2 TIMUTAUSU 2

Muwanizi mwema wa Kristi

1Ɓasi wawe, mwana wangu, dzihodarishe hari mwa irehema iparihanao ha Kristi-Insa. 2Na izo wazikia na wami mbeli za wengi wa mazahidi, zidhwaminishe ha watru waaminifu watsoshindrao wazisomedze wajau wangina. 3Ondesheha [v̄umoja na wami]#2:3 Ondesheha [v̄umoja na wami]: Au: Renga fungu laho hari mwa yamaondo., mauri muwanizi mwema wa Kristi-Insa. 4Kav̄usi ata muwanizi hari mwa djeshi ashahilihao na maẽsha ya kula suku amotsaha ajiv̄idze uwo amurenga. 5Na mushindranizi kahishimiwa neka kashindrana ha uɗunga ziSharia. 6Mulimizi adzirumao alazimu ake ɗe wa handra aparao lifungu lahe hari mwa yamavuna. 7Elewa izo nirongoao, na Raɓi atsohuv̄a uelewe piya.

8Munahane Insa-Kristi, shilembwe ya Daudu, aregezewa hayi ulawa ha uwafu, ha uɗunga iIndjili niijudzao. 9Ha wiyo nisuondesheha, ata tsifungwa mauri murendrezi-mbovu. Ɓadi urongozi wa Mungu kawafungwa. 10Iyo ɗe imana ata nistahamilio piya zitrongo, ha faida ya wao watsahulwa, ile wao wajau wapare uhuyifu ulio ha Kristi-Insa, v̄umoja na utukufu wa daima. 11Unu urongozi wa kweli:

Neka amba rifu v̄umoja na waye,

ritsoẽshi wajau v̄umoja na waye;

12neka risustahamili,

ritsotawala wajau v̄umoja na waye.

Neka risumuhara,

waye wajau atsorihara;

13neka karisi waaminifu,

waye asuɓaki muaminifu,

mana kashindri udzihara waye monyewe.

Murumishi akuɓaliwa na Mungu kaonea haya

14Nahanidza wanyaho trongo zizo na osia mbeli za Mungu watrale mashindrano ya makalima, trongo kaina faida itsokao yotsi, neka tsi uangamidza wao wayavulishiao. 15Fanya djitihadi udzitekeleze mbeli za Mungu amba mutru akuɓalishiha, murumishi kasuonea haya, asomedzao ha uondzofu urongozi wa ikweli. 16Ɓauha mahadisi kayana mana yashirikisao, yalio amba uɓausa wao wayasikao zaidi ha zaidi na iĩɓada. 17Urongozi wawo urandra mauri yaɓisi. Na mengoni mwawo ɗe Himeni na Filuti, 18walio amba wadziɓausa na ukweli, ha urongoa amba umuregeo hayi madza uhidjiri. Na v̄av̄o wasupoteza uaminifu wa ɓaãdhwi ya watru. 19Ɓadi umusingi muhodari wahetsiwa na Mungu, uwo usika, uremwa muhuri na marongozi yanu: «Mola asujua wao walio amba wahe», na tsena «mutru yotsi akuɓalio ha hadhwiri lidzina la Mola, nadziɓause na uovu.»

20Moni na nyumba ɓole kav̄uka ziya za dhahaɓu na fedha tu ɓasi, ɓadi uka wajau za muri na za ɗongo. V̄wa amba za urumishi wa sheo, na zasalia urumishi muv̄ungufu. 21Ɓasi neka mutru asudzirahatsa ha udziɓausa na trongo zizo, atsoka shiya ya urumishi wa sheo, yatwaharishiwa, imufayio Monyewe, tayari ya kula urumishi mwema.

22Trala zingushauku za shiunahirimu, utsahe uhaki, uaminifu, uv̄endza, amani, v̄umoja na wao wamukuɓalio Mola ha hadhwira ha umo muraharifu. 23Ɓauha malaguzi ya shiujinga kayana mana, ha ujua amba yao uv̄inga umani. 24Ne ɗe kayalazimu amba murumishi wa Raɓi akana umani, ɓadi alazimu ake mwema mbeli za piya, ashindre asomedze, amwesa ake mustahamilifu. 25Narudiye ha utrulivu wao wamukanyushao, ukiri uka amba Mungu atsowagaudza wandre toɓa, pare wajuwe ikweli. 26V̄av̄o watsorudi warengeleye fikira, watraliye marambwi ya Iɓilisa aka awasika amba watuĩ mav̄endzeleo yahe.

Currently Selected:

2 TIMUTAUSU 2: swb

Highlight

Copy