MAHEƁRANIYA 3

Insa muhu wa Musa

1Ha izo, wananyangu watwaharifu murengao fuvu hari mwa umuhirio wa shipev̄oni, namumufikiri Insa, uMuv̄elehwa amma uMuɓole wa yaMatolezi-Masadaka|Muɓole wa Matolezi-Masadaka wa uaminifu riukuɓalio. 2Aka muaminifu ha Uwo amuhetsi, mauri ɗe inamuna Musa aka hari mwa piya umuraɓa#3:2 umuraɓa: uMuraɓa wa Mungu unu, ɗe uwatru wahe. wa Mungu. 3Na waye aka aonehana amba astahiki utukufu muɓole rahana wa Musa, mauri muwasi-nyumba ukana hishima rahana inyumba wiyo-wiyo. 4Kweli amba kula nyumba uka amba iwahwa na mutru, na Uwo awaha piya, ɗe Mungu. 5Yahusu Musa waye, aka muaminifu hari mwa piya umuraɓa wa Mungu amba murumishi, alawiye ushahidi izo zakoja zirongoleshehe. 6Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

Mufahamisho kinyume na umuharalio

7Iyo ɗe imana, mauri ɗe inamuna iRoho Ndzitwaharifu irongoao:

«iLeo ini, neka musukia ji lahe,

8musukaidishe roho zanyu

mauri ɗe uwakati wa umutsutsuho,

isuku ya umudjereɓio padzaju,

9v̄ahali wadzaɗe wanyu wakoniv̄ima ha unidjereɓu,

ɓasi waono zitrendro zangu pandza la maha aruɓaini.

10Iyo ɗe imana natukiwa na dunia lilo ata narongoa:

‹Ha daima roho zawo upotea, kawajua ndzia zangu.›

11Ɓasi tsilav̄a yamini ha hasera zangu:

‹Kawatsongia ata hata hari mwa uv̄umuzi wangu.› »#3:11 Namuangaliye Utende 95:7-11.

12V̄av̄o namufahamu wananyangu, v̄wasuke ata mutru hari mwanyu akana roho mbovu kaina uaminifu, ata yamuɓausa na Mungu alio hayi. 13Ɓadi namutriane ɓari kula suku, piya wakati mutru ashindrao arongowe «Leo», ile ata moja hari mwanyu asukaidishihe ha udangamanyifu wa lidhambi. 14Mana ra hari mwa ushirika wa Kristi neka tu amba risusika hodari ata mwisoni umuhakikisho rilionawo rangu mwandro. 15Wakati ulio amba v̄urongolwa:

«iLeo ini, neka musukia ji lahe,

musukaidishe roho zanyu

mauri ɗe uwakati wa umutsutsuho.»#3:15 Namuangaliye Utende 95:7,8.

16Wav̄i ɗe wakia, amwesa watsutsuha kinyume na waye? Hali tsi ɗe piya wao waka walawa Miswiri ha uv̄ingwa na Musa? 17Na kinyume na wav̄i Mungu aka ahadhaɓiha pandza la maha aruɓaini? Hali tsi kinyume na wao waka waãswi, wafa, maiti zawo zapuliha padzaju? 18Na wav̄i ɗe waka walav̄iwa yamini amba ata idahari kawatsongia hari mwa uv̄umuzi wahe? Hali tsi ɗe wao kawaka watuĩ? 19Risuona ha uzuri amba kawashindra wangia iv̄o kawakana uaminifu.

Currently Selected:

MAHEƁRANIYA 3: swb

Highlight

Copy