MAGALATWIYA 6
6
Namutrihisane yimidzo wanyu na wanyu
1Wananyangu, neka v̄wa mutru aja asikwa na aina ya kosa, wanyu muv̄ingwao na iRoho, namumurudi ha roho ndzitrulivu. Ɓadi dzitahadharishe, usendre wawe wajau wadjereɓiwa. 2Namutrihane udziro wanyu na wanyu, na v̄av̄o mutsotsimidza iSharia ya Kristi. 3Neka mutru asudzifikiria amba muɓole wakati ulio amba waye shitru titi, asudzilaɓa waye monyewe. 4Ɓadi kula mutru nadzitunde na zitrendro zahe monyewe, na v̄av̄o atsopara trongo ya udziɓua yalawana na iwaye yahe, ɓadi tsi ha mutru wangina. 5Mana kula mutru atsotrika mudzo wahe monyewe#6:5 Mana kula mutru... monyewe: Yaãni, kula mutru atsoka djukuma la zitrendro zahe..
6Uwo asomedzewao Urongozi wa Mungu, naanise ndjema zahe piya na uwo amusomedzao.
7Musudzilaɓe; Mungu kadharauliha. Iyo mutru atsotaɓuo, ɗe atsoivunao. 8Mana monyewe utaɓu ha shiuɓinadamu yahe, atsovuna za shiuɓinadamu, ne ɗe uangamifu; ɓadi monyewe utaɓu ha iRoho, atsovuna za iRoho: uhayati mukamilifu. 9Ɓasi rasulemewe ufanya ndjema, mana ritsovuna wakati wamopara, neka karisupuha ɓari. 10Ha izo, ramokana inafasi, narirendreye ndjema wanadamu piya, hususwani ɗe uwatru wa udjama hari mwa uaminifu.
Mitahadharisho ya mwiso na masalamu
11Namuone ziharufu ɓole nimuangishiaonizo ha umuhono wangu monyewe.
12Piya wao watsahao waonehane amba wema matsoni wasumulazimishani mutahiriwe|utahiri, tu amba ile pare wasutreswe ha siɓaɓu ya umuri wa pawa|muri wa pawa wa Kristi. 13Mana ata wao watahiriwa, ne kawasuɗunga iSharia; ɓadi wasutsaha mutahiriwe, ile washindre wadziɓuwe ha izo mwafanyiwa mwilini hanyu. 14Hanguju wami, ata idahari tsatsodziɓua ha itsokao yotsi yangina neka tsi hari mwa umuri wa pawa wa Raɓi watru Insa-Kristi, muri ulio amba ha uwo, ulemengu uremwa mizumari ha wami, mauri ɗe namuna nilio ha ulemengu. 15Mana ilio muhimu tsi ɗe amba mutru atahiriwa, au katahiriwa, ɓadi ilio muhimu ɗe uka shiumbe pia. 16Ha piya wao waɗungao musariɓio uwo, utrulivu na urehema naziendreleye, tsena ha iIsraila#6:16 iIsraila ya Mungu: Yaãni, umati wa Mungu. ya Mungu.
17Rangu v̄anu, v̄usuke mutru anitaãɓisha, mana nisuv̄inga mwilini hangu ãlama za Insa.
18Wananyangu, urehema wa Raɓi watru Insa-Kristi nauke hari mwa iroho yanyu. Amina.
Currently Selected:
MAGALATWIYA 6: swb
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
