TITUSA 3
3
Masharuti ya muendreleo wa shi uaminifu
1Nahanidza watru wadzituĩse ha matawalizi na ha wendza yezi, wastehi, wake tayari ya kula shitrendro ndjema, 2wasutefuwe mutru atsokao yotsi, wake watrulivu, wasuke waguguru, ɓadi wake wema mbeli za piya wanadamu.
3Mana wasi wajau, mara ya handra rika wajinga, wakaidi, wapotevu, warumwa wa piya zinamuna za ngushauku na za masterehi. Rakoẽshi hari mwa upeu na uwivu, rika wafudhuli, tsena rakoengana. 4Ɓadi wakati uwema wa Mungu Muhuyifu watru na uv̄endza yahe uwanadamu zav̄enuha, 5arihuyi, tsi amba rifanya zitrendro zamujiv̄ia, ɓadi ha urehema wahe monyewe. Arihuyi ha umuhoseo wa umudzalio muv̄ia, na umuregezeo-muv̄ia uv̄ingwao na iRoho Ndzitwaharifu, 6ilio amba arienedzayo ha uwengi ha ndzia ya Insa-Kristi, Muhuyifu watru, 7ile pare rangu rahakishiwa ha urehema wahe, rifanyihe mawarithi, ha itama ya uhayati mukamilifu wa daima. 8Urongozi uwo kweli, amwesa natsov̄endza ushadidishe trongo zizo, ile wao wahetsi uaminifu wawo ha Mungu, wazidi udzishuhulisa ya ufanya zitrendro ndjema. Izo ɗe ndzuzuri, tsena zifayidishao wanadamu.
9Ɓadi ɓauha mashindrano ya shiujinga, zinaswaɓa, ngumani, mifarikishano hari mwa iSharia, mana izo kazina mana wala faida. 10Mutru atsongao mifarikishano, murudi mara ya handra, na ya v̄ili, ɓaanda ya v̄av̄o dziɓause na waye. 11Ujuwe amba mutru mauri ɗe uwo apotea, amwesa asuãswi. Ha izo asudzihukumu waye monyewe.
Malagidzo ya mwiso na masalamu
12Wakati nitsohuv̄elesheao Artemasu au Tihikusa, fanya haraka uje unipare Nikopolisa, mana v̄av̄o ɗe v̄ahali naãzimia niv̄itse uwakati wa ɓaridi. 13Fanya djitihadi umusaidiye Zenasu, mutaãlamu wa iSharia, v̄umoja na Aɓulusu, na izo zawalazimu hari mwa umusafara, ile wasukosewe na itsokao yotsi. 14Watru watru wajau walazimu wafundrihe udzihetsi ufanya zitrendro ndjema, ile zalazimu zilio mahususu ziparihane, isuke amba kawana mavuna.
15Piya walio na wami wasuhusalimu. Salimu wao wariv̄endzao hari mwa uaminifu.
Rehema naimuendreleyeni piyanyu.
Currently Selected:
TITUSA 3: swb
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
TITUSA 3
3
Masharuti ya muendreleo wa shi uaminifu
1Nahanidza watru wadzituĩse ha matawalizi na ha wendza yezi, wastehi, wake tayari ya kula shitrendro ndjema, 2wasutefuwe mutru atsokao yotsi, wake watrulivu, wasuke waguguru, ɓadi wake wema mbeli za piya wanadamu.
3Mana wasi wajau, mara ya handra rika wajinga, wakaidi, wapotevu, warumwa wa piya zinamuna za ngushauku na za masterehi. Rakoẽshi hari mwa upeu na uwivu, rika wafudhuli, tsena rakoengana. 4Ɓadi wakati uwema wa Mungu Muhuyifu watru na uv̄endza yahe uwanadamu zav̄enuha, 5arihuyi, tsi amba rifanya zitrendro zamujiv̄ia, ɓadi ha urehema wahe monyewe. Arihuyi ha umuhoseo wa umudzalio muv̄ia, na umuregezeo-muv̄ia uv̄ingwao na iRoho Ndzitwaharifu, 6ilio amba arienedzayo ha uwengi ha ndzia ya Insa-Kristi, Muhuyifu watru, 7ile pare rangu rahakishiwa ha urehema wahe, rifanyihe mawarithi, ha itama ya uhayati mukamilifu wa daima. 8Urongozi uwo kweli, amwesa natsov̄endza ushadidishe trongo zizo, ile wao wahetsi uaminifu wawo ha Mungu, wazidi udzishuhulisa ya ufanya zitrendro ndjema. Izo ɗe ndzuzuri, tsena zifayidishao wanadamu.
9Ɓadi ɓauha mashindrano ya shiujinga, zinaswaɓa, ngumani, mifarikishano hari mwa iSharia, mana izo kazina mana wala faida. 10Mutru atsongao mifarikishano, murudi mara ya handra, na ya v̄ili, ɓaanda ya v̄av̄o dziɓause na waye. 11Ujuwe amba mutru mauri ɗe uwo apotea, amwesa asuãswi. Ha izo asudzihukumu waye monyewe.
Malagidzo ya mwiso na masalamu
12Wakati nitsohuv̄elesheao Artemasu au Tihikusa, fanya haraka uje unipare Nikopolisa, mana v̄av̄o ɗe v̄ahali naãzimia niv̄itse uwakati wa ɓaridi. 13Fanya djitihadi umusaidiye Zenasu, mutaãlamu wa iSharia, v̄umoja na Aɓulusu, na izo zawalazimu hari mwa umusafara, ile wasukosewe na itsokao yotsi. 14Watru watru wajau walazimu wafundrihe udzihetsi ufanya zitrendro ndjema, ile zalazimu zilio mahususu ziparihane, isuke amba kawana mavuna.
15Piya walio na wami wasuhusalimu. Salimu wao wariv̄endzao hari mwa uaminifu.
Rehema naimuendreleyeni piyanyu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.