Late 122
122
Jerusalem’ Nopsakna ding Ngetna
1Amaute in kei tungah,
“Topa’ inn-ah pai ni,”
hong cih uh ciangin
kei ka kipak hi.
2Jerusalem aw, na kulhkongpi sungah
kote hong tungin
ka ding khinta uh hi.
3-4Jerusalem khuapi pen
Israel-te tungah thu a kipiaksa bangin
Topa’ tungah lungdamna a ko dingin
Topa’ minamte,
Israel minamte, a hong paitohna,
khuapi lian tawh a kibangin a kibawl,
kiptakin a kilam bikbek khuapi ahi hi.
5David’ innkuante’ kumpi tokhom,
thukhenna ding kumpi tokhomte,
tua lai-ah kikoih hi.
6Jerusalem khuapi,
a nopsakna ding thu ngen unla,
“Nang hong itte a dau pai tahen.
7Na khua sungah lungnopna om hen la,
na galvilna tausangte’ huam sungah
lungmuanna om ta hen,”
ci-in ngen un.
8Sanggamte le kikholhpihte ka khualna-in,
“Jerusalem in nopna om ta hen,”
ka ci ding hi.
9 Topa eite’ Pasian’ inn ka khualna-in
nangma hoihna ding
thu ka ngen ding hi.
Currently Selected:
Late 122: TDB
Highlight
Copy
Compare
Share
Want to have your highlights saved across all your devices? Sign up or sign in
Tedim (Chin) Bible © Bible Society of Myanmar, 2011.
