एफीसस् 3
3
को़न्ज्योक्की ॱङीङ्बु तो़ङ्गेन् १-१३
1हीगो झ्यीनी खीत्रङ् ज्यी़त् ॱयोङ् ॱयोङ्गी मी घयेक्की धो़न्दु धङ् ख्रीष्ट् येशुगी ढीक्ल ङ चो़ल्ल ॱस्योरे चो़म्बा पावल्की खीत्रङ्गी ढीक्ल को़न्ज्योक्ल ॱसुव तोप्को़त्। 2खीत्रङ्गी ढीक्ल को़न्ज्योक्की थुज्यीगी लेगी गेन् ङल केन यो़प्प खीत्रङ्गी ॱह घोन यो़क्केन् बेत्। 3खोङ्गी एल्ला ॱमत् तो़म्बे ॱङीङ्बु दी ङे ॱसीम्ल तो़न्न युङ्नी, हीगो ङे हीगी यीगी हीलरङ् ठोप्चो़त् च्यीक् ढीबेन्। 4ॱनी हीगो खीत्रङ्गी डोन तेनी, हस्सो़त् ख्रीष्ट्की ढीक्की ॱङीङ्बु दी ङल मङ्लो़त् ॱस्यो़च्च्ये दुक्क हुगो खीत्रङ्गी ॱह घो छुगेन् बेत्। 5ॱङो़न् धङ्बुनी कोलीमी घयेत्ल ॱमत् तो़म्बे ॱङीङ्बु हुगो धी़ धीङ्सङ्रङ् खोङ्गी ठीक्नल धङ् कलुङ् ॱस्यो़क्केन् चङ्म घयेत्ल धम्बे थुगी तो़न्न ॱसल्तु ची़त्न यो़क्केन् बेत्। 6हीगी ॱङीङ्बु हीगो केच्च्य ॱनेम्बी़ लम्नी ज्यी़त् ॱयोङ् ॱयोङ्गी मी घयेत् धङ् यहुदी घयेत् सी़ च्यीक्की यल्लक्ल ॱसोङ्नी, इम्ज्येत् मीप्प, नोर्की फक् धङ् ख्रीष्ट् येशुगी लम्नी ॱनङे छ्यो़त्तुम् जेप्प दी डस्सी डस्सी थोप्केल्ल झ्युङ्न यो़क्केन् बेत्।
7ॱनी ङल को़न्ज्योक्की ॱस्यीक् ॱनङ्नी, खोङ्गी थुज्यीगी कबप् थोप्न हुगी केच्च्य ॱनेम्बु हुगो ॱस्यो़क्केङ्गी ॱयोक्पुल खो़त्न यो़त्। 8को़न्ज्योक्की मी चङ्म कुरीक्ले ङ च्युङ्स्यो हीन्। ॱनी हीन्न अक्, नोर्की भङ्जेत्तङ् छ्येत्मीत्, तीङ् सप्पोक्मे ख्रीष्ट्की धो़न् दी ज्यी़त् ॱयोङ् ॱयोङ्गी मी घयेत्ल ङे टोम्ज्ये यो़प्पल 9धङ् छङ्म थम्ज्येत् छ्यादु ची़क्केन् को़न्ज्योक्की धङ्बुनी ॱमत् तो़म्बे ढो़ ॱङीङ्बु दी मी कुरीक्ल तो़न्न डुप्च्ये यो़प्पल ङल खोङ्गी थुज्यी ॱनङ्ज्युङ्। 10ॱनी हीगो, को़न्ज्योक्की झ्यी़रीक् ॱनजो तेङ् यी़गी ॱवङ् च्योङ्गेन् धङ् ॱवङ् च्येम्म घयेक्की इक् ॱह घोज्ये यो़प्पे ढीक्ल छ्यो़ छोगी लम्नी जेक्केन् बेत्। 11ॱनी को़न्ज्योक्की ढो़ हीगो धङ्बुनी फुगी ढीक्ल सो़न हज्यरङ्गी चोव ज्यीन्दक् ख्रीष्ट् येशुगी लम्नी डुप्च्ये यो़प्पल बेत्। 12हज्यरङ्गी ख्रीष्ट्ल छ्य स्यक्न, खोङ्दङ् मत् ढेबे लम्नी को़न्ज्योक्ल ॱलो खीन ज्यीक्टक् मीप्प, हज्यरङ् खोङ्गी ढुङ्दु डो छुगेल्ल युङ्गेन् बेत्। 13खीत्रङ्गी ढीक्ल ङल नुक्मे दुक्प नोङ्सोङ् सीन्न खीत्रङ् हील ॱअयु छ्यक्प झ्यीत्रो मत् झ्यीत्। हीगो खीत्रङ्ल ङोम्ज्येत् ॱस्यो़च्च्ये युङ्गेन् बेगो।
एफीसीया घयेक्की ढीक्ल ॱसुव तब १४-२१
