungah,
“Keima mi a hilote,
‘Keima mi,’ ka ci ding a,
ka it loh mite,
‘Ka itte,’ ka ci ding hi.#Hos 2:23.
26‘Ka mite hi kei uh teh,’
a kicihna leitang teekteek mahah,
‘A nungta
Pasian’ tate na hi uh hi,’ kici ding hi,”
ci-in kigelh hi.#Hos 1:10.
27Isaiah in Israel mite’ thu a genna-ah, “Israel mite, tuipi gei-a sehnel zahin a tam hangin mi tawmno khat bek suakta ding uh hi. 28Bang hang hiam cih leh Topa in leitung mite thu hong khen baih ding hi,” ci hi.#Isa 10:22-23. 29Hih thu pen Isaiah mah in, “Vanglian Topa in eite’ suanlekhak ding hong siitsak lo hileh Sodom khua le Gomorrah khuamite i bang ding hi,” ci-in a genkholhsa thu ahi hi.#Isa 1:9.
Lungdamna Thu, Israel Mite a’ ding Zong Ahi Hi
30Tua ahihleh Pasian tawh kipawl theih nading hanciamna a nei lo Gentail mite pen upna hangin Pasian tawh kipawlthei a, 31Pasian tawh a kipawl theih nadingin thukham zuihna tawh hanciam napi-in a zuih zawh lohna hangun Israel mite kipawl thei lo ahihleh a bangci thu ahi hiam? 32Amaute in upna suang loin nasepna a suan hang uh ahi hi. Amaute pen Lai Siangtho in a gen mah bangin, “Puk nading suang,” a kici tungah a pukkha uh ahi hi. 33Lai Siangtho in,
“En un, keimah in Zion-ah
mite a muktuk theih nading,
mite a puktheih nading
suang khat ka koih hi.
Ahi zongin
amah a muang mite khempeuh
tavai cih om ngei lo ding hi,”
ci hi.#Isa 28:16.
Currently Selected:
ROM 9: TDB
Highlight
Share
Copy
Want to have your highlights saved across all your devices? Sign up or sign in
Tedim (Chin) Bible © Bible Society of Myanmar, 2011.
ROM 9
9
Pasian in Israel Mite A Teelna
1Kei, Khrih tawh kipawl ka hih manin zuauthu ka gen thei kei hi. Kha Siangtho lamlahna tawh, ka lungsim kitheihna-ah zuau gen hetloin a mantakin ka gen thu in: 2Leitung silesa ah ka mipihte a dingin nakpitakin dahin ka lunggimna a khang hi. 3Hi thei ding hileh amaute’ hoih nadingin keimah in Pasian’ samsiatna thuakin Khrih tawh kikhen nading ciang dong nangawnin amaute ka huhnuam hi. 4Amaute pen Pasian’ teel Israel mite hi a, Pasian in ama ta-in bawlin a minthanna a hopte, amaute tungah thuciamna bawlin Thukham a piakte, a man taktakin biaktheihna nei-in thuciamna a ngahte,#Pai 9:4. 5le a thupi pupite’ suanlekhakte hi uh a, leitung silesa tawh kisai-in Khrih zong amau minam sung panin a piang ahi hi. Hih thute hangin mi khempeuh in na khempeuh a uk Pasian phat tawntung ta uh hen! Amen.
6Ahi zongin Pasian’ thuciamnate a mawkna a suak hi sam lo hi. Bang hang hiam cih leh Israel mi khempeuh Pasian’ teel mi hi khin lo hi. 7Abraham’ suanlekhak khempeuh zong Pasian’ tate hi kim lo hi. Pasian in Abraham kiangah, “Na ta Isaac’ suanlekhakte bek nangma suanlekhakin kisim ding hi,” ci hi.#Pian 21:12. 8Tua ahih manin leitung ngeina tawh a suak tate pen Pasian’ ta hi lo a, Pasian’ thuciamna tawh kizui-a a suakte bek suanlekhak taktakin a kisim pan hizaw hi. 9Bang hang hiam cih leh Pasian in hih bangin thuciamna bawl a, “A hun a tun ciangin kong paikik ding a, Sarah in tapa khat a nei ding hi,” ci hi.#Pian 18:10.
