2 MAKORINTIYO 9
9
Musada ha faida ya wananya wa shi uaminifu
1Hari mwa yahusu umusada mbeli za uwatwaharifu#9:1 uwatwaharifu: Yaãni, ɗe wananya wa shi uaminifu wa Yudeya., kaisina ata mana ya wami umuangishiani. 2Madza nisujua idjitihadi yanyu, ilio amba tsimusifuni nayo mbeli za Wamakadoniya|Makadoniya amba: «iAkaya|Akaya ya tayari rangu mwaha jana.» Na idjitihadi yanyu imarusa wengi. 3Ɓasi nisuv̄eleha uwananya wa shi uaminifu, ile udziɓua yatru raifanya umuhusuni, usuparihanihe truv̄u hari mwa itrongo iyo, ɓadi muke tayari mauri ɗe iheli nairongoa, 4ile yasuke amba neka Wamakadoniya wasuniɗunga, ɓasi kawamuparani tayari, rasupatswe na aĩɓu, neka tsisurongoa amba aĩɓu yanyu. 5Ha izo, tsiono muhimu nitriye ɓari wananya wa shi uaminifu wanikadimiye uja hanyu, ile washahilihe na ihishima mwaitolea wahadi, pare ike tayari amba neema, ɓadi tsi shitru farudhwi.
Mutru ataɓuo ha uwengi, uvuna ha uwengi
6Namujuwe amba: Monyewe utaɓu ha ushashi, atsovuna ha ushashi, na uwo ataɓuo ha uwengi, atsovuna ha uwengi. 7V̄av̄o ɓasi kula mutru nav̄e ha ikiasi ahetsi rohoni hahe, ɓila usikitifu, wala uremwa nguvu, mana Mungu uv̄endza ule av̄ao ha furaha. 8Na Mungu ushindra amuv̄eni ha uwengi neema za kula namuna, pare mukane kula wakati piya zamulazimuni ha kula namuna, tsena mukane ha uwengi ya kula shitrendro ndjema. 9Mauri ɗe iheli yaangihwa:
«Aenedza ndjema zahe, av̄a zimasikini;
uhaki wahe usuẽshi dahari#9:9 Aenedza... dahari: Namuangaliye Utende 112:09..»
10Na Monyewe uv̄a mbeu umutaɓizi na dipe amba shahula atsomuv̄ani ha uwengi mbeu#9:10 Mbeu: Mbeu zini zirongolwao v̄anu, izo ɗe zindjema mutru adjaãliwaozo., tsena atsoengedza yamavuna ya uhaki wanyu. 11Ha izo mutsotadjiriha hari mwa piya, pare muke watolezi musada wa kula namuna ha uwengi. Na umusada wanyu uwo utsov̄ingwao na wasi utsotsongesha himida ha Mungu.
12Mana urumishi wa mutsango uwo, tsi tu amba ususaidi hari mwa zakosea watwaharifu, ɓadi tsena usuzidisha himida zihedzewao ha Mungu. 13Ha udhiɓitifu wa urumishi wanyu uwo, wao wasumutukuza Mungu ha siɓaɓu ya utuĩvu wanyu wamuv̄ingani mukuɓali ha dhwahiri iIndjili ya Kristi na ha siɓaɓu ya utolezi musada wanyu ha uwengi hawoju, na ha piya. 14Ɗe v̄umoja na huɓa ɗe wamufanyiaoni mamilio ha siɓaɓu ya ineema Mungu amudjaãliaoni ha uwengi. 15Mungu nahimidiwe ha ineema kaina mufano yahe.
Currently Selected:
2 MAKORINTIYO 9: swb
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
