ROM 10
10
1Sanggamte aw, i mipihte in hotkhiatna a ngah nading deihsakin lungsim takpi tawh Pasian kiangah thu ka ngetsak hi. 2Amaute in Pasian a kin mahmah lamtak uh thei-in teci-in ka pang ngam hi. Ahi zongin amaute in a man lampi tawh kin kha lo uh hi. 3Amaute in Pasian tawh kipawl theih nading lampi man thei loin amau theihtawmna tawh hanciam kha uh ahih manin amah tawh kipawl theih nadingin lampi a khun’ zui kha lo uh hi. 4Bang hang hiam cih leh upna a nei mi khempeuh Pasian tawh a kipawl theih nadingin Khrih in Thukham a beisak hi.
5Moses in a laigelhna sungah, “Thukham deihna bangin a gamtazo mi khempeuh a nungta ding hi,” ci-in Thukham zuihna hangin Pasian tawh kipawl theih nading thu a na gen hi.#Siam 18:5. 6-7Ahi zongin upna hangin Pasian tawh kipawl theihna thu a kigenna-ah, “Vantungah kua va paito ding a,” ci kei unla, “Leinuai-ah kua va paisuk ding ahi hiam?” zong ci kei un, ci hi. Tua a cihna pen vantung panin Khrih a lasuk ding le sihna panin a thosak ding cihna ahi hi. 8Tua bang a cih ciangin, “Pasian’ thu pen nai mahmahin note kam sung le na lungsim sung uhah om hi,” a cihnopna ahi hi. Tua Pasian’ thu pen kote’ hilhhilh, “Pasian um un,” cihna thu ahi hi.#Thkna 30:12-14. 9Jesuh pen Topa hi, ci-in mite kiangah genin, Pasian in sihna panin amah hingkiksak zo hi, ci-in na lungsim sung uhah na up taktak uhleh hotkhiatna na ngah ding uh hi. 10Bang hang hiam cih leh i lungsim ah i up taktakna hangin Pasian tawh kipawl theihna kingah a, i kamin i genna hangin hotkhiatna a kingah ahi hi. 11Lai Siangtho in, “Amah a um mi peuhmah tavai lo ding hi,” ci hi.#Isa 28:16. 12Bang hang hiam cih leh Jew mi le Gentail mi a kideidanna om lo ahih manin Topa pen mi khempeuh’ Topa hi kim a, ama kiangah a ngen khempeuh tungah thupha tampi tak a pia hi. 13Lai Siangtho in zong, “Topa tungah huhna a ngen khempeuhte in hotkhiatna a ngah ding uh hi,” ci hi.#Joel 2:32.
14Ahi zongin a up loh pa uh tungah kua in thu ngen thei ding ahi hiam? Ama thu za ngei kei leh kua in a thu um thei ding ahi hiam? Ama thu kigen kei leh kua in za thei ding ahi hiam? 15A gen dingin kisawl kei leh kua in a thu gen thei ding ahi hiam? Tua ahih manin Lai Siangtho sungah, “Lungdamna thu a hilh dingin a hong pai mite hangin kinuam mahmah hi,” ci-in kigelh hi.#Isa 52:7. 16Ahi zongin Isaiah in, “Topa aw, ka thugente uh kua in um ahi hiam?” a cih mah bangin Lungdamna Thu a za mi khempeuh in um kim lo uh hi.#Isa 53:1. 17Tua ahih ciangin zakna panin upna hong piangthei a, Khrih thu up nading pen hilhna panin hong piangthei pan hi.
18Tua ahihleh amaute in thu za lo uh ahi hiam? Lai Siangtho sungah,
“Amau’ awgingte
leitung khempeuh ah kizel a,
a thugente uh in
mun khempeuh a ban hi,”
ci-in a kigelh mah bangin amaute in thu za khinzo uh hi.#La 19:4. 19Tua ahihleh Israel mite in a thei uh hiam? Moses mahmah in Pasian’ min tawh thu na gen a,
“Keima mi pawl a hilote thupha pia-in,
note’ hazat dingin ka bawl ding a,
tua mihaite’ hangin note na heh nadingun
ka hong bawl ding hi,”
a cih mah bangin Israel mite in a thu a thei lo uh hi lo hi.#Thkna 32:21. 20Tua banah Isaiah in Pasian’ min tawh hangtakin thu na gen a,
“Kei hong zong lo mite in kei hong mu uh a,
kei hong kan lo mite tungah ka kilak hi,”
ci-in na gen hi.#Isa 65:1. 21Tua ciangin Israel mite tawh kisai-in, “Ka thu a mang lo, kei hong langpang mite tawh ka kilemkik theih nadingin a tawntungin ka hanciam hi,” ci-in a na gen hi.#Isa 65:2.
Currently Selected:
ROM 10: TDB
Highlight
Share
Copy
Want to have your highlights saved across all your devices? Sign up or sign in
Tedim (Chin) Bible © Bible Society of Myanmar, 2011.
