याकुब 3
3
लेक्फा साधाँ चोक्माना बारे
1आम्बु-आन्झाचि हिट्नुङ् आनो-आन्झाचि, खानि माड्डे याप्मा जाना काहिसिक्बा लिनेनिन्, पोङ्भोने आनि काहिसिक्बाचिगा आरु नुङ्ना आझा टुक्लोक् न्याए लियुक् नुङ् खानिलोङ्सा ठाहा युङ्ग्वा॥ 2छेम्बा डोक् आनि सोब्बेङा याप्मा गाल्ति चोगुम्टुम्॥ जुन् याप्मिङा उन् चेक्ना रिङ्ङि गाल्ति चोगुन्ना, हिट्नाङा ख्वाप्पा ओयेम् चा साधाँ चोक्मा हिडुटु, हिट्नुङ् हिट्ना डोक् पारिपाक्का याप्मि लियुक्॥ 3टाङ्राङ्बा ओयासिङि लागाम् मेट्टुम्बिडुम्मुङ् हिट्ना खोनालेङ् खाप्माना हिट्नालेङ् डोक् आनि खाप्मा हिडुम्टुम्॥ 4हिट्नुङ् हिड्डे डोक् ठे-ठेगा चुवाखोङ्डाङ्चि हिॽवाङाना ओबोलङा ओलाम्टि चा चुवाखोङ्डाङ् ख्याबा काचोक्बाङा चुवाखोङ्डाङ्चि ठिक् खाट्टिउना दाबिलोङा खोनालेङ् खाप्माना हिट्नालेङ् डोक् खाप्मा हिडुटु॥ 5लेक्फा चा नाड्डे पारिक्ना डोक् ए॥ ना येम्ङाना खाटियुना आङ्गा लिचा ठेगा-ठेगा रिङ् माट्टुङ् ठेमाजामाना टोॽवा चोगुटु॥
नाड्डेडोक् ठिक् मिङाना खाट्टियुना मिसेक्ङा ठेना जाङ्गाला डोक् टुम्मा हिडुटु॥ 6लेक्फाम्बाक् मि गाड्डेना डोक्॥ ना येम्ङिना आङ्गाचि माड्डेङि सोब्बे नुङ्ना भेन्ना ए॥ नाङा याप्मिङाना घोक् डोक् ओयेम् आसुद्दो चोगुटु, हिट्नुङ् नाङा योनालोग्ङिना मिलोक् ख्वाप्पा आनि चोला डोक् टुनुडिसुटु॥ 7याप्मिङा सोब्बे पारिक्गा जिवाट्चि, नुवाचि, सोट्सा ओलाम्टिगा जिवाट्चि हिट्नुङ् ङासाचि काबुङि युङ्मा हिडुचिचि, हिट्नुङ् याप्मिङा डोक् काबुङि युङ्मा हिडुएसुए॥ 8टरो लेक्फाम्टे खोनाङा चा काबुङि युङ्मा उहिडुन्ना॥ लेक्फाम्बाक् काबुङि युङ्मा हिनिना भेन्ना, हिट्नुङ् याप्मि आसेट्ना बिखाङा इप्टुना गाड्डेना लियुक्॥ 9हिट्नुङ् आनि ना लेक्फाङा डोक् आनि टाङ्बा लोक् माङ्हाङ् पाबा पोए-पोए ठाङ्सुम्टुम्, हिट्नुङ् ना लेक्फाङा डोक् माङ्हाङ्ङाना उरुप्ङि सिरिस्टि उलिसागा याप्मिचि चा सारापेँ चोगुम्चिम्चिम्॥#उत्पति १:२६ 10ना ठिक्ए यासिलाम्मा आसिक् हिट्नुङ् साराप चा याङिटि॥ आम्भु-आन्झाचि हिट्नुङ् आनो-आन्झाचि, नाड्डे चोक्मा ओचेट्नु लिनिना॥ 11पाक् ठिक्ए उपुन्लाम्मा खिक्ना हिट्नुङ् लिम्ना चुवा पुन्युक्नि टे? 12आम्भु-आन्झाचि हिट्नुङ् आनो-आन्झाचि, वामाखोक्पो उभुङ्माङि जैतुन उसा केङ्निना हिट्नुङ् आङ्गुर ओझ्याल्ङि वामाखोक्पो उसा केङ्निना॥ नुम्नुम् लोना चुवा उपुन्लाम्मा लेलेम् लोना चुवा पुन्निना॥
माङ्हाङ्लाम्मा टोगुम्ना ठोना
13खानि माड्डेङि कोइ ठोना लिसाना हिट्नुङ् रिङ् बुजा काचोक्बा याप्मि युङ्ग्वा भोने, उन्ङा आप्पेलाउङ्सा मेयोक् चोगुङ् हिट्नुङ् ठोना लिसाना याप्मि गाड्डे डोक् ओचेट्नुलोक् टोॽवा चोगुङ् ओचोलाङि निमेट्मा कोन्युक्॥ 14टरो खानिङि निङ्ग्वा खिक्मा, आरु रेक् काप्मा हिट्नुङ् आप्पे खानि निङ् एरोक् टो चोक्माना निङ्ग्वा युङ्ग्वा भोने, खानिङा ठेलोक् चोक्सा हिट्नुङ् माङ्जो चेक्सा आचोगुम्ना पाप टेप्नेनुम्॥ 15नाड्डेना ठोना माङ्हाङ्लाम्मा टानिना, टरो नाड्डेना ठोना नारालाम्मा टायुक्, हिट्नुङ् नाड्डेना याप्मिङाना निङ्ग्वा सैतानलाम्मा टायाना ठोना ए॥ 16पोङ्भोने खोनि खानि रेक् काप्मा हिट्नुङ् खानि आप्पे निङ् एरोक् टो चोक्माना निङ्ग्वा लियुक्, हिट्नि लाठालिङ्गा हिट्नुङ् सोब्बे पारिक्ङागा ओभेन्गा रिङ्चि उलियुक्॥ 17टरो टोनालाम्मा लिना ठोनाम्बाक् हिट्ना आड्डिक् डोक् चोखो लियुक्, हिट्नाम्बाक् सोब्बे काटोङ्बा, आड्डिक् सुदो हिट्नुङ् सोब्बेलोक् टोङ्ना लियुक्॥ हिट्नुङ् आड्डिक् लुक्मा काटुक्, सोरोक् नुना टोॽवा काचोक्बा, टो यो चोक्निना हिट्नुङ् ढाँट् फोक्निना लियुक्॥ 18हिट्नुङ् हाङ्हाङ् काउग्बाङा हाङ्हाङ्ङाना लालिक् हिसुटु, हिट्नुङ् माङ्हाङ् ओटोकानाङि जे नुना हिट्ना टोॽवाङाना उसा छुम्सुटु॥
Currently Selected:
याकुब 3: APH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society