1 TIMUTAUSU 5
5
Mashauri yahusu maendreleo moni mwa iDjama Ndziwaminifu
1Usulaguliye mangavu ɓaɓa muɗuhazi, ɓadi musariɓiye mauri ɓaɓa, yamashaɓaɓi waume mauri wananya watruɓaɓa, 2watruwashe waɗuhazi mauri wamama, na watruwashe mashaɓaɓi mauri wananya watruwashe, ha uraharifu mukamilifu.
3Hishimu watruwashe wafiliwa walio amba ha kweli wa weke. 4Neka amba mutrumushe afiliwa ana wana au wajuhu, nawafundrihe raɓuzi ufanya ĩɓada zawo ha wadjamazawo, ike amba shiliv̄wa mbeli za wadzaɗe wawo, mana iyo ɗe imujiv̄iao Mungu. 5Mutrumushe afiliwa wa kweli alio amba aɓaki weke, ahetsi tama yahe ha Mungu, amwesa waye uendrelea ha hadja na mamilio uku na mutsana. 6Ɓadi ule aẽshio hari mwa masterehi, afu wala ukana a hayi. 7Wav̄e maosio yao, ile wasutuhumilwe. 8Neka mutru kasuangalia wadjamazahe, na hususwani wale muraɓani hahe, v̄av̄o av̄a mengo uaminifu, tsena a movu rahana mutru kaamini.
9Mutrumushe afiliwa asuangihwe hari mwa uurdhwa kaɓula ukana maha sitini, ike amba aka mutrumushe wa mutruɓaɓa moja, 10narongoleshehe ha zitrendro ndjema zahe, amba alele wana wahe ha uzuri, akokariɓisa, akohosa yimindru ya uwatwaharifu, akosaidi wendza taãɓu, na uendrelea na kula shitrendro ndjema.
11Ɓadi usukuɓali hari mwa uurdhwa watruwashe wafiliwa waliona maha mishashi, mana neka ngushauku zawo zisuwaɓausa na Kristi, wao utsaha wangiye hari mwa ndrolo; 12na v̄av̄o watsodzitria hari mwa hukuma iv̄o wavundza mukuɓalisho wa handra wawo. 13Na zaidi ya v̄av̄o, iv̄o kawana za ufanya, wao urenga udzevu wa ungia na ulawa hari mwa miraɓa. Tsi tu amba kawana za ufanya, ɓadi tsena waɓaɓufu na upasiwa na tsi zawo, amwesa urongoa zilio amba kayalazimu warongoa. 14Ha izo natsov̄endza watruwashe wa maha mishashi wafiliwa walolwe, wadze, wasike ha uzuri miraɓa yawo, ile wasuv̄e iãduwi shisa itsokao yotsi ya urilagua ha unayi. 15Mana madza v̄wa ɓaãdhwi waav̄uha ha umuɗunga Shetwani.
16Neka v̄wa mutrumushe aaminio alio amba hari mwa udjama wahe ana watruwashe wafiliwa, nawasaidiye, ɓadi iDjama Ndziwaminifu yasudjukumisiwe na wao, ile pare iyo isaidiye wale wafiliwa walio weke ha kweli.
17Ɓasi uwaɓole waendresao ha uzuri iDjama Ndziwaminifu, nawaonehane amba wazidi ustahiki sheo, hususwani ɗe wao wadzirumao hari mwa mujudzio wa Urongozi na musomo. 18Mana uMuangishio usurongoa amba: «Kutsoɓala ihanyo ya nyombe ikitsao mele», na tsena amba: «Mutru wa hazi ustahiki mushahara wahe.»#5:18 Namuangaliye Munahanisidziyo wa iSharia 25:4 na Lukasi 10:7. 19Usukuɓali musingidzio kinyume na muɓole wa iDjama Ndziwaminifu neka kwaupara na ushahidifu wa watru waili au wararu. 20Wao waãswio, warudi mbeli za piya uwatru, pare wasalia wajau wariye.
21Nisuhuosia mbeli za Mungu, mbeli za Kristi-Insa, na mbeli za zimalayika ndzitwaharifu, utuĩ ãmuri zizo pasipo ya mav̄endzeleo wala utsahulivu.
22Usudzihafilishe udhwaminisha mutru atsokao yotsi ha mukadzio-mihono, wala usurenge fuvu hari mwa dhambi la wangina. Wawe ha wawe, dzisike muraharifu.
23Lisha wawe unwa maji tu; nwa mwana maji ya zaɓiɓu ha siɓaɓu ya imimba yaho na maɓuhuo ya kula sa yaho.
24Madhambi ya ɓaãdhwi ya watru uv̄enuha, ata kaɓula neka amba raha kayanamulwa; na ya wasalia uv̄enuha amba ɓaanda yanamulwa. 25Ɗe namuna iyo wajau zitrendro ndjema uv̄enuha, ata izo zilio amba kazionehana, ne kazishindri uɓaki amba zidzama.
Currently Selected:
1 TIMUTAUSU 5: swb
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
