एफीसस् 2
2
थुज्यीगी लम्नी छी थर्व युङ्गेन् १-१०
1एल्ला खीत्रङ्सो दीक्च्येन्, को़न्ज्योक्की कल ङीब झ्यीक्केन् झ्यीनी, ॱस्यीनर हीम्बदङ् छ्येत्मीत् यो़क्केन् बेत्। 2ॱनी हुगी यङ्ल खीत्रङ् जम्बुलीङ् हीगी छ्यलुल डीक्पे लेमु झ्यीन, को़न्ज्योक्की कल ॱमीत् चीगेन् घयेक्की घुङ्दु ले झ्यीक्केन्, सी़मीत् ॱलुङ्ल गीर्केन्, ॱनम्गी लेङेन् घयेक्की चोबो़न्, ॱवङ् च्येम्म हुगो ङो़ल यो़क्केन् बेत्। 3एल्ला हज्यरङ् अङ् मी हुबे घुङ्दु कोलीमीगी ॱसीम्बे धेच्च्यो ङेम्बे ॱवङ्ल ॱस्योर्न ॱनो़बागी धेत्मो़ झ्यीक्केन् यो़क्केन् बेत्। हुगी कप्ल हज्यरङ् मी ॱयोङ्म डस्सीरङ् यो़क्केन् झ्यीनी, हज्यरङ्ल को़न्ज्योक्की खोङ्डोक्की छ्येप्प केन आक्, मत् ओ़ब मीप्प बेत्।
4ॱनी हीन्न अक्, ॱङीङ्ज्यी छ्यीम्मु च्येम्मे को़न्ज्योक्की हज्यरङ्ल झ्यम्ब छ्यीम्मु जेत्न युङ बेत्। 5को़न्ज्योक्की कल ङीब झ्यीबे लेगी हज्यरङ् घयेत् ॱस्यीनरदङ् छ्येत्मीत्ल ॱसोङ्नी इक्, ख्रीष्ट् ॱसोम्बुल लोङ हीम्बे लम्नी को़न्ज्योक्की हज्यरङ् अङ् ॱसोम्बुल ॱसो़न यो़क्केन् बेत्। ॱनी खीत्रङ्ल छी थर्व दी खोङ्गी थुज्यीगी लम्नी झ्युङ बेत्। 6ख्रीष्ट् येशु ॱसोम्बुल ॱलोङ हीम्बे लम्नी खोङ्गी हज्यरङ् अङ् हुगो डस्सीरङ् ॱसोम्बुल ॱलोङ्न तेङ् यी़दु ख्रीष्ट्तङ् मत् ढेब खोङ्दङ् दल दो़च्च्येल दो़स्स स्यक्न यो़क्केन् बेत्। 7हुगो ख्रीष्ट् येशुगी लम्नी को़न्ज्योक्की हज्यरङ्ल घन्दुक्मे गय जेप्प बेक्क, घन्दुक्मे थुज्यीगी लोङ्ज्यो़त् छ्यीय यो़प्प बेक्क हुगो तीङ्मागी धी़गी यङ्ल तो़न्ज्येगी ढीक्ल बेत्। 8खीत्रङ्गी छ्य स्यक्पे लम्नी को़न्ज्योक्की थुज्यी ॱनङ्नी, खीत्रङ् छी थर्वल थो़म्ब बेत्। हीगो खीत्रङ्गी झ्यीबे झ्युङ मेम्ब, को़न्ज्योक्की ॱनङ्ज्येत् बेत्। 9हीगो ले झ्यीबे लम्नी झ्युङ अक् मेम्बेत्। स्येन् हीगी ढीक्ल मी ॱसी़ इक् तम्दो़त् ॱस्यो़त् छुगेन् बेत्। 10हज्यरङ् को़न्ज्योक्की सो़बे मी बेत्। ॱनी हज्यरङ्ल झ्यीत्तु ची़च्च्येल खोङ्गी एल्लादु ठोक्क झ्यीन स्यक्पे गये ले घयेत् दी ख्रीष्ट् येशुदङ् मत् ढेब देत्न झ्यीच्च्ये यो़प्पल हज्यरङ् खोङ्गी छ्यादु ची़त्न खो़प्प बेत्।
यहुदी धङ् ज्यी़त् ॱयोङ् ॱयोङ्गी मी च्यीक्प ११-२२
