2 MAKORINTIYO 6
6
1Rangu rilio washangirizi wa Mungu, risumutriani ɓari mwasurenge ineema mwaipara hahe, mwaifanya shitru tsi yendza mavuna. 2Mana asurongoa:
«Hari mwa uwakati nav̄endza tsihutakaɓali,
isuku ya ukombofu, tsihusaidi#6:2 isuku ya ukombofu, tsihusaidi: Namuangaliye Izaya 49:8..»
Ɓasi wakati mwema ɗe unu, ini ɗe isuku ya ukombofu.
ziTaãɓu za Ɓaulusu hari mwa urumishi wa Mungu
3Wasi karisuv̄a ata mutru siɓaɓu itsokao yotsi ya umukwalisa, pare ihazi ya urumishi yatru yasuparihwane na kosa. 4Ɓadi ha kinyume, risudziv̄enua hari mwa kula trongo amba wasi warumishi wa Mungu: rangu ha ustahamilifu muɓole hari mwa matreso, ukosefu, usongefu, 5hari mwa ziv̄ondro, ziv̄ani, mitsutsuho, ngurumwa, miɓalidzio ya tsindzi, na ndza; 6hari mwa uraharifu, ujuzi, suɓira, uwema, iRoho Ndzitwaharifu, na uv̄endza wa kweli, 7hari mwa umujudzio wa ikweli, tsena ha ushindzi wa Mungu, ha zizombo ziwaniao na ukingia ihaki#6:7 ha zizombo ziwaniao na ukingia ihaki: iShigiriki isurongoa ha zombo za ihaki rilionazo hari mwa umuhono wa hume na wa potro.; 8hari mwa hishima na uonevu, hari mwa sifa mbovu na ndjema, uonehana amba wadangamanyifu, ata iv̄o rilio wa kweli; 9mauri watru kawajulihana, ata iv̄o rijulihwanao, mauri watru wafao, ata iv̄o rilio hayi, mauri watru wav̄ondrwao, ɓadi karisuulawa; 10mauri watru wahuzunishiha, ata iv̄o rilio rahani daima; mauri masikini, ata iv̄o ritadjirisao wengi; mauri watru kawasina itsokao yotsi, ata iv̄o riliona piya.
11Ha unafasi rilagua na wanyu Makorintiyo, rimuɓuliani roho zatru ha kusudi. 12Karamuɓaliani roho zatru, ɓadi wanyu-wanyu ɗe mwaɓala zanyu. 13Ɓasi ha ɓadala ya v̄av̄o, nisumurongodzani mauri wana, namuɓuwe ɓole wanyu wajau roho zanyu.
uMutsanganisio wa wao waaminio na wao kawasuamini, tsi trongo yalazimu
14Musudzitriye hari mwa mulandza moja na watru tsi waaminifu. Mana muparano trini ujuao uke ɓaina ya uhaki na uovu? Au uv̄umoja trini ɓaina ya heu na shidza? 15Muafikiano trini ɓaina ya Kristi na Ɓelial#6:15 Ɓelial: Au: Ɓeliar. Lilo dzina langina la Shetwani.? Fungu trini muaminifu alionalo v̄umoja na tsi muaminifu? 16Mukataɓa trini ulio ɓaina ya iNyumba Ndzitwaharifu ya Mungu na masanamwe? Kweli amba wasi ɗe makazi matwaharifu ya Mungu alio hayi. Mauri ɗe iheli Mungu arongoa:
«Nitsoketsi hari mwawo,
na uendra hari mwawo.
Tsena nitsoka Mungu wawo,
na wao watsoka umati wangu.»#6:16 Namuangaliye Walawi 26:12.
17«Ha izo, namulawe hari mwawo,
tsena mudzitenge, Mola ɗe arongoao.
Musuɓambe iyo ilio nagisi,
na wami nitsomurengani ha uzuri.»
18«Wami nitsoka Ɓaɓanyu, na wanyu,
hanguju mutsoka wana watruɓaɓa na watrumama,
asurongoa Mola Monyewe ushindzi.»#6:18 Namuangaliye 2 Samueli 7:14.
Currently Selected:
2 MAKORINTIYO 6: swb
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