14-15हुगो झ्यीनी तेङ् यी़ धङ् ॱस जम्बुलीङ्न यो़प्पे ज्यी़त् रीदङ् रील मीङ् ॱनङ्गेन् यप्की ढुङ्दु पीमुङ् चुन ङ ॱसुव तोप्को़त्। 16खोङ्गी तो़त्वङ्गी लोङ्ज्यो़त्ल पीब खोङ्गी थुगी खीत्रङ्गी ॱसीम्ल ॱस्यीक् टो़च्च्ये यो़प्प 17धङ् छ्य स्यक्पे लम्नी ख्रीष्ट् खीत्रङ्गी ॱसीम्ल स्युज्ये यो़प्प तोङ्। ॱनी खीत्रङ्गी घुङ्दु झ्यम्ब झ्यीच्च्ये यो़प्पे चव छुन युङ्न, 18ख्रीष्ट्की झ्यम्बे स्येङ् छ्यीलो़त् दी, ज्यी़त्तक् रीङ्लो़त् दी, थोस्स्येङ् दी धङ् तीङ्रीङ्लो़त् दी घजो़त् च्यीक् दुक्क हुगो को़न्ज्योक्की मी चङ्म ॱयोङ्म घयेत्तङ् दल खीत्रङ्गी इक् गन्दीक्म ॱह घो छुज्ये यो़प्प तोङ्। 19ॱनी म दीरङ् जेङ् ॱह घो ॱमीत् छुगेङ्गी ख्रीष्ट्की झ्यम्ब हुगो खीत्रङ्गी ॱसीम्ल ॱङो़न्ने ॱह घोन ॱनी, खीत्रङ्गी ॱसीम्ल को़न्ज्योक्की थुरीक्की घेङ्न युङ्गेन् बेत्।
20हज्यरङ्गी ॱसीम्ल ले जेक्केन् को़न्ज्योक्की ॱस्यीक्ल पीब हज्यरङ्गी स्यी़ब धङ् ॱसीम्ल ॱनो़बले एक् ॱल्हक्मागी ले खोङ्गी जेत् छुगेन् बेत्। 21खोङ्ल ख्रीष्ट् येशुदङ् मत् ढेब यो़क्केन् छ्यो़ छोनी धी़ नम ज्यी़न्दु भु छे ङोनी तो़प्प युङ् युङ युङ्ज्ये यो़प्प स्योक्च्यीत्। आमेन्।
Currently Selected:
एफीसस् 3: LHM
Highlight
Copy
Compare
Share
Want to have your highlights saved across all your devices? Sign up or sign in
© 1995 Wycliffe Bible Translators, Inc. and Nepal Bible Society
एफीसस् 3
3
को़न्ज्योक्की ॱङीङ्बु तो़ङ्गेन् १-१३
1हीगो झ्यीनी खीत्रङ् ज्यी़त् ॱयोङ् ॱयोङ्गी मी घयेक्की धो़न्दु धङ् ख्रीष्ट् येशुगी ढीक्ल ङ चो़ल्ल ॱस्योरे चो़म्बा पावल्की खीत्रङ्गी ढीक्ल को़न्ज्योक्ल ॱसुव तोप्को़त्। 2खीत्रङ्गी ढीक्ल को़न्ज्योक्की थुज्यीगी लेगी गेन् ङल केन यो़प्प खीत्रङ्गी ॱह घोन यो़क्केन् बेत्। 3खोङ्गी एल्ला ॱमत् तो़म्बे ॱङीङ्बु दी ङे ॱसीम्ल तो़न्न युङ्नी, हीगो ङे हीगी यीगी हीलरङ् ठोप्चो़त् च्यीक् ढीबेन्। 4ॱनी हीगो खीत्रङ्गी डोन तेनी, हस्सो़त् ख्रीष्ट्की ढीक्की ॱङीङ्बु दी ङल मङ्लो़त् ॱस्यो़च्च्ये दुक्क हुगो खीत्रङ्गी ॱह घो छुगेन् बेत्। 5ॱङो़न् धङ्बुनी कोलीमी घयेत्ल ॱमत् तो़म्बे ॱङीङ्बु हुगो धी़ धीङ्सङ्रङ् खोङ्गी ठीक्नल धङ् कलुङ् ॱस्यो़क्केन् चङ्म घयेत्ल धम्बे थुगी तो़न्न ॱसल्तु ची़त्न यो़क्केन् बेत्। 6हीगी ॱङीङ्बु हीगो केच्च्य ॱनेम्बी़ लम्नी ज्यी़त् ॱयोङ् ॱयोङ्गी मी घयेत् धङ् यहुदी घयेत् सी़ च्यीक्की यल्लक्ल ॱसोङ्नी, इम्ज्येत् मीप्प, नोर्की फक् धङ् ख्रीष्ट् येशुगी लम्नी ॱनङे छ्यो़त्तुम् जेप्प दी डस्सी डस्सी थोप्केल्ल झ्युङ्न यो़क्केन् बेत्।