11खीत्रङ् यहुदी मेम्ब, ज्यी़त् ॱयोङ् ॱयोङ्गी मी बेत्। यहुदीगी दक् ज्यबे मी घयेक्की खीत्रङ्ल दक् मत् ज्यबे मी बेत् सीन्न सीक्केन् बेत्। हुगी दक् हुगो सी़ल लक्पे सो़न ज्यक्केन् बेत्। 12ॱनी एल्ला खीत्रङ्ल ख्रीष्ट् ॱस्यो़च्च्ये मीप्प, इस्राएल्की मीस्सीर् मेम्ब, को़न्ज्योक्की कगो़त् धम्स्यक्ल छ्यो़त्तुम् जेप्पे नङ्ल मीप्प, जम्बुलीङ् हीदु रीगो मीप्प, को़न्ज्योक् ॱस्यो़च्च्ये मीप्पे मी हीन् ॱनो़ब ॱसम्ज्यीत्। 13ॱनी हुन्दो ह खीत्रङ् हुगो डस्सी को़न्ज्योक्तङ् ज्यङ्बोक्म मीप्प बेत्। ख्रीष्ट्की ठक्की को़न्ज्योक्तङ् ङीदु सो़नी, हुनी यङ् खीत्रङ् ख्रीष्ट्तङ् मत् ढेबल झ्युङ्न यो़क्केन् बेत्।
14-15हज्यरङ्ल स्यीव ॱनङ्गेन् खोङ्गी ङीत् यहुदी घयेत् धङ् खीत्रङ् घयेत् ज्यी़त् च्यीक्ल सो़ब बेत्। हीगो खोङ्गी रोरङ्गी ॱरोक् च्येबे लम्नी यहुदीगी छ्यो़डीम्गी क धङ् लु घयेत् मीप्पल सो़न यहुदी धङ् ज्यी़त् ॱयोङ् ॱयोङ् डीक्तु ॱमीत् ची़क्केन्, ॱअर्तक्की ढप् दी खोङ्गी ॱरुम् तङ बेत्। हुन्दुक् झ्यीन ज्यी़त् ॱनग ॱङी च्येम्म दी च्यीक्ल सो़न खोङ्दङ् मत् ढेबल युङ्गेन्, कोलीमी ॱसम्ब च्यीक् सोये ढीक्ल बेत्। हीन्दुक् झ्यीन स्यीवल झ्युङ्दु ची़प्प बेत्। 16ॱनी खोङ् कुरुस्तु ढोङे लम्नी ॱनग ॱङीबी़ ज्यी़त् दी सी़ च्यीक्ल सो़न ॱङीक्कर् को़न्ज्योक्तङ् डीक्च्या झ्यीन छ्यम्दु ची़प्प बेत्। 17ॱनी खीत्रङ् ज्यङ्बोक्म यो़क्केन् ज्यी़त् ॱयोङ् ॱयोङ्गी मी घयेत्ल धङ् ङीत् ङीन्दीक्म यो़क्केन् यहुदी घयेत्ल ॱसीम् दीव युङे केच्च्य ॱनेम्बु ॱस्यो़त्तु खोङ् झ्यो़म्ब बेत्। 18खोङ्गी कुट्टीङ्गी हज्यरङ् ज्यी़त् ॱङीक्कर् यप्की ढुङ्दु धम्बे थु च्यीक्की लम्नी डो छुगेल्ल झ्युङ बेत्।
19हुगो झ्यीनी खीत्रङ् ह लुङ्ब स्येन् छ्योगी मी डस्सी मेम्ब, को़न्ज्योक्की मीस्सीर्, खोङ्गी मी चङ्म घयेत्तङ् च्यीक्प को़न्ज्योक्की ढोङ्बे मीजङ्ल झ्युङ बेत्। 20खीत्रङ् खीम्गी दो चीबदङ् छ्येत्मीत् बेत्। ॱनी ॱसप्तेन् दी कलुङ् ॱस्यो़क्केन् घयेत् धङ् ठीक्नल घयेत् बेत्। ॱनी सुर्की दो घो छ्यो़स्स्यो दी ख्रीष्ट् येशु खोङ् रोरङ् बेत्। 21हुगो झ्यीनी चीक्पक्की डी़त्तोक् घयेत् दी मीत् स्यीक्प, खीम् दी छ्यीदु छ्यीदु फीन्नी, हुगो चोव ज्यीन्दक् स्युसे खोङ्ल तीम्बे छ्यो़गङ् हीम्ब युङ्गेन् बेत्। 22खीत्रङ् ॱअङ् खोङ्दङ् मत् ढेबल ॱयोङ्म घयेत्तङ् थी़त्न युङ्नी, हुनी छ्यो़गङ् युङ्गेन् बेत्। ॱनी हुदु धम्बे थुगी लम्नी झ्यीन को़न्ज्योक् स्युगेन् बेत्।
Currently Selected:
एफीसस् 2: LHM
Highlight
Copy
Compare
Share
Want to have your highlights saved across all your devices? Sign up or sign in
