Late 124
124
Hotkhiatna hangin Phatna
1Israel mite aw,
Topa in hong panpih lo hileh
i tuah ding thu thei un.
2Eite langpangin mite hong kipat ciangin
eite’ lamah Topa hong pang lo hileh,
3eite’ tungah a hehna uh
a kisosuah ciangin
amaute in eite a hingin
hong nawmvalh khin ding uh hi.
4Tuikhang in eite hong tai-in,
tuihual in hong tum khin ding a,
5tuipi husiate in
hong tuummang khin ding hi.
6Amaute’ suksiat dingin
eite a hong piakhia lo Topa in
thupha ngah tahen.
7Thangsiahte’ thangzak panin
vasa a suahtak bangin eite i suakta hi.
Thangkhau kibottat a,
eite i suakta khinta hi.
8Van le lei a bawl Topa’ tung panin
eite huhna hong pai hi.
Currently Selected:
Late 124: TDB
Highlight
Copy
Compare
Share
Want to have your highlights saved across all your devices? Sign up or sign in
Tedim (Chin) Bible © Bible Society of Myanmar, 2011.
