Late 136
136
Pasian’ Itna Hangin Lungdamna
1Amah hoih ahih manin
Topa tungah lungdamna ko un;
bang hang hiam cih leh
ama itna kip tawntung hi.#1Khang 16:34; 2Khang 5:13; 7:3; Ezr 3:11; La 100:5; 106:1; 107:1; 118:1; Jer 33:11.
2Lungdamna pen pasian-te’
Pasian’ tungah ko un;
bang hang hiam cih leh
ama itna kip tawntung hi.
3Lungdamna pen
topate’ Topa’ tungah ko un;
bang hang hiam cih leh
ama itna kip tawntung hi.
4Na lamdang lian a bawl
amah bek Pasian ahipa tungah,
bang hang hiam cih leh
ama itna kip tawntung hi.
5Theihna tawh
vantungte a bawlpa tungah,
bang hang hiam cih leh
ama itna kip tawntung hi.#Pian 1:1.
6Tuite tungah
leitung a zal pa tungah,
bang hang hiam cih leh
ama itna kip tawntung hi.#Pian 1:2.
7Khuavak lianpite a bawlpa tungah,
bang hang hiam cih leh
ama itna kip tawntung hi.
8Sun pen ni a uksak pa tungah,
bang hang hiam cih leh
ama itna kip tawntung hi.
9Zan pen kha le aksite
a uksak pa tungah,
bang hang hiam cih leh
ama itna kip tawntung hi.#Pian 1:16.
10Egypt gam tacil khempeuh
a vatmaipa tungah,
bang hang hiam cih leh
ama itna kip tawntung hi.#Pai 12:29.
11Amau’ gam sung pan Israel-te
a paikhiatpih pa tungah,
bang hang hiam cih leh
ama itna kip tawntung hi.#Pai 12:51.
12A baan zanin a khut thahat tawh
a paikhiatpih pa tungah,
bang hang hiam cih leh
ama itna kip tawntung hi.
13San Tuipi a phelkham pa tungah,
bang hang hiam cih leh
ama itna kip tawntung hi.
14Israel-te tui laizang
a kantan sakpa tungah,
bang hang hiam cih leh
ama itna kip tawntung hi.
15Ahih hangin Faro le a mihonte
San Tuipi sungah a thalpaih pa tungah,
bang hang hiam cih leh
ama itna kip tawntung hi.#Pai 14:21-29.
16Sehnel gam nawkin
ama mite a paipihpa tungah,
bang hang hiam cih leh
ama itna kip tawntung hi.
17Kumpi liante a vatmaipa tungah,
bang hang hiam cih leh
ama itna kip tawntung hi.
18Kumpi minthangte a that pa tungah,
bang hang hiam cih leh
ama itna kip tawntung hi.
19Amor mite’ kumpipa Sihon’ hang le,
bang hang hiam cih leh
ama itna kip tawntung hi;#Gam 21:21-30.
20Bashan kumpipa Og’ hangin,
bang hang hiam cih leh
ama itna kip tawntung hi.#Gam 21:31-35.
21Amaute’ leitang pen
gamhluah dingin a piakhia pa tungah,
bang hang hiam cih leh
ama itna kip tawntung hi.
22Ama nasem Israel tungah
gamh a a piapa tungah,
bang hang hiam cih leh
ama itna kip tawntung hi.
23Miniam ihih laitakin
a hong phawk pa tungah,
bang hang hiam cih leh
ama itna kip tawntung hi.
24I galte’ kiang pan
eite hong honkhia pa tungah,
bang hang hiam cih leh
ama itna kip tawntung hi.
25Nuntakna a nei khempeuh
an a vak pa tungah,
bang hang hiam cih leh
ama itna kip tawntung hi.
26Vantung Pasian’ tungah
lungdamna ko un;
bang hang hiam cih leh
ama itna kip tawntung hi.
Currently Selected:
Late 136: TDB
Highlight
Copy
Compare
Share
Want to have your highlights saved across all your devices? Sign up or sign in
Tedim (Chin) Bible © Bible Society of Myanmar, 2011.
