1 YUHANI 1
1
Urongozi wa Uhayati
1Trongo ilio amba ika rangu mwandro, trongo raikia, trongo raiona ha yamatso yatru, trongo raistamia na uisika ha yimihono yatru, trongo yahusu Uwo alio Urongozi wa uhayati, ɗe rimujudzaoniyo. 2Mana uhayati uwo uv̄enuha; wasi riuono, risuulawia ushahidi, tsena risumujudzani uhayati mukamilifu wa daima waka ha waye Ɓaɓa, amwesa wariv̄enushia. 3Trongo raiona na uikia, risumujudzaniyo wanyu wajau, ile wanyu wajau mukane uv̄umoja na wasi. Na v̄av̄o uv̄umoja watru wa na waye Ɓaɓa, na Mwana wahe Insa-Kristi. 4Na iyo risuiangiha, ile pare furaha yatru ikamilishihe.
Mwendro hari mwa heu
5iHaɓari raikia na waye tsena rimujudzaoni, ɗe amba Mungu waye heu, na haheju kav̄u ata shidza. 6Neka risurongoa amba rina uv̄umoja na waye, amwesa risendra hari mwa shidza, v̄av̄o risurongoa trambo, tsena karisurendra ikweli. 7Ɓadi neka risendra heuni, mauri waye-waye alio heuni, v̄av̄o ra hari mwa uv̄umoja wasi na wasi, amwesa idamu ya Insa, Mwana wahe, isurirahatsa na kula dhambi.
8Neka risurongoa amba karisina dhambi, v̄av̄o risudzilaɓa, tsena ikweli kaisi moni hatru. 9Ɓadi neka risukuɓali madhambi yatru, waye muaminifu, tsena mwendza haki. Ɓasi atsoriswamihi madhambi yatru, na urirahatsa na kula uovu. 10Neka risurongoa amba karaãswi, v̄av̄o risumufanya munafiki, tsena urongozi wahe kausi hatruju.
Currently Selected:
1 YUHANI 1: swb
Highlight
Share
Compare
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