© 1995 Wycliffe Bible Translators, Inc. and Nepal Bible Society
एफीसस् 2
2
थुज्यीगी लम्नी छी थर्व युङ्गेन् १-१०
1एल्ला खीत्रङ्सो दीक्च्येन्, को़न्ज्योक्की कल ङीब झ्यीक्केन् झ्यीनी, ॱस्यीनर हीम्बदङ् छ्येत्मीत् यो़क्केन् बेत्। 2ॱनी हुगी यङ्ल खीत्रङ् जम्बुलीङ् हीगी छ्यलुल डीक्पे लेमु झ्यीन, को़न्ज्योक्की कल ॱमीत् चीगेन् घयेक्की घुङ्दु ले झ्यीक्केन्, सी़मीत् ॱलुङ्ल गीर्केन्, ॱनम्गी लेङेन् घयेक्की चोबो़न्, ॱवङ् च्येम्म हुगो ङो़ल यो़क्केन् बेत्। 3एल्ला हज्यरङ् अङ् मी हुबे घुङ्दु कोलीमीगी ॱसीम्बे धेच्च्यो ङेम्बे ॱवङ्ल ॱस्योर्न ॱनो़बागी धेत्मो़ झ्यीक्केन् यो़क्केन् बेत्। हुगी कप्ल हज्यरङ् मी ॱयोङ्म डस्सीरङ् यो़क्केन् झ्यीनी, हज्यरङ्ल को़न्ज्योक्की खोङ्डोक्की छ्येप्प केन आक्, मत् ओ़ब मीप्प बेत्।
4ॱनी हीन्न अक्, ॱङीङ्ज्यी छ्यीम्मु च्येम्मे को़न्ज्योक्की हज्यरङ्ल झ्यम्ब छ्यीम्मु जेत्न युङ बेत्। 5को़न्ज्योक्की कल ङीब झ्यीबे लेगी हज्यरङ् घयेत् ॱस्यीनरदङ् छ्येत्मीत्ल ॱसोङ्नी इक्, ख्रीष्ट् ॱसोम्बुल लोङ हीम्बे लम्नी को़न्ज्योक्की हज्यरङ् अङ् ॱसोम्बुल ॱसो़न यो़क्केन् बेत्। ॱनी खीत्रङ्ल छी थर्व दी खोङ्गी थुज्यीगी लम्नी झ्युङ बेत्। 6ख्रीष्ट् येशु ॱसोम्बुल ॱलोङ हीम्बे लम्नी खोङ्गी हज्यरङ् अङ् हुगो डस्सीरङ् ॱसोम्बुल ॱलोङ्न तेङ् यी़दु ख्रीष्ट्तङ् मत् ढेब खोङ्दङ् दल दो़च्च्येल दो़स्स स्यक्न यो़क्केन् बेत्। 7हुगो ख्रीष्ट् येशुगी लम्नी को़न्ज्योक्की हज्यरङ्ल घन्दुक्मे गय जेप्प बेक्क, घन्दुक्मे थुज्यीगी लोङ्ज्यो़त् छ्यीय यो़प्प बेक्क हुगो तीङ्मागी धी़गी यङ्ल तो़न्ज्येगी ढीक्ल बेत्। 8खीत्रङ्गी छ्य स्यक्पे लम्नी को़न्ज्योक्की थुज्यी ॱनङ्नी, खीत्रङ् छी थर्वल थो़म्ब बेत्। हीगो खीत्रङ्गी झ्यीबे झ्युङ मेम्ब, को़न्ज्योक्की ॱनङ्ज्येत् बेत्। 9हीगो ले झ्यीबे लम्नी झ्युङ अक् मेम्बेत्। स्येन् हीगी ढीक्ल मी ॱसी़ इक् तम्दो़त् ॱस्यो़त् छुगेन् बेत्। 10हज्यरङ् को़न्ज्योक्की सो़बे मी बेत्। ॱनी हज्यरङ्ल झ्यीत्तु ची़च्च्येल खोङ्गी एल्लादु ठोक्क झ्यीन स्यक्पे गये ले घयेत् दी ख्रीष्ट् येशुदङ् मत् ढेब देत्न झ्यीच्च्ये यो़प्पल हज्यरङ् खोङ्गी छ्यादु ची़त्न खो़प्प बेत्।
यहुदी धङ् ज्यी़त् ॱयोङ् ॱयोङ्गी मी च्यीक्प ११-२२