ROM 10
10
1Sanggamte aw, i mipihte in hotkhiatna a ngah nading deihsakin lungsim takpi tawh Pasian kiangah thu ka ngetsak hi. 2Amaute in Pasian a kin mahmah lamtak uh thei-in teci-in ka pang ngam hi. Ahi zongin amaute in a man lampi tawh kin kha lo uh hi. 3Amaute in Pasian tawh kipawl theih nading lampi man thei loin amau theihtawmna tawh hanciam kha uh ahih manin amah tawh kipawl theih nadingin lampi a khun’ zui kha lo uh hi. 4Bang hang hiam cih leh upna a nei mi khempeuh Pasian tawh a kipawl theih nadingin Khrih in Thukham a beisak hi.
5Moses in a laigelhna sungah, “Thukham deihna bangin a gamtazo mi khempeuh a nungta ding hi,” ci-in Thukham zuihna hangin Pasian tawh kipawl theih nading thu a na gen hi.#Siam 18:5. 6-7Ahi zongin upna hangin Pasian tawh kipawl theihna thu a kigenna-ah, “Vantungah kua va paito ding a,” ci kei unla, “Leinuai-ah kua va paisuk ding ahi hiam?” zong ci kei un, ci hi. Tua a cihna pen vantung panin Khrih a lasuk ding le sihna panin a thosak ding cihna ahi hi. 8Tua bang a cih ciangin, “Pasian’ thu pen nai mahmahin note kam sung le na lungsim sung uhah om hi,” a cihnopna ahi hi. Tua Pasian’ thu pen kote’ hilhhilh, “Pasian um un,” cihna thu ahi hi.#Thkna 30:12-14. 9Jesuh pen Topa hi, ci-in mite kiangah genin, Pasian in sihna panin amah hingkiksak zo hi, ci-in na lungsim sung uhah na up taktak uhleh hotkhiatna na ngah ding uh hi. 10Bang hang hiam cih leh i lungsim ah i up taktakna hangin Pasian tawh kipawl theihna kingah a, i kamin i genna hangin hotkhiatna a kingah ahi hi. 11Lai Siangtho in, “Amah a um mi peuhmah tavai lo ding hi,” ci hi.#Isa 28:16. 12Bang hang hiam cih leh Jew mi le Gentail mi a kideidanna om lo ahih manin Topa pen mi khempeuh’ Topa hi kim a, ama kiangah a ngen khempeuh tungah thupha tampi tak a pia hi. 13Lai Siangtho in zong, “Topa tungah huhna a ngen khempeuhte in hotkhiatna a ngah ding uh hi,” ci hi.#Joel 2:32.
14Ahi zongin a up loh pa uh tungah kua in thu ngen thei ding ahi hiam? Ama thu za ngei kei leh kua in a thu um thei ding ahi hiam? Ama thu kigen kei leh kua in za thei ding ahi hiam? 15A gen dingin kisawl kei leh kua in a thu gen thei ding ahi hiam? Tua ahih manin Lai Siangtho sungah, “Lungdamna thu a hilh dingin a hong pai mite hangin kinuam mahmah hi,” ci-in kigelh hi.#Isa 52:7. 16Ahi zongin Isaiah in, “Topa aw, ka thugente uh kua in um ahi hiam?” a cih mah bangin Lungdamna Thu a za mi khempeuh in um kim lo uh hi.#Isa 53:1. 17Tua ahih ciangin zakna panin upna hong piangthei a, Khrih thu up nading pen hilhna panin hong piangthei pan hi.
18Tua ahihleh amaute in thu za lo uh ahi hiam? Lai Siangtho sungah,
“Amau’ awgingte
leitung khempeuh ah kizel a,
a thugente uh in
mun khempeuh a ban hi,”
ci-in a kigelh mah bangin amaute in thu za khinzo uh hi.#La 19:4. 19Tua ahihleh Israel mite in a thei uh hiam? Moses mahmah in Pasian’ min tawh thu na gen a,
“Keima mi pawl a hilote thupha pia-in,
note’ hazat dingin ka bawl ding a,
tua mihaite’ hangin note na heh nadingun
ka hong bawl ding hi,”
a cih mah bangin Israel mite in a thu a thei lo uh hi lo hi.#Thkna 32:21. 20Tua banah Isaiah in Pasian’ min tawh hangtakin thu na gen a,
“Kei hong zong lo mite in kei hong mu uh a,
kei hong kan lo mite tungah ka kilak hi,”
ci-in na gen hi.#Isa 65:1. 21Tua ciangin Israel mite tawh kisai-in, “Ka thu a mang lo, kei hong langpang mite tawh ka kilemkik theih nadingin a tawntungin ka hanciam hi,” ci-in a na gen hi.#Isa 65:2.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tedim (Chin) Bible © Bible Society of Myanmar, 2011.