7ॱनी ङल को़न्ज्योक्की ॱस्यीक् ॱनङ्नी, खोङ्गी थुज्यीगी कबप् थोप्न हुगी केच्च्य ॱनेम्बु हुगो ॱस्यो़क्केङ्गी ॱयोक्पुल खो़त्न यो़त्। 8को़न्ज्योक्की मी चङ्म कुरीक्ले ङ च्युङ्स्यो हीन्। ॱनी हीन्न अक्, नोर्की भङ्जेत्तङ् छ्येत्मीत्, तीङ् सप्पोक्मे ख्रीष्ट्की धो़न् दी ज्यी़त् ॱयोङ् ॱयोङ्गी मी घयेत्ल ङे टोम्ज्ये यो़प्पल 9धङ् छङ्म थम्ज्येत् छ्यादु ची़क्केन् को़न्ज्योक्की धङ्बुनी ॱमत् तो़म्बे ढो़ ॱङीङ्बु दी मी कुरीक्ल तो़न्न डुप्च्ये यो़प्पल ङल खोङ्गी थुज्यी ॱनङ्ज्युङ्। 10ॱनी हीगो, को़न्ज्योक्की झ्यी़रीक् ॱनजो तेङ् यी़गी ॱवङ् च्योङ्गेन् धङ् ॱवङ् च्येम्म घयेक्की इक् ॱह घोज्ये यो़प्पे ढीक्ल छ्यो़ छोगी लम्नी जेक्केन् बेत्। 11ॱनी को़न्ज्योक्की ढो़ हीगो धङ्बुनी फुगी ढीक्ल सो़न हज्यरङ्गी चोव ज्यीन्दक् ख्रीष्ट् येशुगी लम्नी डुप्च्ये यो़प्पल बेत्। 12हज्यरङ्गी ख्रीष्ट्ल छ्य स्यक्न, खोङ्दङ् मत् ढेबे लम्नी को़न्ज्योक्ल ॱलो खीन ज्यीक्टक् मीप्प, हज्यरङ् खोङ्गी ढुङ्दु डो छुगेल्ल युङ्गेन् बेत्। 13खीत्रङ्गी ढीक्ल ङल नुक्मे दुक्प नोङ्सोङ् सीन्न खीत्रङ् हील ॱअयु छ्यक्प झ्यीत्रो मत् झ्यीत्। हीगो खीत्रङ्ल ङोम्ज्येत् ॱस्यो़च्च्ये युङ्गेन् बेगो।
एफीसीया घयेक्की ढीक्ल ॱसुव तब १४-२१
14-15हुगो झ्यीनी तेङ् यी़ धङ् ॱस जम्बुलीङ्न यो़प्पे ज्यी़त् रीदङ् रील मीङ् ॱनङ्गेन् यप्की ढुङ्दु पीमुङ् चुन ङ ॱसुव तोप्को़त्। 16खोङ्गी तो़त्वङ्गी लोङ्ज्यो़त्ल पीब खोङ्गी थुगी खीत्रङ्गी ॱसीम्ल ॱस्यीक् टो़च्च्ये यो़प्प 17धङ् छ्य स्यक्पे लम्नी ख्रीष्ट् खीत्रङ्गी ॱसीम्ल स्युज्ये यो़प्प तोङ्। ॱनी खीत्रङ्गी घुङ्दु झ्यम्ब झ्यीच्च्ये यो़प्पे चव छुन युङ्न, 18ख्रीष्ट्की झ्यम्बे स्येङ् छ्यीलो़त् दी, ज्यी़त्तक् रीङ्लो़त् दी, थोस्स्येङ् दी धङ् तीङ्रीङ्लो़त् दी घजो़त् च्यीक् दुक्क हुगो को़न्ज्योक्की मी चङ्म ॱयोङ्म घयेत्तङ् दल खीत्रङ्गी इक् गन्दीक्म ॱह घो छुज्ये यो़प्प तोङ्। 19ॱनी म दीरङ् जेङ् ॱह घो ॱमीत् छुगेङ्गी ख्रीष्ट्की झ्यम्ब हुगो खीत्रङ्गी ॱसीम्ल ॱङो़न्ने ॱह घोन ॱनी, खीत्रङ्गी ॱसीम्ल को़न्ज्योक्की थुरीक्की घेङ्न युङ्गेन् बेत्।
20हज्यरङ्गी ॱसीम्ल ले जेक्केन् को़न्ज्योक्की ॱस्यीक्ल पीब हज्यरङ्गी स्यी़ब धङ् ॱसीम्ल ॱनो़बले एक् ॱल्हक्मागी ले खोङ्गी जेत् छुगेन् बेत्। 21खोङ्ल ख्रीष्ट् येशुदङ् मत् ढेब यो़क्केन् छ्यो़ छोनी धी़ नम ज्यी़न्दु भु छे ङोनी तो़प्प युङ् युङ युङ्ज्ये यो़प्प स्योक्च्यीत्। आमेन्।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995 Wycliffe Bible Translators, Inc. and Nepal Bible Society