11खीत्रङ् यहुदी मेम्ब, ज्यी़त् ॱयोङ् ॱयोङ्गी मी बेत्। यहुदीगी दक् ज्यबे मी घयेक्की खीत्रङ्ल दक् मत् ज्यबे मी बेत् सीन्न सीक्केन् बेत्। हुगी दक् हुगो सी़ल लक्पे सो़न ज्यक्केन् बेत्। 12ॱनी एल्ला खीत्रङ्ल ख्रीष्ट् ॱस्यो़च्च्ये मीप्प, इस्राएल्की मीस्सीर् मेम्ब, को़न्ज्योक्की कगो़त् धम्स्यक्ल छ्यो़त्तुम् जेप्पे नङ्ल मीप्प, जम्बुलीङ् हीदु रीगो मीप्प, को़न्ज्योक् ॱस्यो़च्च्ये मीप्पे मी हीन् ॱनो़ब ॱसम्ज्यीत्। 13ॱनी हुन्दो ह खीत्रङ् हुगो डस्सी को़न्ज्योक्तङ् ज्यङ्बोक्म मीप्प बेत्। ख्रीष्ट्की ठक्की को़न्ज्योक्तङ् ङीदु सो़नी, हुनी यङ् खीत्रङ् ख्रीष्ट्तङ् मत् ढेबल झ्युङ्न यो़क्केन् बेत्।
14-15हज्यरङ्ल स्यीव ॱनङ्गेन् खोङ्गी ङीत् यहुदी घयेत् धङ् खीत्रङ् घयेत् ज्यी़त् च्यीक्ल सो़ब बेत्। हीगो खोङ्गी रोरङ्गी ॱरोक् च्येबे लम्नी यहुदीगी छ्यो़डीम्गी क धङ् लु घयेत् मीप्पल सो़न यहुदी धङ् ज्यी़त् ॱयोङ् ॱयोङ् डीक्तु ॱमीत् ची़क्केन्, ॱअर्तक्की ढप् दी खोङ्गी ॱरुम् तङ बेत्। हुन्दुक् झ्यीन ज्यी़त् ॱनग ॱङी च्येम्म दी च्यीक्ल सो़न खोङ्दङ् मत् ढेबल युङ्गेन्, कोलीमी ॱसम्ब च्यीक् सोये ढीक्ल बेत्। हीन्दुक् झ्यीन स्यीवल झ्युङ्दु ची़प्प बेत्। 16ॱनी खोङ् कुरुस्तु ढोङे लम्नी ॱनग ॱङीबी़ ज्यी़त् दी सी़ च्यीक्ल सो़न ॱङीक्कर् को़न्ज्योक्तङ् डीक्च्या झ्यीन छ्यम्दु ची़प्प बेत्। 17ॱनी खीत्रङ् ज्यङ्बोक्म यो़क्केन् ज्यी़त् ॱयोङ् ॱयोङ्गी मी घयेत्ल धङ् ङीत् ङीन्दीक्म यो़क्केन् यहुदी घयेत्ल ॱसीम् दीव युङे केच्च्य ॱनेम्बु ॱस्यो़त्तु खोङ् झ्यो़म्ब बेत्। 18खोङ्गी कुट्टीङ्गी हज्यरङ् ज्यी़त् ॱङीक्कर् यप्की ढुङ्दु धम्बे थु च्यीक्की लम्नी डो छुगेल्ल झ्युङ बेत्।
19हुगो झ्यीनी खीत्रङ् ह लुङ्ब स्येन् छ्योगी मी डस्सी मेम्ब, को़न्ज्योक्की मीस्सीर्, खोङ्गी मी चङ्म घयेत्तङ् च्यीक्प को़न्ज्योक्की ढोङ्बे मीजङ्ल झ्युङ बेत्। 20खीत्रङ् खीम्गी दो चीबदङ् छ्येत्मीत् बेत्। ॱनी ॱसप्तेन् दी कलुङ् ॱस्यो़क्केन् घयेत् धङ् ठीक्नल घयेत् बेत्। ॱनी सुर्की दो घो छ्यो़स्स्यो दी ख्रीष्ट् येशु खोङ् रोरङ् बेत्। 21हुगो झ्यीनी चीक्पक्की डी़त्तोक् घयेत् दी मीत् स्यीक्प, खीम् दी छ्यीदु छ्यीदु फीन्नी, हुगो चोव ज्यीन्दक् स्युसे खोङ्ल तीम्बे छ्यो़गङ् हीम्ब युङ्गेन् बेत्। 22खीत्रङ् ॱअङ् खोङ्दङ् मत् ढेबल ॱयोङ्म घयेत्तङ् थी़त्न युङ्नी, हुनी छ्यो़गङ् युङ्गेन् बेत्। ॱनी हुदु धम्बे थुगी लम्नी झ्यीन को़न्ज्योक् स्युगेन् बेत्।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995 Wycliffe Bible Translators, Inc. and Nepal Bible Society