TITUSA 2
2
Trongo zalazimu zisomedzewe watru waaminifu
1Ɓadi wawe, somedza izo zalingana na umusomo wa kweli. 2Sariɓia watruɓaɓa wendza maha wake watru wakasidi, wendza hishima, waelevu, wake wahodari hari mwa uaminifu, uv̄endza na suɓira.
3Watrumama wendza maha wajau, wakane maendreleo yastahiki watwaharifu. Ike amba wao kawatefua, wala wasuke walevi, ɓadi wasomedze zilio ndjema, 4ile wasomedze watruwashe wanahirimu wav̄endze waume wawo na uwana, 5wake waelevu, waraharifu, washahilihe na liɗago lawo, wake wema, wadzituĩse waume wawo, pare urongozi wa Mungu usukufuriwe.
6Tria ɓari wajau wanahirimu watruɓaɓa wake waelevu. 7Hari mwa piya zitrongo, dzihetsi uke mufano hari mwa zitrendro ndjema: musomo waho naurahare, uke mutru wa kusudi, 8mwendza kauli ndjema kaishindraniha, ile uwo alio kinyume ajaye haya, ata asupare mbovu itsokao yotsi arirongoa.
9uWarumwa nawadzituĩse ha wanyewe wawo hari mwa trongo piya, wawajiv̄idze, wasushindrane na wao, 10wasuwahiɓiye, ɓadi nawaonese dahari uaminifu mukamilifu, ile wav̄e hishima hari mwa trongo piya umusomo wa Mungu, Muhuyifu watru.
11Mana irehema ya Mungu iv̄ingao uhuyifu ha piya wanadamu, iv̄enuha. 12Iyo urisomedza uhara ushirikina na zingushauku za lidunia lini, na uẽshi wakati wa leo unu ha namuna ndzielevu, ya haki, tsena ya shiĩɓada, 13ha ulindra itama yendza ɓaraka, na umuv̄enulio wa utukufu wa Mungu muɓole watru na Muhuyifu watru, Insa-Kristi. 14Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.
15Ɓasi izo ɗe zalazimu usomedze, utriye ɓari na urudia v̄umoja na yezi ndzikamilifu. V̄usuke ata mutru ahudharau.
Currently Selected:
TITUSA 2: swb
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
TITUSA 2
2
Trongo zalazimu zisomedzewe watru waaminifu
1Ɓadi wawe, somedza izo zalingana na umusomo wa kweli. 2Sariɓia watruɓaɓa wendza maha wake watru wakasidi, wendza hishima, waelevu, wake wahodari hari mwa uaminifu, uv̄endza na suɓira.
3Watrumama wendza maha wajau, wakane maendreleo yastahiki watwaharifu. Ike amba wao kawatefua, wala wasuke walevi, ɓadi wasomedze zilio ndjema, 4ile wasomedze watruwashe wanahirimu wav̄endze waume wawo na uwana, 5wake waelevu, waraharifu, washahilihe na liɗago lawo, wake wema, wadzituĩse waume wawo, pare urongozi wa Mungu usukufuriwe.
6Tria ɓari wajau wanahirimu watruɓaɓa wake waelevu. 7Hari mwa piya zitrongo, dzihetsi uke mufano hari mwa zitrendro ndjema: musomo waho naurahare, uke mutru wa kusudi, 8mwendza kauli ndjema kaishindraniha, ile uwo alio kinyume ajaye haya, ata asupare mbovu itsokao yotsi arirongoa.
9uWarumwa nawadzituĩse ha wanyewe wawo hari mwa trongo piya, wawajiv̄idze, wasushindrane na wao, 10wasuwahiɓiye, ɓadi nawaonese dahari uaminifu mukamilifu, ile wav̄e hishima hari mwa trongo piya umusomo wa Mungu, Muhuyifu watru.
11Mana irehema ya Mungu iv̄ingao uhuyifu ha piya wanadamu, iv̄enuha. 12Iyo urisomedza uhara ushirikina na zingushauku za lidunia lini, na uẽshi wakati wa leo unu ha namuna ndzielevu, ya haki, tsena ya shiĩɓada, 13ha ulindra itama yendza ɓaraka, na umuv̄enulio wa utukufu wa Mungu muɓole watru na Muhuyifu watru, Insa-Kristi. 14Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.
15Ɓasi izo ɗe zalazimu usomedze, utriye ɓari na urudia v̄umoja na yezi ndzikamilifu. V̄usuke ata mutru ahudharau.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.