10Tua bek zong hi lo lai hi. Rebekah in eite’ pupi Isaac tawh tapa nih nei hi. 11Pasian’ teelna pen a teel mite’ nasepna hang hi loin Pasian’ sapna tawh kisaizaw hi, ci-in a kilat nadingin a tate a sia a pha a gamtat theihma, a suahma pek mahin 12Rebekah kiangah Pasian in, “A uzaw in a nauzaw’ na sem ding hi,” na ci khinzo hi.#Pian 25:23. 13Tua mah bangin Lai Siangtho sungah, “Jakob ka it a, Esau ka mudah hi,” ci-in kigelh hi.#Mal 1:2-3.
14Tua bang ahihleh Pasian thutang lo hi, a kici thei ding hiam? Kici thei lo ding hi. 15Bang hang hiam cih leh Pasian in Moses kiangah, “Ka hehpih nopte ka hehpih ding a, ka khasiat nopte ka khasiat ding hi,” ci hi.#Pai 33:19. 16Tua ahih ciangin mite’ utna le sepna tawh kisai lo a, Pasian’ hehpihna bek tawh kisaizaw hi. 17Bang hang hiam cih leh Lai Siangtho sungah Pasian in Faro kiangah, “Ka vangliatna lah nading le leitung khempeuhah ka min a kitheih nadingin kong zatnop manin kumpi a hong suaksak ka hi hi,” ci hi.#Pai 9:16. 18Tua ahih manin Pasian in a hehpih nopte hehpih a, a paupeensak nopte paupeengsak hi.
19Note in, “Tua bang ahihleh bang hangin Pasian in mi mawhsak thei ahi hiam? Pasian’ cihsa kua in kheelzo ding ahi hiam?” na cinuam kha ding uh hi. 20Lawmte aw, ahi zongin kua in Pasian’ thu nialngam ding na hi uh hiam? Beel in amah a seekpa kiangah, “Bang hangin tua bangin hong seek na hi hiam?” ci ngei lo hi.#Isa 29:16; 45:9. 21Beelseek pa in tungman lomkhat sung panin hun thupi diakin zat ding beel le zat mawkmawk ding beelin a ututin seektheih nading thu a nei hi. 22Tua mah bangin Pasian in zong a beisa hunah siatna a thuak dingin a kilawm mite susia loin a ki-ipipna mite tungah a hehna le a vangliatna a lahtheih nading thu a neih mah bangin, 23ama minthanna a lahtheih nadingin ama minthanna a ngah dingin a hong sehsa eite tungah zong ama hehpihna a hong piaktheih nading thu a nei hi. 24Tua bangin a hong sap eite pen Jew mite sung bek pan hi loin Gentail mite sung panin zong ahi hi. 25Hosea Lai Siangtho sungah,
“Keima mi a hilote,
‘Keima mi,’ ka ci ding a,
ka it loh mite,
‘Ka itte,’ ka ci ding hi.#Hos 2:23.
26‘Ka mite hi kei uh teh,’
a kicihna leitang teekteek mahah,
‘A nungta
Pasian’ tate na hi uh hi,’ kici ding hi,”
ci-in kigelh hi.#Hos 1:10.
27Isaiah in Israel mite’ thu a genna-ah, “Israel mite, tuipi gei-a sehnel zahin a tam hangin mi tawmno khat bek suakta ding uh hi. 28Bang hang hiam cih leh Topa in leitung mite thu hong khen baih ding hi,” ci hi.#Isa 10:22-23. 29Hih thu pen Isaiah mah in, “Vanglian Topa in eite’ suanlekhak ding hong siitsak lo hileh Sodom khua le Gomorrah khuamite i bang ding hi,” ci-in a genkholhsa thu ahi hi.#Isa 1:9.
Lungdamna Thu, Israel Mite a’ ding Zong Ahi Hi
30Tua ahihleh Pasian tawh kipawl theih nading hanciamna a nei lo Gentail mite pen upna hangin Pasian tawh kipawlthei a, 31Pasian tawh a kipawl theih nadingin thukham zuihna tawh hanciam napi-in a zuih zawh lohna hangun Israel mite kipawl thei lo ahihleh a bangci thu ahi hiam? 32Amaute in upna suang loin nasepna a suan hang uh ahi hi. Amaute pen Lai Siangtho in a gen mah bangin, “Puk nading suang,” a kici tungah a pukkha uh ahi hi. 33Lai Siangtho in,
“En un, keimah in Zion-ah
mite a muktuk theih nading,
mite a puktheih nading
suang khat ka koih hi.
Ahi zongin
amah a muang mite khempeuh
tavai cih om ngei lo ding hi,”
ci hi.#Isa 28:16.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tedim (Chin) Bible © Bible Society of Myanmar, 2011.